Ezekiyele Kutontolola
Kutontolola
Muluwe Ezekiyele wekalile mu wutampwa mu Mbambiloni ha shikati oho Yelushalema shilolo awe hinge ndi unawu mwaka 597 B.C (Oho Kilishitu shilolo ahemuwe). Ezekiyele washimikilile ku batampwa bamu Mbambiloni naku bantu bamu Yelushalema. Ezekiyele uli na shimono sha wuwahe wa Nyambi. Kuzinguluka lukena ku kutatika na kuwa kwa lukena.
Ezekiyele wengile muntu wakukulupila shikuma na mukakuhanganika. Biyongola byabingi byaholokele mushifwekesha sha bimono, pe ku shimikila kwendi nimwako kwengile kwa kufwekesha kwa kupwisha. Ezekiyele wambile shikuma shinene ha kuliyelesha mu mitima namu moyo, pe muntu na muntu ukayatiwa kuya na zintendelo zendi. Washimikilile kami ha kulumbeza kwendi kwa nyoyelo ya kuliyelesha kwa mushobo wa bantu. Ha kwinga mukankombela, pe kami muluwe, Ezekiyele wekalile na shitima na Litala lya Nyambi ya Ngula naha kuyela. Muluwe Ezekiyele wafwekeshele Yunda na Ishalela kwinga ngonehe tunkanga ba kukana bakokwabo na kushinga kutenda bya wunjenge.
Hinge ngayi Yelemiya na Ezekiyele ba ku moneka kuyoya ha shikati shimo, nimwabo kami bafumine ku mapashi a bakankombela kami nimwabo bekalile mu Yelushalema ngoboni kaliha balitoyele umo na wamina. Hinge noho muli kulifweka mu nebye batendele ba ku moneka ninkayabo bemanine kupwisha, bakwamba mbili yekalile tuhu mu wutampwa kaliha mu Yelushalema. Bakanine bya nguli ya mikabo ya shinyanca yayishashu, ba kunyanca balishani ba matunga ba kukwanga kulama bambelele, bambilenga shinene bya kuyata na kutenguluka kwa bantu, kaliha betabilile bya kwikala mu wutampwa shikati shashitali na kuhongolola kwa bantwamina ba wunyambi. Bambilenga ngayi Kulimama kwakupya kwa mu mutima wa muntu bambilenga kami bya kulwisha bamiluwe ba mahalo. Bakanininenga bamiluwe ba mahalo bashimikililenga ngayi kuli ku mwena oho ku mwena kowa.
Biya Bilimo
Ezekiyele ukwihaniwa na shimono 1:1—3:27
Kuyata kwa Nyambi ha Yelushalema na Litala lyendi 4:1—24:27
Kuyata kwa Nyambi ha matunga ashenge 25:1—32:32
Kuyata kwa Nyambi kunyima ya kuloba kwa Yelushalema na Litala lyendi 33:1—39:29
Shimono sha kuhongolola Litunga na Litala lya Nyambi 40:1—48:35
Currently Selected:
Ezekiyele Kutontolola: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.