Amoshi 7
7
Shimono sha bambimba
1Eshe nisho amoneshele Mwene, Nyambi ya Ngula namumonene ha wahisha libimbe lya mikumbi ku mabalikilo akushanga byakulya, oho mwene watezakale byendi. 2Oho mikumbi yamanishile kulya mwila nimwawo wa mu litunga nambile ngayi, “Obe Nyambi ya Ngula Mpandashilanga na kukambilila kukwobe, yatila bantu bobe. Haya Yakobo ukuyoya nahiti? Ou wenga wamushe shikuma.”
3Nyambi ya Ngula walihanganikile mu mutima, pe wambile ngayi, “Eshe kukatendiwa shifwako.”
Shimono sha mundilo
4Eshe nisho amoneshele Nyambi ya Ngula Mpandashilanga namonene Nyambi ya Ngula ou wenga Mpandashilanga heza mu kuyata na mundilo, wayumishile mampunga amatali na kuhokesha litunga nimwalyo. 5Niho nabilikizile ngayi, “Obe Nyambi ya Ngula Mpandashilanga na kukambilila kukwobe hinga ushitenda. Yakobo ukuyoya nahiti? Wenga wamushe shikuma.”
6Nyambi ya Ngula walihanganikile mu mutima, pe wambile ngayi, “Eshe kami kutendiwa shifwako.” Eshe nisho akwamba Mpandashilanga.
Shimono sha lunyimbwa lwa kupimisha
7Eshe nisho amoneshele namonene Mwene Mpandashilanga hinga emana kukembi, aka katendiwile na kupimisha lunyimbwa, kami wakwatile lunyimbwa lwa kupimisha mu liboko lyendi. 8Niho Nyambi ya Ngula anyipwile ngayi, “Amoshi, waku mona shumangani?” Niho na kumbwile ngayi, “Lunyimbwa lwa kupimisha.” Niho Mwene Mpandashilanga ambile ngayi, “Penza, ninakuyaka lunyimbwa lwa kupimisha mukati ka bantu ba Ishalela. Kukabatetelela nifwako, 9pe zimbalila nimwazo za ku lemeshela, za Ishaki, zika lobeshiwa. Nazimbalila za kuyela za Ishalela, zikanongeshiwa. Nikanongesha baka litala lya Yelombowami na mukwale wami.”
Amoshi na Amaziya
10Amaziya mukankombela waku Mbetele, watumine lizu kuli mwene Yelombowami wa Ishalela ngayi, “Amoshi uli na kukubeba mukati ka litunga lya Ishalela. Pe bakalitunga banakana kuyuvwilila mazu wendi. 11Ndaba Amoshi unakwambanga ngayi, ‘Yelombowami ukazihiwa na mukwale, kami Ishalela ukafumishiwa mu litunga lyendi na kutwaliwa mu wuntapwa.’”
12Niho Amaziya ambile kuli Amoshi ngayi, “Fuma kuno obe mukaku mona bikatendiwa kumbili, boka ku litunga lya Yunda, ukalishingilenga byakulya na kulubulula bene kuyo. 13Hinga kami ulubulwila muno mu Mbetele, ndaba muno munengi mu lukena, kami muli litala lya wene.”
14Niho Amoshi akumbwile Amaziya ngayi, “Ami kaliha nili muluwe, hinge mwana muluwe, ngoboni nengile mulishani na mukakukuna bitondo bya mukuyu. 15Ngoboni Nyambi ya Ngula wamfumishile kukulisha matanga a bambelele niho ambile ngayi, ‘Yanga ukalubulule ku bantu bami Baishalela.’ 16Haya yuvwilila ku lizu lya Nyambi ya Ngula. Uli na kwamba ngayi, ‘Hinga ulubulula ku bantu ba Ishalela, kami hinga ushimikila ku baka litala lya Ishaki.’ 17Haya Nyambi ya Ngula unakwamba kukwobe ngayi, ‘Mukazobe ukenga walwiholwiho wamu lukena, kami bana bobe babalume nanaba ba bambuyama, bakafwa na mukwale, litunga lyobe likapimiwa na kupanikiwa ku bantu bashenge, obe kami ukafwila mu litunga lya bashenge. Baishalela bakatwaliwa mu wuntapwa kwakutali na litunga lyabo lya shihemwa.’”
Currently Selected:
Amoshi 7: LLK
Highlight
Copy
Compare
Share
Want to have your highlights saved across all your devices? Sign up or sign in
Libuka Lya Kuyela © Bible Society of Zambia, 2020.
