Livitike 14
14
1Yehova wahosheli naMosi, 2nindi, Tiya lushimbi lwamukwambumba lwamwifuku dakumutookesha. Nawu, Akamuleti kudikapristu. 3Kapristu akafumi muchilombu; kapristu akatali, neyi wakamonamusoŋu wambumba wunamufumi dehi mukwambumba, wunakusuki, 4kapristu akayileji kumukwatila akukeŋa kutookeshawu atujila amomi iyadyaŋawu ayedi, akanoni nimutondu musida, niwanda wuchinana, ninamutuntamu. 5Kapristu akayileji kujahila kajila wumu mwinuŋu yewumba, hewulu dameji adi nakuhita; 6hakwila kajila wamumi akamunoni, nimutondu musida, niwanda wuchinana, ninamutuntamu, akayijimiki hamunakajila wamumi mumashi akajila anajahiluwu hewulu dameji adi nakuhita; 7owu akukeŋa kutookeshawu mbumba akamusampwili mapampa katanuna kayedi, akamuteni nindi natooki, kajila wamumi akamuumbuku akayituhu mumpata. 8Owu akukeŋa kutookeshawu akakosi mahinindi, akatewulinsuki jindi jejima, akaweli mumeji, akatooki; neyi neli dehi chochochuakeŋili muchilombu, ilaŋa akakamaŋa hanzi yetenti dindi mafuku atanu nayedi. 9Hefuku damu chitanu nachiyedi akatewuli nsuki jindi jejimakunamutu windi, niwevu windi, ninkuku jindi, akatewuli kafwampi joji nsukŋindi jejima; akakosi mahinindi, akaweli mumeji, akatooki.
10Hefuku damu chitanu nachisatu akakwati anyana kanyikoku ayizamba akadi hataminawu ayedi, ni mwana kamukoku wamukaji wamwaka wumuwakadi hataminayi wumu, akanoni mabaŋu asatu awuŋa walembulukawamulambu wawuŋa, wakubomba namanji, nichipunda chamanji chimu; 11owu kapristu wakamutookesha akamushi owu muntu akukeŋa kutookeshawu, niyumoyu, kuchisu chetenti dakubulakena, kumesu aYehova. 12Kapristu akanoni mwana kamukoku wachizamba wumu, akahimulambu lihihimulambu wakutanya, nichipunda chamanji, akayinyinkeshi kumesu aYehova, hihimulambu wakunyinkesha. 13Mwana kamukoku wachizamba akamujahili kwajahilaŋawu himulambu wahanshidi nihimulambu wakushita, mwomu mumalala; muloria neyi chiwuneli himulambu wahanshidi wambalawakapristu, dichi chiwuneli nihimulambu wakutanya, wasweja kujila. 14Hamashi ahimulambu wakutanya kapristu akanonuhu, akamwomoni owuakukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu; 15kapristu akanoni manji muchipunda, akahuŋunwini muchikasa chindi yomweni chachimunswa; 16kapristu akatumpiki munuwindi wachidiilu mumanji adi muchikasa chindi chachimunswa, akasampulimanji namunu windi kumesu aYehova mapampa katanu nakayedi. 17Hamanji akushalahu muchikasa chindi kapristu akanonuhu, akamwo monuwuowu akukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu, hohamashi ahimulambu wakutanya; 18manjiadi muchikasa chakapristu anashaluhu akahuŋununi hanamutu wanowu akukeŋa kutookeshawu; kapristu akamwilili yakumubuta nachu kumesu aYehova. 19Kapristu akalambuli himulambu wahanshidi, akamwilili yakumubuta nachu owu akukeŋa kutookeshawu nanochu hadiŋiyi wamajilu; nkumininaku hakajaha nihimulambu wakushita. 20Kapristu akalambuli nimulambu wakushita, nihimulambu wawuŋa hakameŋa; kapristu akamwilili yakumubuta nachu, akatooki.
21Neyi hikazweŋi, nakaŋanyi yuma yejimoyu, akakumini dakukwata kwamwana kamukoku wachizamba, wamulambu wakutanya wakunyinkesha, kulonda kumwilila yakumubuta nachu, akanoni niibaŋu dimudawuŋa walembuluka wakubomba namanji, wamulambu wawuŋa, nichipundachamanji; 22akakwati nitutela tuyedi, hela anyana katupompa ayedi, wowu anamoniyi wowu, wumu wamulambu wahanshidi, mukwawu wamulambu wakushita. 23Hefuku damu chitanu nachisatu akaleti yumoyu kudikapristu, kumesu aYehova, kuchisu chetenti dakubulakena, kulondakumutookesha. 24Kapristu akanoni mwana kamukoku wamulambu wakutanya, nichipunda chamanji, kapristu akayinyinkeshi hihimulambu wakunyinkesha kumesu aYehova; 25akajahi ni mwana kamukoku wamulambu wakutanya, hamashi ahimulambu wakutanya kapristu akanonuhu, akamwomonuwu owu akukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu. 26Kapristu akahuŋunwini manji muchikasa chindi yomweni chachimunswa; 27manji adi muchikasachindi chachimunswa kapristu akanonuhu antesha, akayisampuli namunuwindi wakuchidiilu kumesu aYehova mapampa katanu nakayedi. 28Kapristu akanonuhu manji amakwawu adi muchikasa chindi, akamwomonuwu owu akukeŋa kutookeshawu kunsa yetu dindi dachidiilu, nikumunu wedimbanu wakuchikasa chindi chachidiilu, nikumunu wedimbanu wakumwendu windi wachidiilu, hohamashi ahimulambu wakutanya. 29Manji adi muchikasa chakapristu anashaluhu akahuŋununi hanamutu wanowu akukeŋa kutookeshawu, kulonda kumwilila yakumubuta nachu kumesu aYehova. 30Akalambuli katela kamu, hela mwana kakapompa wumu, yowu anamoni yiyowu; 31wumu wamulambu wahanshidi, mukwawu wamulambu wakushita, wowu anamoniyi wowu, nihimulambu wawuŋa hamu, kapristu akamwilili yakumubuta nachu owu akukeŋa kutookeshawu kumesu aYehova. 32Lwenilu dilu lushimbi lwamukwamusoŋu wambumba nakaŋanyi yakuditookesha nachu.
33Yehova wahosheli naMosi naAroni, 34nindi, Chimwakashika mwituŋa daKenani dinukuyinka mwakadiheti denu, neyi nakasha musoŋu wambumbamwitala damwituŋa denu dimwakaheta, 35yenowu wukweti itala akenzinakumuleja kapristu, nindi, Namoni mwitala mudi neyi musoŋu. 36Hachi diyi kapristu kanda eŋili nakutala musoŋu, kapristu akayileji kwidisha yumayidi mwitala, kulonda yuma yejima yidi mwitala yakabuli majilu; nkumininaku kapristu hakeŋila nakutala mwitala. 37Akatali musoŋu, neyi wakamonamusoŋu wunapokoli pokoli mumbapu yetala, iku neyi meji amatamba, iku neyi kuchinana, nimusoŋu wunamwekani neyi wuneŋili mumbaŋu, 38kapristu akediki mwitala, akayi kuchisu chetala, akenzeli itala mwakahiti mafuku atanu nayedi. 39Kapristu akenzi cheŋi hefuku damuchitanu nachiyedi, akatali. Neyi wakamona musopu wudi nakuya nakuswilamumbaŋu jetala, 40kapristu akayileji nindi, Fumishenumu malola akwetimusoŋu, akayinatili kunsa yamukala kumajilu. 41Akayileji akakooli italamukachi kwi-ndo, nimaseki anakooluwu akayimwaŋili kunsa yamukala kumajilu. 42Akanoni malola acheŋi, akayihiŋishi mwadiŋi malola amakwawu; akanoni maseki acheŋi, akasoti itala.
43Hakela nafumishi dehi malola, nakooli dehi itala, nadisoti dehi, kutala musoŋu hiwukwinza cheŋi nakwidika mwitala, 44kapristu akeŋilumu nakutala, neyi wakamona musoŋu wunayi nakuswila mwitala, himbumba yasumana mwitala; damajilu. 45Odu itala akadisandi, nimalola adu, ninyitondu yadu, nimaseki etala ejima, akayifumishi hamukala, akayitwali kumajilu. 46Muntu wakeŋa ila mwitala hakela anadenzeli dehi, akekali wamajilu hohu nikumelela. 47Nimuntu wakakama mwitalodu akakosi mahinindi; ninowu wakadiila mwitalodu akakosi mahinindi.
48Hakela itala anadisoti dehi, nikapristu nenzi dehi nakuditala, neyinamoni musoŋu hiwunayi nakuswila mwitalaku, kapristu akateni itala nindidinatooki dehi, nanochu chimunakusuki dehi musoŋu. 49Akakwati tujilatuyedi, nimutondu musida, niwanda wuchinana, ninamutuntamu, kulondakutookesha nachu itala. 50Kajila kamu akakajahili mwinuŋu yewumba, hewulu dameji adi nakuhita; 51akanoni mutondu musida, ninamutuntamu, niwanda wuchinana, nikajila kakomi, akayijimiki mumashi akajila kanajahuwu, nimumeji adi nakuhita, akasampuli itala mapampa katanu nakayedi; 52akatookeshi itala namashi akajila, nameji adi nakuhita, nakajila kakomi, namutondu musida, nanamutuntamu, nawanda wuchinana. 53Kajila kakomi akakombuku, kakafumi hamukala kakayi mumpata; dimu mwakelilayiyakubuta nachu itala; dakatooka.
54Lwenilu dilu lushimbi lwamusoŋu wambumba muwahitila mwejima, nilweyaji, 55nilwambumba yehina dakuvwala, nilwetala; 56nilwakunana, nilwachibata, nilwebeŋa ditokoloka, 57kulonda kuyileja nihadi majilu nihanatooki; dilu lushimbi lwambumba.
Currently Selected:
Livitike 14: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
