Livitike 15
15
1Yehova wahosheli naMosi naAroni, 2nindi, Hoshenu nawanyana kaIsarela, muyili nenu, Neyi kudi muntu wapwekaŋa kumujimba windi, neli dehi wamajilu nanochu chanapwekiyi. 3Tiyenu mwakakwatilayi majilu omu mwakapwekelayi; neyi kumujimba windi kukupweka, hela neyi kumujimba windi kukujika nanochu chakupwekayi, nakwati dehi majilu. 4Tudidi twejima twakakamayi owu wapwekaŋa twakekali twamajilu; niyuma yakashakamayi yejima yakekali yamajilu. 5Muntu wakakunka kukadidi kindi, akakosi mahinindi, akaweli mumeji, akekali wamajilu hohunikumelela. 6Muntu wakashakama hayuma yashakaminiyi owu wapwekaŋa, akakosi mahinindi, akaweli mumeji, akekali wamajilu hohu nikumelela. 7Muntu wakakunka kumujimba wanowu wapwekaŋa, akakosi mahinindi, akaweli mumeji, akekali wamajilu hohu nikumelela. 8Muntu wutookaneyi akumufwŋila mazeŋi kudi muntu wapwekaŋa, akakosi mahinindi, akaweli mumeji, akekali wamajilu hohu nikumelela. 9Nisadi yakendelayi owu wapwekaŋa yakeli yamajilu. 10Muntu wakakunka kuchuma chadiŋikwishina dindi akekali wamajilu hohu nikumelela, niwakasenda yumoyu akakosi mahinindi, akaweli mumeji, akekali wamajilu hohu nikumelela. 11Yowu akakunkawu kudi mukwakupwekesha nabuli kwisuka kumakasindi mumeji, akakosi mahinindi, akaweli mumeji, akekali wamajilu hohunikumelela. 12Nichuma chewumba chakakunkayi mukwakupwekesha akachi fumpi, hakwila yuma yanyitondu yejima akayikosololi mumeji.
13Wapwekaŋa, neyi natooki dehi nanochu chapwekelapayi, akachindi mafuku indi atanu nayedi akutooka nachu, akakosi mahinindi, akawelimu meji adi nakuhita, akatooki. 14Hefuku damu chitanu nachisatu akadikwatili tutela tuyedi, hela anyana katupompa ayedi, akenzi kumesu aYehova kuchisu chetenti dakubulakena, akayinki kapristu; 15kapristu akayilambuli, wumu wamulambu wahanshidi, mukwawu wamulambu wakushita; kapristu akamwilili yakumubuta nachu kumesu aYehova nanochu chanapwekiyi.
16Neyi kwakamwekana iyala wakalota kamwadi akaweli mujimba wejimamumeji, akekali wamajilu hohu nikumelela. 17Nimahina akuvwala ejima, niyitembi yejima yikweti mbutu yalusemu, akayikosi mumeji, yakekali yamajilu hohu nikumelela. 18Nimumbanda nakami neyala wudi nambutuyalusemu nawa chochu, wejima wawu mwayedi wawu akaweli mumeji, akekali amajilu hohu nikumelela.
19Neyi kudi mumbanda wapwekaŋa, chakupwekayi kumujimba windihakupweka mashi, akayi kwitala di kwawu mafuku atanu nayedi; muntuwakamukunka akekali wamajilu hohu nikumelela. 20Yuma yejima yakakamayi hakekalayi kwitala di kwawu yakeli yamajilu, niyuma yakashakamayi yejima yakeli yamajilu. 21Muntu wakakunka kadidi kindi akakosi mahinindi, akaweli mumeji, akekali wamajilu hohu nikumelela. 22Muntu wakakunka kuchuma chakashakamayi akakosi mahinindi, akaweli mumeji, akekali wamajilu hohu nikumelela. 23Neyi muntu wakakunka hela chuma chahakadidi, hela chuma chanashakamiyi, akekali wamajilu hohu nikumelela. 24Neyi iyala wakakama nindi, nikanyanda kindi kakekala hadi iyala, akekali wamajilu mafuku atanu nayedi, nitudidi twakakamayi twejima twakelitwamajilu.
25Neyi kudi mumbanda wapwekaŋa mashi indi mafuku amavulu habulilaŋakuyayi kwitala di kwawu, hela neyi wapwekapa nakupandakesha hayilaŋayi kwitala di kwawu, mafuku ejima akupwekapayi akwikalayi wamajiluakekali neyi mafuku indi ayaŋayi kwitala di kwawu, akeli kwindi wamajilu. 26Tudidi twakamaŋayi mafuku ejima apwekaŋayi twakekali neyi kadidikindi kakamaŋayi hayaŋayi kwitala di kwawu; niyashakamaŋayi yejima yakeli yamajilu, neyi chivelaŋa hayaŋayi kwitala di kwawu. 27Muntu wakakunka yumoyu akeli wamajilu, akakosi mahinindi, akaweli mumeji, akekali wamajilu hohu nikumelela. 28Neyi nakumishi dehi kupweka, akachindi mafuku indi atanu nayedi, akatooki. 29Hefuku damuchitanu nachisatu akadikwatili tutela tuyedi, hela anyana katupompa ayedi, akayileti kudi kapristu kuchisu chetenti dakubulakena. 30Kapristu akalambuliwumu wamulambu wahanshidi, mukwawu wamulambu wakushita; kapristu akamwilili yakumubuta nachu kumesu aYehova nanochu chanapwekiyi hakwikala wamajilu.
31Mwenimu dimu mumwakayambwila anyana kaIsarela kumajilu awu, kulonda abuli kufwa namajilu awu, hakutamisha tabanaka yami yidi mukachikawu.
32Dilu lushimbi lweyala wapwekaŋa, nilweyala walotapa kamwadi hakukwatamajilu; 33nilwamumbanda nakati kanyanda, nilweyala wapwekapa, nilwamumbanda wapwekaŋa, nilweyala wukukama namumbanda wamajilu.
Currently Selected:
Livitike 15: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
