Livitike 13
13
1Yehova wahosheli naMosi naAroni, 2nindi, Neyi muntu wakamonamwikowa damujimba windi munanani, indi kwiji mudi chibata, indi kwiji ibeŋa ditokoloka, neyi mwikowa damujimba windi mudimusoŋu wambumba, akamuleti kudi kapristu Aroni, hela kudi mwanindiwumu kapristu. 3Kapristu akatali hamusoŋu windi wudi mwikowada mujimba; neyi wuvuji wudi mumusoŋu wunabalumuki wutooka, neyimusoŋu wunamwekani neyi wunahanuki mwikowa damujimba windi, himusoŋu wambumba; kapristu akamutali, akamuteni nindi wamajilu. 4Neyi ibeŋa ditokoloka dikutooka to-o mwikowa damujimba windi, neyikumwekana kuhanuka hekowa nehi, niwuvuji wuduhu kubalumuka kutookanehi, kapristu akamwenzeleli mukwamusoŋu mwitala mafuku atanu nayedi. 5Kapristu akamutali hefuku damu chitanu nachiyedi; neyi wakamonamusoŋu wunemani dehi hamu, nimusoŋu kuswila mwikowa nehi, kapristu akamwenzeleli cheŋi mwitala mafuku atanu nayedi. 6Hefuku damuchitanu nachiyedi kapristu akamutali cheŋi, neyi wukutala musoŋu hiwukujimaŋana, nimusoŋu kuswila mwikowa nehi, henohu kapristu akamuteni nindi natooki, chadiŋi chibata tuhu, akakosi mahinindi, akatooki. 7Kufuma hadimwekesheliyi kudi kapristu kulonda kumutookesha, neyi chibata chikuswila mwikowa, akadimwekeshi cheŋi kudi kapristu. 8Kapristu akatali, neyi wakamona chibata chinaswili mwikowa, henohu kapristu akamuteni nindi wamajilu, himbumba.
9Neyi musoŋu wambumba wudi namuntu, henohu akamuleti kudikapristu. 10Kapristu akatali, neyi wakamona mwikowa munanani, mutooka, niwuvuji wunabalumukilumu wutooka, munanani himukumwekana musunyi nge-e, 11himbumba yayikulu mwikowa damujimba windi, kapristu akamuteni nindi wamajilu, bayi akamwenzelela mwitalaku, muloŋa wamajilu.
12Neyi mbumba yikwidika mwikowa, nimbumba yikupambila ikowadejima danowu wukweti musoŋu, kufumisha kunamutu windi ndo nikunyendu yindi hejima hakutala kapristu, 13henohu kapristu akatali chachiwahi, neyi wakamona mbumba yinamupambili mumujimba windi wejima ndo, akamuteni mukwamusoŋu nindi natooki; wejima wunabalumuki wutooka, natooki. 14Ilaŋa neyi mudi yena mwakamwekana musunyi nge, akekali wamajilu. 15Kapristu akatali hamusunyi wange, akamuteni nindi wamajilu, musunyi wange wamajilu, himbumba. 16Ilaŋa neyi musunyi wangewukubalumuka cheŋi, hiwukubalumuka wutooka, henohu akenzi cheŋi kudi kapristu, 17nikapristu akamutali cheŋi. Neyi wakamona musonuwunabalumuki wutooka, kapristu akamuteni mukwamusoŋu nindi natooki; natooki dehi.
18Neyi ihuti didi mwikowa damujimba hidikukusuka, 19muna mwadiŋiihuti himukunana, himukutooka, indi kwiji himukwila ibeŋa ditokoloka, iku neyi dichinana, iku neyi ditooka, henohu akadimwekeshi kudi kapristu. 20Kapristu akatali, neyi wakamona ibeŋa dinamwekani neyi dinahanukimwikowa, niwuvuji wuduhu wunabalumuki wutooka, henohu kapristu akamuteni nindi wamajilu; himusoŋu wambumba wunedikili mwihuti. 21Ilaŋa neyi kapristu wakatalahu wakamona wuvuji wutooka hosi, hidina hanukimwiko waku, ilaŋa hidikujimaŋana, henohu kapristu akamwenzeleli mwitala mafuku atanu nayedi; 22neyi ibeŋa dikuya nakuswila mwikowa, henohu kapristu akamuteni nindi wamajilu, himusoŋu. 23Ilaŋa neyiibeŋa ditokoloka dikwimana hohadu, nikuswila nehi, hichibata chehuti; kapristu akamuteni nindi natooki.
24Neyi ikowa damujimba dikwiha nakesi, nimusunyi wunahi wukubalumukaibeŋa ditokoloka, iku neyi dichinana, iku neyi ditooka, indi kwijiditooka chikupu, 25henohu kapristu akataluhu. Neyi wakamona wuvuŋawudi mwibepa ditokoloka hiwukubalumuka wutooka, niibeŋa hidikumwekananeyi dinahanuki mwikowa, himbumba, yinedikili hahiliyi; kapristu akamuteni nindi wamajilu, himusoŋu wambumba. 26Ilaŋa neyi kapristuwakatalahu, neyi wakamona mwibepa ditokoloka mwosi wuvuji wutooka, niibepa hidinahanuki mwikowaku, ilaŋa hidikujimapana, henohu kapristu akamwenzeleli mwitala mafuku atanu nayedi. 27Hefuku damuchitanu nachiyedi kapristu akamutali, neyi ibeŋa hidikuya nakuswila mwikowa, henohu kapristu akamuteni nindi wamajilu, himusopu wambumba. 28Neyiibeŋa ditokoloka dikwimana hohadu, kuya nakuswila mwikowa nehi, ilaŋadidi nakujimaŋana, hali iliyi hananani tuhu, kapristu akamuteni nindi natooki; hichibata chahiliyi.
29Hela iyala hela mumbanda neyi wukweti musopu hela kunamutu helakuwevu, 30henohu kapristu akatali musoŋu. Neyi wakamona wunamwekanineyi wunahanuki mwikowa, himudi lusuki lwapepela luchinana, henohu kapristu akamuteni nindi wamajilu, hiiyaji, himbumba hela yakunamutu hela yakuwevu. 31Neyi kapristu wakatala hamusoriu weyaji, neyi wakamonawuna mwekani neyi hiwunahanuki hekowaku, mwosi ninsuki jiyilaku, henohu kapristu akamwenzeleli mukwamusoŋu weyaji mwitala mafuku atanu nayedi. 32Hefuku damu chitanu nachiyedi kapristu akatali musoŋu, neyi wakamona iyaji dinabuli kuswila, mwosi nilusuki luchinana, niiyajihidikumwekana neyi dinabuli kuhanuka mwikowa, 33akamutewuli, ilaŋayaji bayi akaditewulaku; kapristu akamwenzeleli cheŋi mukweyaji mwitala mafuku amakwawu atanu nayedi. 34Hefuku damu chitanu nachiyedi kapristu akatali cheŋi heyaji, neyi wakamona iyaji dinabuli kuswila mwikowa, hidikumwekana neyi dinabuli kuhanuka mwikowa, henohu kapristu akamuteni nindi natooki. Akakosi mahinindi, akatooki. 35Ilaŋa neyinatooki dehi, nkumininaku iyaji hidikuya nakuswila cheŋi mwikowa, 36kapristu akamutali; neyi wakamona iyaji dinaswili mwikowa, kapristubayi akakeŋakeŋa lusuki luchinanaku, wamajilu. 37Ilaŋa neyi wakamonaiyaji dinemani hamu, muna meni ninsuki jiyila, iyaji dinakusuki, natooki; kapristu akamuteni nindi natooki.
38Hela iyala hela mumbanda neyi mwikowa damujimba windi mudimabeŋa atokoloka, kafwampi mabeŋa atooka, akejima, 39henohu kapristu akataluhu; neyi wakamona mabeŋa atokoloka adi mwikowa damuji mbawindi hiyakutooka chanti, hiihuji tuhu, dinediki mwikowa; natooki.
40Neyi nsuki jamuntu jikuhuluka kunamutu windi, wukweti ibala, natooki. 41Neyi nsuki jindi jikuhuluka kunamutu windi kumesu, wukweti ibala dakwihama, natooki. 42Ilaŋa neyi mwibala dakunamutu, indi kwiji mwibala dakwihama, mudi musopu iku neyi wuchinana iku neyi wutooka, himbumbayinedikili mwibala dakunamutu windi, indi kwiji mwibala dakwihama dindi. 43Henohu kapristu akamutali; neyi wukumona mwibala dakunamutu windi, indi kwiji mwibala dakwihama dindi, munanani musoŋu iku neyi wuchinanaiku neyi wutooka, wunamwekani mwikowa damujimba neyi mbumba, 44himukwambumba, wamajilu. Chalala kapristu akamuteni nindi wamajilu, musoŋu windi wudi kunamutu windi.
45Muntu wukweti musoŋu wambumba akavwalaŋa mahina ataboka, nsuki jindi jesasa hohu, akajikaŋa hamuvumbu windi wahewulu, akabilelaŋa nindi, Majilu! Majilu! 46Mafuku ejima akekalayi namusoŋu akekali wamajilu hohu; wamajilu kwindi; akashakamaŋa kanka windi, akashakamaŋa kunsa yachilombu.
47Niihina dakuvwala nawa neyi dikweti musoŋu wambumba, hela hiihinadawuvuji, hela hiihina dawanda, 48neyi wudi munjila yehina hela munketula, hela yehina dawanda, hela yehina dawuvuji, hela wudi muchitembichacheni, hela wudi muchitembi chakutuŋa chuma; 49neyi musoŋuwuna mwekani neyi meji amatamba, indi kwiji neyi wuchinanaku chanti, hela mwihina hela muchitembi, hela munjila yehina hela munketula, helamuchitembi chakutuŋa chuma, himusoŋu wambumba, chiŋa akamuleja kapristu. 50Kapristu akatali hamusoŋu, chuma chi kweti musoŋu akachenzeleli mwitala mafuku atanu nayedi; 51hefuku damu chitanu nachiyedi akatali hamusoŋu; neyi wakamona musopu wudi nakuya nakuswila mwihina dakuvwala, hela munjila yehina hela munketula, hela muchitembi chonsu chanatuŋuwu nachu chochu; himusoŋu wambumba yasumana, wamajilu. 52Akochi ihina dakuvwala bwi-i, hela njila hela nketula, hela yehina dawuvuji, hela yehina dawanda, hela chitembi chakutuŋa chuma, yejima yikweti musoŋu, muloŋa himbumba yasumana; akayochi mukesi bwi-i.
53Neyi kapristu wakatala wakamona musoŋu kuya nakuswila mwihina dakuvwala nehi, hela munjila hela munketula, hela muchitembi chakutuŋachuma; 54henohu kapristu akayileji akakosi chuma chi kweti musoŋu, akachenzeleli cheŋi mwitala mafuku atanu nayedi; 55neyi musoŋu anawukosi dehi, kapristu akatali; neyi wakamona musoŋu mwomwawuhohu, nimusoŋu kuya nakuswila nehi, wamajilu; akawochi mukesibwi-i, dinadiiki tuhu hela neyi dinapeleki mukachi indi kwiji hewulu.
56Neyi kapristu wakatala, neyi wakamona musoŋu hiwukujimaŋana chanawukosuwu dehi, akawutabuli mwihina dakuvwala, hela muchitembi, hela munjila yehina hela munketula; 57neyi wakamona saŋa wamwekena mwihina dakuvwala, hela munjila hela munketula, hela muchitembi chakutuŋachuma, wunediki; chuma chi kweti musoŋu akachochi mukesi bwi-i. 58Ihina dakuvwala, hela njila hela nketula, hela chitembi chakutuŋa chuma chiwakakosa, neyi musoŋu wunafumi dehi akayikosi nawa cheŋi kamuchiyedi, yakatooka.
59Lwenilu dilu lushimbi lwamusoŋu wambumba wakwihina dakuvwala hela dawuvuji hela dawanda, hela munjila yehina hela munketula, helamuchitembi chakutuŋa chuma, lwakutena nawu wunatooki, hela kuwutenanawu wamajilu.
Currently Selected:
Livitike 13: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
