Genese 49
49
1Yakoba wayitambikili anyanindi, nindi, Pompenu dinu kulondaniyileji yimwamba kamona hanyaka yakukuminina. 2Nindi, Pompenu mutiyi, enu anyana kaYakoba, tiyililenu kudi tata yenu Isarela.
3Eyi Rubeni, yeyi wedi wami, yeyi wuswa wami, yeyi tachi yaŋovu jami. Yeyi kulema kwakubadika, yeyi Ŋovu yakubadika. 4Wafulokaŋa neyi meji, hiwakabadikaku, nachina chiwayili kukadidi katata yeyi, nakushimana; mwalala wayili kukadidi kami.
5ASimeyona naLevi ivumu dawu dimu; mpoku jawu jatubali hiyuma yakuzuŋa nachu madombu. 6Eyi muchima wami, bayi wuya kumpùŋayawuku; oku kwakupompelawu, eyi kulema kwami, bayi wudibomba nawuku. Muloŋa wena nakuzuwa kwawu ajahili muntu, nakudikaŋaa kwawu amuketwili ŋombi mujila wawimenu. 7Kuzuwa kwawu kushiŋewitu-u, muŋa kwaswejeli; nindombu yawu, muloŋa yadiŋi yawukatu; nakayambula muYakoba, nakayipalaŋesha muIsarela.
8Eyi Yuda, yeyi akahamekawu ana kweyi; chikasa cheyi chakekala hanshiŋu yawayilumbu jey i; anyana katata yeyi akakubandamina. 9Yuda himwana kamutupa; eyi mwanami, wunafumi hezaŋa; hakunana, hákubulamananeyi mutupa, neyi mukaji wamutupa kwaamu; wukumuvulokahinyi? 10Hela nkunyi yawanta hiyakafuma kudi Yudaku, hela mutondu wamukwa kuyula hiwakafuma mukachi kanyendu yinduku nichichakenzayi Shilo; yenowu diyi yamba kovwahilawu antu amumatuŋa. 11Hakukasila; mwana kachimbulu chindi kumuvinyu, ni mwana kachimbulu chindi wamukaji kumuvinyu wasweja kuwaha; mahinindi akuvwala nayikosi muvinyu, niyikovwelu yindi nayikosi mumashi amawundu avinyu. 12Mesu indi akakekema navinyu, nimaji indi akatooka to-o namayeli.
13Zebuluni wakashakama kuchi kumu chakaluŋalwiji; wakekala chikumu chakukuŋikila maatu; ŋinza yindi yakahita kuZidoni.
14Isakari hichimbulu chakola, nabulamani hakachi kamayinda anyikoku; 15wamweni kwakunookela nindi kwakuwahi, niituŋa nindi dadiwahi; wafukamini kuchifwiji kulonda asendi yisenda, hakwikala nduŋu wakukalakeshakudi akwawu.
16Dani wakasompesha antu indi, neyi muchidi wumu wamuIsarela. 17Dani wakela kapela munjila, wakela chihidi mwakuhitila antu, nakusumatututu twakawalu, nimuntu wakandamahu wakahinukila hanyima. 18Ami natalilili wamwinu weyi, eyi Yehova. 19Gadi, chendu chawatupondu chakamulamakesha; ilaŋa yena wakalamakesha katutu kawu. 20MuAsheri mwakafuma yakudya yindi yikweti manji; wakaleta tuyakudya twatuwahi twakudya anyanta.
21Nafwatali hinkayi yanombuwu, wahoshaŋa mazu aweni amawahi. 22Yosefu himwana kachikabu chasonaŋa, hichikabu chekala kukaseloki, nyitayi yindi yatandaŋa nakumotoka ikoli. 23Akwakwasola namata anyikunji namumweshi kalula, anamwasoli, anamukabishi. 24Kwinza yena wuta windi saŋa wakolela, nimakasindi ayikolesheli, namakasa aMukwaŋovu waYakoba, nejina daKabiŋa, Ilola daIsarela, 25naNzambi yatata yeyi, diyi wakakukwashaku, naChinaweji, diyi wakakukoolekesha, nakukooleka kwakufuma muluzwizu lwamwiwulu, nakukooleka kwakufuma mwinyiŋi mwishina, nakukooleka kwamayeli nalusemu. 26Nkisu jatata yeyi jinasweji ŋovu jinabadiki jawana anvwalili, jashika nikwakuma mapidi ahayanyaka; jakekala hanamutu waYosefu, mwomumbamba namutu kachi kanonwadiŋi waambuka nawana kwindi.
27Benjamini hikaŋwidi wavunyaŋa chakuvunya; hantetemena wakadyayanakwatiyi, hamelela waka anzaŋana yanapupiyi.
28Yeniyi yejima diyi nyichidi yaIsarela ikumi nayiyedi; mwenimu dimumwayiteneneniyi tata yawu hakuyikiswila nkisu; wejima wawu wayikiswilili nkisu yawu, iwu nankisu yindi, iwu nankisu yindi. 29Wayikanini, wayilili nindi, Ami hiyakuntwala kwaya antaŋa jami; mwakanjiiki nawatatajami mwiyeŋu dekala mwiha dakaHiti Efwenaoni, 30mwomwiyeŋu dekalamwiha daMakapela, deleala kwakwihi naMamiri, mwituŋa daKenani, dalandiliyi Abarahama hamu neha dakaHiti Efwenaoni kulonda kwila nfukayetu yakuheta, 31diku kwajiikiluwu niAbarahama naŋodindi Sara; dikukwajiikiluwu niIsaka naŋodindi Rebeka; diku najiikili Leya. 32Niiha niiyeŋu dekalamu wowalandiluwu nawanyana kaHeti. 33Yakoba chakumishiliyi kukana anyanindi, wanyamwini nyendu yindi nakuyisha hakadidi, hakufwa, amutwalili kwaya antaŋa jindi.
Currently Selected:
Genese 49: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
