Genese 48
48
1Chimwahitili yumoyu amulejeli Yosefu, nawu, Tata yeyi wakata; hakuya nawanyanindi muyayedi wawu, aManase naEfweremi. 2Amulejeli Yakoba, nawu, Mwaneyi Yosefu nenzi kudeyi. Yakoba hakudikolesha, hakushakama kwadiŋi yi kukadidi. 3Yakoba hakuhosha kudi Yosefu, nindi, Nzambi Chinaweji wadi mwekesheli kudami kuLuzi mwituŋa daKenani, wankiswihli nkisu, 4waŋilili nindi, Ami nakakwilisha nsemi, wakasemununa, nakakuvulisha, hadeyi hakafuma nyichidi yayivulu; ituŋidi nakayinkadu anyaneyi akahiŋa mudeyi, dakekali dawu dakudihetela haya nyaka. 5Ichi dinu awa anyaneyi ayedi awa, lwavweleli mwituŋa daEjipitu henohu kanda ninzi kudeyi muEjipituku, akwikala amami; aEfweremi na Manase akekala amami neyi chaduwu aRubeni naSimeyona. 6Hakwila anyaneyi iwakalunjikaku akekala eyeyi; kuwuswana wawu akayitumbawowu majina awana kwawu. 7Hakwila ami kwami chinafumini kuPadani, Racheli wanfwilili mimesu, munjila mwituŋa daKenani, kwasheli kachinta mpunakushika kuEfwarata; namujiikili mwomuna munjila yaya kuEfwarata, diku kuBetelemi.
8Isarela chamweniyi anyana kaYosefu, welili nindi, Wenawa hiyanyintahi? 9Yosefu wamwilili tata yindi, nindi, Diwu anyanami ananyinkiyi Nzambi kunu. Yena nindi, Yileti kunu kudami mwani, nukuyikiswilankisu. 10Mesu aIsarela adiŋi ela dehi lwidi nakukula, hatwesheli kwindi kumonaku. Wayishikŋili kwakwihi, yena wayipwepujoleli nakuyikmbata. 11Isarela wamwilili Yosefu, nindi, Ami nehli nami hinamba kakumona cheŋi kumesuku, kwinza ichi Nzambi mwaka napiteji dehi kumona nianyaneyi. 12Yosefu wayiidishili mwadiŋuwu munkuma yindi, wabandaminini ihama dindi heseki. 13Yosefu wayikwatili mwayedi wawu, Efweremi muchikasa chindi chachidiilu hakumutwala kuchikasa chaIsarela chachimunswa, Manase muchikasa chindi chachimunswa hakumutwala kuchikasa chaIsarela chachidiilu, hakuyishikŋa kwakwihi. 14Isarela hakwolola chikasa chindi chachidiilu, hakuchinaŋika hanamutu waEfweremi, diyikansi, chikasa chindi chachimunswa hakunapika hanamutu waManase, wachililina kuchiluka kumuchima, muŋa Manase diyi wedi. 15Wamukiswilili Yosefu nkisu, nindi, Nzambi kumesu indi kwendelaŋa atata jami niAbarahamani Isaka, diyi Nzambi wandiishapa nyaka yami yonsu yinahandina kushika nikwifuku dalelu, 16diyi kapelu wankuula kukutama kwejima, akiswili awa atwansi nkisu; akayitena nejina damami nimajina awatata jami Abarahama naIsaka; akasemununi hanu heseki akekali izaza.
17Chamweniyi Yosefu tata yindi hakunaŋika chikasa chindi chachidiiluha namutu waEfweremi, watiyili kutama, wakwatili chikasa chatata yindikwiwulu nindi achifumishi kunamutu waEfweremi achinaŋiki hanamutu waManase. 18Yosefu hakumwila tata yindi, nindi, Bayi omuku tata, yeniwu diyi wedi, naŋikaku chikasa cheyi chachidiilu hanamutu windi. 19Tata yindi wakolamini, nindi, Neluki, mwanami, neluki; niyena nawawakela muchidi wawantu, niyena nawa wakela muneni, ilaŋa mwanyikindidiyi wakamubadika, ni anyanindi akela nyuza yayeni yayivulu. 20Wayikiswilili nkisu dodena ifuku odu, nindi, Kudeyi kwokwakakiswilayi Isarela nkisu, nakwila nindi, Nzambi akwili wikah neyi chaduwu aEfweremi na Manase. Washili Efweremi kumbidi, Manase wamukumishili munyima. 21Isarela wamwilili Yosefu, nindi, Yami nukufwa onu; ilaŋa Nzambi wakekala nenu, wakayifuntisha cheŋi mwituŋa dawankaka jenu. 22Hakwila ami nakwinki mukandu wumu wunabuli kwinkahu ana kweyi, diwu nayamukilia Amori nampoku yami yakabali, nawuta wami wamukunji.
Currently Selected:
Genese 48: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
