Genese 44
44
1Hakuleja nikalama ketala dindi, nindi, Inzeshaku njeki janawa amayala kudya mwomwashikila Ŋovu jawu jakusenda, yishili maliawu namutunwa twanjeki jawu wejima wawu. 2Shaku lupasa lwami, lwolupasa lwasiliva, mukanwa kanjeki yakabinda kawu, nimali indi atidiku. Yena welili mwamulejeliyi Yosefu.
3Chi kwelili to-o habudidi adishalikili nanawa amayala, hiyakuya, niyimbuluyawu hamu. 4Chafuminuwu hamukala, kanda ayi nikwakulehi, Yosefu hakumwila kalama kindi, nindi, Nyamukaku, yilondeli awa amayala; chiwukuyiwana, kayili neyi, Enu anayili chachiwahi, indi enu munakoŋelidi chatama? Muneyilidi lupasa lwami lwasiliva? 5Hidilu lwanwinaŋayi mwanta wamuku? Hidilu lwahoŋaŋayi nachuku? Ichi chimuneli munakoŋi chatama kwaamu. 6Oyiwana nikuyiwana, hakuyihosha mazu awa. 7Wena hiyakumwila nawu, Mwanta nahoshelidi mazu awa? Etu ambuŋeyikwila chuma chidi neyi ochu chinjila. 8Mali twaweni namutunwa twanjeki jetu wowu tunafumishi kwituŋa daKenani tunakuleteli cheŋi, indi tukwiya pahi mwitala damwanta weyi hela siliva hela wuru? 9Etuambuŋeyi yetu awa, yowu wukukwata nalu, akamujahi tuhu kwindi, ninetutukwila kwetu anduŋu jamwanta. 10Yena nindi, Omu mumunahoshi, dinamutukwila; yowu tukukwata nalu wukwila ndupu yami; ilaŋa enu amakwawu mukuyiŋa.
11Anyakeli, atulili njeki jawu hamaseki wejima wawu, akasunwini munjeki jawu wejima wawu. 12Yena watalatalili, kutachikila kudi wedi, kukumishila kudi kabinda; lupasa aluweni munjeki yaBenjamini. 13Hiyakutabola mahinawu akuvwala, hiyakutwika cheŋi yisenda hayimbulu yawu wejima wawu, hiyakufunta cheŋi kumukala.
14NiYuda niana kwindi ashikili kwitala daYosefu, yena wachini diŋi kwoku, liiyakudinata hamaseki kumesu indi. 15Yosefu hakuyila nindi, Chenichichi munakoŋi hichumanyi? Enu komana kwiluka nenu muntu wudi neyi ami kutwesha kuhoŋa nehi? 16Yuda nindi, Ochu tukumwila mwantanetwidi? Tukuhosha netwidi? Tukudiyiŋisha ŋahi? Nzambi nasompololi dehi kuluwa kwetwetu ambuŋeyi. Tuneli dehi anduŋu jamwanta, ninetu ninona anakwatuwu nalupasa. 17Yena nindi, Ami kwila mwenomu chinjila. Yowu iyala anakwatuwu nalupasa diyi wukwila nduŋu yami, ilaŋa enu diyilenu tuhu kwenu kudi tata yenu mumesu mwawunda.
18Yuda hakumuswila kwakwihi, nindi, Eyi mwanta wami, nleki ntahimwani, ami kambuŋeyi, nihoshuhu kadizu kamu namwanta wami, bayi wusweja kunzuwila ami kambuŋeyuku, muloŋa eyi wudi neyi Fwaro. 19Mwanta wami watwihwili etu ambuŋindi, nindi, Enu mukweti helatata yenu, hela mana kwenu? 20Etu twamwakwili mwanta, twamulejelinetu, Tukweti tata yetu, hiipala, nimwanindi wakansi avwalayi hawushinakaji windi, himwana wanyanya; mana kwindi wafwa dehi, mwivumu damama yindi munashali yena hohu, nitata yindi wamukeŋa. 21Eyi watwililietu ambuŋeyi, neyi, Kamuletenu kunu kunidami, kulonda nakamumoninamesu ami. 22Etu twamulejeli mwanta, netu, Kansi hakutwesha kumushiya tata yinduku, neyi wukumushiya tata yindi, tata yindi wukufwa. 23Eyi watwilili etu ambuŋeyi, neyi, Chiŋa kabinda kenu mwakenza nindihohu, mukunkulwayi himwakanmona cheŋi kumesu amuku. 24Chitwashikili kudi kambuŋeyi tata yami, twamushimwinini mazu amwanta. 25Tata yetu welili nindi, Yenu mwakatulandili cheŋi tuyakudya. 26Etutwelili netu, Hitukutwesha kuyaku; neyi kabinda tukuya nindi, tukuya; muloŋa hitukutwesha kumona kumesu anowu muntuku, chiŋa tudi nakabindaketu.
27Kambuŋeyi tata yami watwilili nindi, Enu munelukiiŋodami wanvweleli anyana amayala ayedi; 28wumu wafumini kudami, ami nelili nami, Chalala wadiika dehi. Nilelu hinamumona nawa cheŋuku. 29Neyi mukuntambula niniwu nawa, neyi chuma chatama chakamuwana, mwakanshikiji la nsuki jami janvu kukaluŋa nayihuŋu. 30Dichi dinuchitwakashika kudi kambuŋeyi tata yami chakadi kansi, chaneliyi muchima windi wunadikasili hamu namuchima wakansi mbe; 31chakamonayikansi kwosi, wakafwa, ninetu ambuŋeyi twakashiko invu jakambuŋeyi tata yetu kukaluŋa nayihuŋu. 32Muloŋa ami kambuŋeyi nadihana dehi kudi tata yami kwikala kapopu hamuloŋa wakansi, nami, neyi nakabula kukushikŋilayi muloŋa wakekala wamami kudeyi tata yami haya nyaka. 33Dichi dinu mwani, anleki ami kambuŋeyi nishali kunu nihiŋi mudi yena, nili nduŋu yambala yamwanta wami, wumuleki kansi ayi nawana kwindi. 34Indi ami nukuya ŋahi kudi tata yami chakadi kansi? Nakenda kamona kutama kwakamonayi tata.
Currently Selected:
Genese 44: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
