Genese 42
42
1Yakoba watiyili nawu muEjipitu mudi tidiku. Yakoba wayililianyanindi, nindi, Mudi nakuditaladi? 2Nindi, Ami natiyi nawumuEjipitu mudi tidiku. Yenuku mwakatulandili, twakahandi, twakabulikufwa.
3Ana kwaYosefu ikumi dawu ayili kuEjipitu akalandi tidiku. 4Ilaŋa Benjamini, mana kwaYosefu, Yakoba hamutemesheli hamu nawana kwinduku, nindi, Chuma chatama chakamba kamuwana. 5Anyana kaIsraela ayili nakulanda hamu nawakwawu ayiluku, muloŋa nzala yadiŋi mwituŋa daKenani. 6Yosefu diyi wadiŋi mulopu wetuŋa; yena diyi wadiŋi nakulanaisha antu ejima amwituya. Ana kwaYosefu ashikili, amubandaminini mahamawu hamaseki. 7Yosefu wamweni ana kwindi, wayilukili, wadimwekesheli kudi wena neyi himuntu wacheŋi, wahosheli nawu chakola hohu, wayilili nindi, Enu munafumi kudihi? Nawu, Tunafumi mwituŋa daKenani, tunenzi nakulanda kudya. 8Yosefu diyi wayilukili ana kwindi ilaŋa wena hiyamwilukili yenaku. 9Yosefu wa anukili mwayiloteleliyi, hakuyilanindi, Enu muyakwakwendesha ituŋa; munenzi nakutala ituŋa chididi damukunkulu. 10Wena hiyakumwila nawu, Nehi mwanta, etu ambuŋeyi tunenzi nakulanda kudya. 11Wejima wetu tuyanyana kamuntu wumu, tuyantu alala, etu ambuŋeyi hitunenzi nakwendesha itupaku. 12Hakuyilanindi, Nehi, chimunenjili munalondi kutala ituŋa chididi damukunkulu.
13Wena nawu, Etu ambuŋeyi twekala amayala ikumi nayedi, ivumudetu dimu, tuyanyana kamuntu wumu hohu wamwituŋa daKenani; kabindaketu wudi kwatata yetu, mukwawu wachachaŋana dehi. 14Yosefu hakuyila nindi, Dichi chinayilili nami, Enu muyakwakwendesha ituŋa. 15Tiyenu mutwakayesekela, kunyima yaFwaro kwaamu, kunu himukufumakwoku, chiŋa kabinda kenu yenza kunu. 16Temeshenu mwinenu wumuakamuleti mwanyikenu, enu nawa mukushala munyonji, kulonda kwesekanachu mazu enu tutali neyi munahoshi mwalala. Mukunkulwayi dinu, kunyima yaFwaro kwaamu, yenu akwakwendesha hohu mwalala. 17Wayishili wejima wawu mwakasilaŋawu antu, mafuku asatu.
18Ifuku damu chisatu Yosefu wayilili nindi, Tiyenu mumukwila muhandi; muloŋa ami namutiyaŋa Nzambi woma; 19neyi enu muyantu alala, tukasi mwinenu wumu mukaleya mumudi, enu muyi kwenu mutwali tidiku yakudiisha antaŋa jenu adi nanzala, 20mwakaleti kunidami kabinda kenu, kulonda twakeluki netu munahoshi mwalala, kulonda mwakabuli kufwa. Dimu mweliluwu. 21Hiyakudiihula niniwu niniwu, nawu, Chalalatuna bayi hansaŋu yamana kwetu, chitwamweni chatiyiliyi kutama mumuchimawindi, chatulembeleliyi, etu kwonti kwetu kutiya, dihu hanafumi kumona lukadi ilu lutukumona. 22Rubeni hakuyila nindi, Ami hinayihoshelinami, Bayi mumwila kansi chatamaku? Enu kwenu kwonti kwenukutiya. Talenu ntahi dinu, hitukukoola mashi indi. 23Wena kwilukanawu Yosefu nachitiyi nehi; muloŋa hadiŋi mukwakuyibalumwina mazuhakachi. 24Washetumukili nakuyifutalela, hakudila nikudila; wabalumukili cheŋi kudi wena, hakuhosha nawu; hakwambulamu Simeyona, hakumukasa kumesu awu. 25Yosefu walejeh antu, nindi enzeshi tidikumuyuma yawu yakusendela, nindi ayifuntishili wejima wawu hamuntuha muntu mali awu, iwu munjeki yindi, iwu munjeki yindi, ayinki niyakudya yakudiila munjila. Dichi cheliluwu.
26Atwikili ayimbulu yawu yisenda yawu yatidiku yawu, hiyakuya. 27Hakaminuwu, wumu hakukasununa munjeki yindi, nindi amwinkichimbulu chindi yakudya, hakumona mali indi mukanwa kanjeki. 28Hakuyila ana kwindi, nindi, Mali ami ananfuntishili; awa adi munjeki yami awa; ninyichima yawu mwivumu puchi, hiyakuditala nakuzaala hohu, nawu, Ichichuma chanatwiluwu kudi Nzambi hichumanyi? 29Ashikili kudi tata yawu Yakoba mwituŋa daKenani, amulejeli mwamwenuwu mwejima to-o, 30nawu, Yenowu muntu neli mulopu wetuŋa, watuhosha chakola hohu, watwila nindi tuyakwakwendesha ituŋa. 31Etutwamwila netu, Etu tuyantu alala, hituyakwakwendeshaku; 32twekala amayala ikumi nayedi, ivumu detu dimu, anyana katata wumu; netu, wumu wachachaŋana dehi, wakabinda lelu wudi kwatata yetu mwituŋa daKenani. 33Yenowu muntu neli mulopu wetuŋa, watwilili nindi, Tiyenu munukwilukila nami enu muyantu alala, shiyenuhu mwinenu wumu kudami, twalilenu antaŋa jenu yakudya, adi nanzala. 34Muyi mwakanleteli kabinda kenu; henaha dihu namba kelukila nami enu himuyakwakwendesha ituŋaku, nami komana muyantu alala; chochina nakayilubwila mana kwenu, mwakalandojoli mwituŋa.
35Cheliluwu nawu asukuli njeki jawu, kutala komana mafundawu amali adi munjeki jawu wejima wawu. Niwena nitata yawu chamwenuwu mafunda awu amali, atiyili woma. 36Tata yawu Yakoba hakuyila nindi, Ami munankonki anyanami. Yosefu kwosi, Simeyona kwosi, mutwalinawa niBenjamini! Yumiyi yejima yinankalili hohu. 37Rubeni hakuhosha natata yindi, nindi, Neyi nakabula kukuletelayi cheŋi, wakajaha anyanami wonsu ayedi; munyinki tuhu ami, nakakuletelayi cheŋi. 38Nindi, Mwanami himukuya ninduku, mana kwindi wafwa dehi, washalakanka windi damunu; neyi chuma chatama chakamuwana munjila yimukuya, mwakashikiji nsuki jami janvu kukaluŋa nayihuŋu.
Currently Selected:
Genese 42: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
