Genese 41
41
1Chimwahitili nyaka yiyedi chikupu, Fwaro waloteli nindi nemani kuKaloŋa. 2Kutala, muKaloŋa himukuzambuka aŋombi anyikaji amawahi atoha atanu nayedi, hiyakudya nimatahu akumeji. 3Kutala, aŋombi amakwawu anyikaji atanu nayedi, hiyakuzambuka muKaloŋa, hiyakulondashana hadi wena, aŋombi atama akosa, hiyakwimana kuchikumu chaKaloŋa kwadiŋuwu ana aŋombi amakwawu. 4Aŋombi atamaakosa, adiili aŋombi amawahi atoha atanu nayedi. Fwaro wahindukili namutulu.
5Wakamini tulu, waloteli kamuchiyedi. Kutala, nyitu yatidiku yitanu nayiyedi, hiyikumena ishina dawu dimu, nyitu yamaneni yayiwahi. 6Kutala nyitu yanyanya, yababika dehi nampepela yakumusela, yitanu nayiyedi, hiyikulondashana hadi yenoyu. 7Nyitu yanyanya yaminyini nyitu yamaneni yakola yitanu nayiyedi. Fwaro wahindukili namutulu, komana naloti.
8Hantetemena wadishishimokeli muspiritu yindi hama, watemeshelinindi, Tambikenu atutepa ejima amuEjipitu niakwamaana ejima. Fwaro wayawilili mwaloteliyi, ilaŋa kwosi watwesheli kumulumbulwilamu Fwaruku. 9Kutiya mukulumpi wawakwakutwala lupasa hakuhosha naFwaro, nindi, Lelu ami na anuki nyiloŋa yami. 10Fwaro wazuwili nanetu ambuŋindi, ami anshili mwakasilaŋawu antu mwitala damukulumpi wawatulama, ninami nimukulumpi wawakwakutuŋa mankendi. 11Twaloteli wufukuwetu wumu, ninami nimukwetu; iwu waloteli nimwakumulumbulwilawu, iwu waloteli nimwakumulumbulwilawu. 12Twadiŋi nakaHeberu wamukwenziwumu, ŋamba yamukulumpi wawatulama; twamwawilililu muyena, niyena watulumbulwili mutwaloteli; walumbulwili mutwaloteli, iwuna mwindi, iwu namwindi. 13Mwomwalumbulwiliyi yena dimu twamweni, ami anfuntishili kumudimu wami, hakwila mukwetu amukudikili.
14Fwaro watemesheli nindi, Tambikenu Yosefu. Amwidishili lufuchihohu muwina mwadiŋi yi; hakutewula, hakuvwala mahina acheŋi, hakuyamwadiŋiyi Fwaro. 15Fwaro wamwilili Yosefu, nindi, Naloti, kwosinatweshi kulumbulula mwoku. Nakutiyi dehi nawu, neyi eyi wukutiya mwanalotiyi muntu, wukutwesha kulumbululamu. 16Yosefu wamwakwili Fwaro, nindi, Hiyamuku; Nzambi diyi wukumuleja Fwaro nsaŋuyawunda.
17Fwaro wahosheli naYosefu, nindi, Nalota ami nemani kuchikumu chaKaloŋa. 18Kutala, muKaloŋa himukuzambuka aŋombi anyikaji atoha amawahi atanu nayedi, hiyakudya nimatahu akumeji. 19Kutala aŋombi anyikaji amakwawu atanu nayedi, hiyakuzambuka nakulondashana hadiwena, azeya atama nankashi akosa, mwituŋa dejima daEjipitu kanda nimonaŋahu dehi aŋombi atama chi kuma hochuku. 20Aŋombi akosa atama, hiyakudya ana aŋombi asambila adiŋi amaneni atanu nayedi. 21Chayidiiluwuto-o, kutwesha kwiluka neyi anayidyi nehi, sapa ataminawu neyichadiŋuwu hakusambila. Nihinduka ninamutulu. 22Nalota nyitu yatidikuyitanu nayiyedi hiyikumena ishina dawu dimu, yakola, yayiwahi, 23kutalaninyitu yominina, yanyanya, yababika dehi nampepela yakumusela yitanu nayiyedi, hiyikulondashana hadi yenoyu. 24Nyitu yanyanya yaminyini yina nyitu yayiwahi yitanu nayiyedi. Ami nayilejumu atutepa ilaŋa kwosinatweshi kunlumbulwila mwokuku.
25Yosefu wamwilili Fwaro, nindi, Mwanalotiyi Fwaro mwomumu, Nzambi namuleji Fwaro mwakukeŋa kwilayi. 26Ana aŋombi amawahi atanu nayedi hinyaka yitanu nayiyedi, ninyitu yayiwahi yitanu nayiyedi hinyaka yitanu nayiyedi; muwunaloti mwomumu. 27Ana aŋombi akosa atama atanu nayedi, azambukili munyima jawu, hinyaka yitanu nayiyedi, niyina nyitu yamukunkulu, yababika dehi nampepela yakumusela yitanu nayiyedi, yakekala nyaka yanzala yitanu nayiyedi. 28Mwomuna hoshami naFwaro, Nzambi namuleji Fwaro mwakukeŋa kwilayi. 29Hikukwinzanyaka yakusweja nankashi kudya yitanu nayiyedi mwituŋa daEjipitu mwejima. 30Hakulondashana hanyakiyi kwakenza nyaka yanzala yitanu nayiyedi, nikudya kwakuvulu kwejima hiyakakwanuka nawa cheŋi mwituŋa daEjipituku; ituŋa dakajila ji-i nanzala. 31Nikudya kwakuvulu hiyakakwilukacheŋi mwituŋaku muloŋa wanzala yakenzaku, muloŋa yakatoha nankashi. 32Chana muloteshuwu Fwaro kayedi chinafumi hakwila anachikoleshi kudi Nzambi, Nzambi keŋa achikoŋi. 33Dichi dinu Fwaro atalatali muntu washinshika wukweti maana, amwinki wulopu wetuŋa daEjipitu. 34Fwaroeli mwenimu, akwati tupita twamwituŋa hanyaka yakasweja kudya yitanu nayiyedi, akahitaŋa nakwambula maseka amwituŋa daEjipitu atanu, anonumudimu. 35Akapompeshi kudya kwejima kwanyakoyu yayiwahi yakenza, akamulumbikili Fwaro tidiku, kulonda yakeli yakudya yamunyikala yejima, akayihembi chachiwahi. 36Yakudyoyu yakela yakuswekela antu amwituŋa, nanyaka yanzala yakaholoka mwituŋa daEjipiti, kulonda ituŋa dakabuli kujilumuka antu nanzala.
37NiFwaro ni ambuŋindi ejima amweni mwenomu nawu munawahi. 38Fwaro wayilili ambuŋindi, nindi, Indi muntu wakufwana neyi yeniwu mwekala niSpiritu yaNzambi, tukumuwana kudihi? 39Fwaro wamwilili Yosefu, nindi, Chanaku mwekesheluwu yumiyi yejima kudi Nzambi, komana kwosi muntu washinshika wukweti maana wakweseka naneyuku. 40Yeyi wukwi kala mulopu wamukala wami, mwonsu muwukuhosheyi, dimu mukwovwahila antu ami ejima. Kwokwikubu dawanta hohu kwoku nukukubadikila. 41Fwaro wamwilili Yosefu, nindi, Tala, nakwinkiwulopu wetuŋa daEjipitu dejima. 42Fwaro wasubwili kazeya kindi kawantakumunu windi, weŋejili kumunu waYosefu, wamuvwikili mahina amawahi, niilepi dawuru kunshiŋu yindi. 43Wamwinkeli ikalu dindida muchiyedi kulonda endelumu; hiyakubilela kwakuyayi, nawu, Fukamenu. Wamwinkeli wulopu wetuŋa daEjipitu dejima. 44Fwaro wamwilili Yosefu, nindi, Yami Fwaro, chakubuleyi kwosi muntu wukwolola helachikasa chindi, hela mwendu windi, mwituŋa daEjipitu dejima.
45Fwaro wanamutumbili Yosefu ijina dindi, nindi diyi Zafwenati Paneya; wamwinkeli Asenati mwana kaPoti Fwenaa chikombeji chaOni, asumbuli. Yosefu wayilinakuhitaŋana mwituŋa daEjipitu. 46Hemeniyi kumesu aFwaro mwanta wakuEjipitu, Yosefu washikilimunyaka makumi asatu. Yosefu wafumini kudi Fwaro, wayili nakwenda kwejima kwejima kwituŋa daEjipitu. 47Hanyaka yaswejeli kudya yitanu nayiyedi maseki asoŋesheli kudya nyikanji nanyikanji. 48Wapompesheli kudya kwejima kwadiŋi mwituŋa daEjipitu kwanyaka yitanu nayiyedi, kudyoku wakuswekeli munyikala; kumukala kumukala waswekeluku kudya kwamumaha adiŋi kwakwihi. 49Yosefu waswekeli tidiku kuvula neyi wusekulula wakukaluŋalwiji, yayivulu nankashi, yoleka nikuchinda, muloŋa yadiŋi yakadi kuchindewa.
50Helili mwaka wanzala wuchidi kanda wushiki, amuvweleli Yosefu anyana amayala ayedi, wowu amuvweleli mwana kachikombeji chaOni Poti Fwenaa. 51Wawedi Yosefu wanamutumbili ijina dindi, nindi Manase; nindi, Nzambi nanvulamishi mwejima munakabakani, niakumukala watata ejima. 52Wamuchiyedi wanamutumbili ijina dindi, nindi Efweremi, nindi, Nzambi nanyinki lusemu lwami mwituŋa dinamoni lukadi.
53Nyaka yakudya kwakuvulu mwituŋa daEjipitu yitanu nayiyedi yamanini. 54Nyaka yanzala yitanu nayiyedi hiyikutachika kwinza, mwahonsheliyi Yosefu; mumatupa ejima mwaholokeli nzala hohu, hakwinza mwituŋa daEjipitu dejima mwadiŋi kudya. 55Chatiyiluwu antu nzala mwituŋa daEjipitu dejima, hiyakuya nakudilila kudya kudi Fwaro. Fwaro hakuyila aEjipitu ejima nindi, Yenuŋa kudi Yosefu, mwonsu mwakuyilejayi ilenu. 56Nzala yaholokeli hejima hahita iseki. Yosefu wenzulwili matala ejimamwadiŋi yakudya, wayilandishili aEjipitu. Nzala yatoheli mwituŋa daEjipitu. 57Antu amumatuŋa ejima ayili muEjipitu kudi Yosefu akalandi tidiku, muloŋa nzala yatoheli hejima hahita iseki.
Currently Selected:
Genese 41: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
