Genese 40
40
1Chimwahitili yumiyi mukwakutwala lupasa kudi mwanta wakuEjipitu nimukwakutuŋa mankendi indi atamishili muchima wamwantawawu, yowu mwanta wakuEjipitu. 2Fwaro wazuwili nawenawa atupita twindi ayedi, iwu mukulumpi wawakwakutwala lupasa, iwu mukulumpi wawakwakutuŋa mankendi. 3Wayishilili mwitala damukulumpi wawatulama mwomukaleya, mwomwamukasililuwu Yosefu. 4Mukulumpi wawatulama wamulejeli Yosefu nindi, Kayitali. Yena wayikakelelaŋa. Wena ashakamini mafuku muna mukaleya.
5Nimukwakutwala lupasa kudi Mwanta wakuEjipitu, nimukwakutuŋa mankendi indi, akasililuwu mukaleya, aloteli, wejima wawu ayedi, iwuna mwindi, iwu namwindi, wufuku wawu wumu, iwu nimwakulumbulwilawu kulota kwindi, iwu nimwakulumbulwilawu kulota kwindi. 6Yosefuwayili ntetemena mwadiŋumu, wayimweni adi nakuneŋa. 7Wayihwili tupita twaFwaro twadiŋiyi nawu muna mwayishiluwu, muna mwitala damwanta windi, nindi, Indi enu munadihombelidi kumesu enu lelu? 8Wena hiyakumwila nawu, Tunaloti, tunabuli wakutulumbulwilamu. Yosefu hakuyila nindi, Kulumbulula himudimu wambala waNzambi uku? Nlejenumu mwani. 9Mukulumpi wawakwakutwala lupasa wamulejeli Yosefu mwaloteliyi, nindi, Ami naloti kumesu ami kudi muvinyu; 10muvinyu wuna wudi nanyitayiyisatu, wamwekana neyi hiwukusapuka, hiwukukenuka ninkenu, yizokofu yawu hiyikusoŋa ninyikabu yavinyu yaha dehi; 11muchikasachami mudi lupasa lwaFwaro; hinukukumuna nyikabu yavinyu, hinukuyi kamwina mulupasa lwaFwaro, hinukumwinka Fwaro lupasa muchikasachindi. 12Yosefu wamwilili nindi, Tiya munukukulumbulwila; nyitayiyisatu himafuku asatu. 13Neyi kuchidi kanda kuhiti mafuku asatu Fwaro wakabandwisha namutu weyi, wakakufuntisha cheŋi kumudimu weyi, wakamwinka Fwaro lupasa lwindi muchikasa chindi neyi chiwelilaŋa hiwadiŋi mukwakutwala lupasa lwindi. 14Ilaŋa wakaŋanukaŋa chiwakamona kuwaha, wakanmwekeshelaŋa luwi, mwani, nakuntena kudi Fwaro, kulonda akanfumishi mwitalidi. 15Muloŋa ami chalala aŋiyili chakuŋiyamwituŋa dawaHeberu, hela tuhu kunu hinakoŋi chuma chakuŋumba muwiniwuku.
16Mukulumpi wawakwakutuŋa mankendi chamweniyi kulumbulula kunawahi, hakumwila Yosefu, nindi, Ninami nawa naloti yimpaya yisatu yamankendi atooka yidi hanamutu wami. 17Muchimpaya chahewulu mudiyuma yakwocha dehi yeŋi nayeŋi yaFwaro, niatujila hiyakuyidiila muchimpaya chidi hanamutu wami. 18Yosefu wamwakwili nindi, Tiya munukukulumbulwila; yimpaya yisatu himafuku asatu. 19Neyi kuchidi kandakuhiti mafuku asatu Fwaro wakakunyamuna namutu weyi, wakakukudika kumutondu, atujila akadya mbiji yeyi kumujimba weyi.
20Chidashikili ifuku damuchisatu, dadiŋi dakwanakana ifuku davwalikili Fwaro, hakuyitelekeshela aŋamba jindi ejima chawija. Wabandwi shilininamutu wamukulumpi wawakwakutwala lupasa, ninamutu wamukulumpi wawakwakutuŋa mankendi, mukachi kawaŋamba jindi. 21Mukulumpi wawakwakutwala lupasa wamufuntishili cheŋi kumudimu windi wakutwalaluŋasa, hakumwinka Fwaro lupasa muchikasa chindi; 22ilaŋa mukulumpi wawakwakutuŋa mankendi wamukudikili; mwomwayilumbulwiluwu kudi Yosefu. 23Ilaŋa mukulumpi wawakwakutwala lupasa hamwanukili Yosefuku, wamuvulameneni.
Currently Selected:
Genese 40: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
