Genese 39
39
1Yosefu amutweli muEjipitu. Potifwari, kalala kaFwaro, mukulu ipiwa awatulama, kaEjipitu, wamulandili nawaIshimeli amutwelikwenoku.
2Yehova wadiŋi naYosefu, niyena washakamini chachiwahi nakuyakumbidi hohu, washakamini hamukala wankaka yindi yenowu kaEjipitu. 3Nkaka yindi wamweni komana Yehova wudi nindi, komana Yehova hakuwahisha yuma yakwilayi yejima. 4Yena wamutiyili Yosefu kuwaha, niyena Yosefu wamukalakeleli; wamwilishili kapitawu kahamukala windi, yuma yindi yejima wamushililiyu kuhemba. 5Kufumisha hamwilishiliyi kapitawu nikahamukala windi nikayuma yindi yejima, Yehova hakukoolekeshamukala wayenowu kaEjipitu hamujimba waYosefu; nkisu yaYehova yashakamini hayuma yindi yejima, niyamwitala, niyamumaha. 6Yena wamushiyilili Yosefu yuma yejima kuhemba, helukili nawa cheŋi yumayinduku, welukili kwakudya kwindi kwadiilaŋayi. Yosefu wadiŋi wamuwahimumujimba, wukweti nilubanji kumesu.
7Kufumisha henohu iŋodamwanta windi hakutala hadi Yosefu, hakumwila nindi, Tukami neyi. 8Ilaŋa yena walekeli, hakumwila iŋoda mwantawindi, nindi, Tiya, mwanta wami hela yuma yinidi nayu mwitala hayilukaku, nanshilami yuma yindi yejima; 9mwitalidi mwosi wambadikamuku, kwosi chuma chananlekeshiyuku chiŋa yeyi hohu nanochu chiwudi Iŋodindi; ndochu ami nukutwesha ŋahi kukoŋa chumichi chaswejakutama nakumuvulumuna Nzambi? 10Chahoshela ŋayi naYosefu hefukuhefuku yena kwindi hetiyiluku, hela kukama nindi, hela kushaka manindi.
11Ifuku dimu Yosefu wepilili mwitala nakwila nyidimu yindi, mwadiŋi mwosi amayala akwitalaku. 12Mumbanda hakumukwata kwihina dindi, nindi, Tukami neyi. Yena washiyili ihina dindi muchikasa chamumbanda, watemukili hanzi. 13Mumbanda chamweniyi yena namushiyili dehi ihina muchikasa chindi, natemuki dehi nihanzi, 14hakutambika amayala akwitaladindi, hakuyila nindi, Talenu ntahi, anatuleteli dehi mukachi ketu kaHeberu kulonda tuseŋulaŋa nindi; yena weŋila mwitala munidi, nindi nikamineyi, ami kwami hinukubidika chakola. 15Chantiyayi ami hinukutwalaizu dami hewulu nakutambika, yovuma niku usu, hakushiya ihina dindinanami.
16Mumbanda hakusweka ihina deyala nichichafuntiliyi nkaka yaYosefu kwitala dindi. 17Mumbanda wamulejeli mwomumu, nindi, Ona m iwaleteleyi, weŋila mwitala munadiŋi, nindi niseŋuli neyi; 18ilaŋa yena wela, chinatwala izu dami hewulu nakutambika, hakushiyaihina dindi nanami, hakutemuka kwindi hanzi.
19Nkaka yaYosefu chatiyiliyi mazu apodindi ahoshayi nindi, Tiyamwanaŋiliyi nduŋu yeyi; hakuzuwa. 20Nkaka yaYosefu wamukwatili, wamushili mukaleya mwakasilaŋawu ankoli jamwanta Fwaro; hakushakamani mwenomu mukaleya.
21Ilaŋa Yehova wadiŋi naYosefu, wamumwekesheleli luwi, mwakenza amutoŋi kudi mukwakuhemba kaleya. 22Mukwakuhemba kaleya wamushilili Yosefu kuhemba ankoli ejima adiŋi mukaleya; yuma yejima yeliluwu kwenoku, yena diyi wayilili. 23Mukwakuhemba kaleya hatalili chuma chadiŋi naYosefu nichimuku, muloŋa Yehova wadiŋi nindi, niyuma yeliliyi Yosefu yejima Yehova wayiwahishili.
Currently Selected:
Genese 39: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
