Genese 38
38
1Wena mwakowu Yuda wanyamukili kudi ana kwindi, hakuyakudi muntu wakuAdulami, ijina dindi Hira. 2Kwenoku Yudawamweni mumbanda mwana kamuntu wakuKenani, ijina dindi Shuwa, wamutambwili, hakwijila mudi yena. 3Yena wabaabili ivumu wavwelimwana weyala. Yuda wanamutumbili ijina dindi, nindi Eri. 4Wabaabili cheŋi ivumu, wavweli mwana weyala, wanamutumbili ijina dindi, nindi Onani. 5Wavweli cheŋi mwana weyala, wanamutumbili ijina dindi, nindi Shela; hamuvweliyi Yuda wadiŋi kuKezibi.
6Yuda wamusumbwilili wedi windi Eri mumbanda, ijina dindi Tamari. 7Wedi waYuda Eri wadiŋi watama kumesu aYehova; Yehova wamujahili. 8Yuda wamwilili Onani, nindi, Iŋilaku mudi iŋodamana kweyi, wakamwilili mudimu wamana kwanfumwindi, wakamusaŋwili mana kweyi mbutu. 9Onani welukili nindi mwana hakekala winduku, dichi cheŋililiyi mudi iŋodamana kwindi, wechilili mbutu hamaseki, kuchina kumusaŋwila manakwindi mbutu. 10Chuma china cheliliyi Yehova wachimweni nindi chatama, wamujahili niyena nawa. 11Yuda wamwilili muku windi Tamari, nindi, Shakamaku wuntuluwa kwitala datata yeyi, wutalili kwamba kakulilayimwanami Shela, muloŋa welili nindi wakenza kafwa neyi chafwiluwu ana kwindi. Tamari wayili nakushakama kwitala datata yindi.
12Chimwahitili mafuku amavulu mwana kaShuwa iŋodaYuda wafwili. Yuda wakumishili kudila, hakuya kwadiŋuwu antu indi atewilaŋa nyikokuyindi, ayili niyena niibwambu dindi Hira wakuAdulami. 13Amulejeli Tamari nawu, Muku weyi hakuya kuTimina akatewuli nyikoku yindi. 14Wavuulili mahinindi awuntuluwa, wadibutili mulesu, wadikumbakesheli, washakamini muchisu champwembu yakuEnayimi, kumbadi yanjilayaya kuTimina, muloŋa wamweni Shela nakuli dehi, kumwinkayi nawuamusumbuli nehi. 15Yuda chamumweniyi, watoŋojokeli nindi kwijihichivumbi nanochu chanadibutiyi kumesu indi. 16Yuda hakuya kudiyena kumbadi yanjila, nindi, Twatuyaŋa mwani, wuŋitiji kwijila mudeyi, muloŋa helukili nindi diyi muku winduku. Yena mumbanda nindi, Wukunyinkadi kulonda wiŋili mudi ami? 17Nindi, Nukukute meshela mwana kampembi wakwiyinda dami. Mumbanda nindi, Wukunyi nkadini kwatuku nitalili nachu chiwakantemeshela? 18Yena nindi, Ochu nikwinkidi wukwatuku? Mumbanda nindi, Nikazeya keyi, nimukwatu weyi, nimbwechi yeyi yidi kuchikasa cheyi. Wamwinkeli, weŋilili mudi yena, niyena wabaabili nindi ivumu. 19Wanyamukili kwindi, wayili, yosubula nimulesu windi, hakuvwala cheŋi mahinindi awuntuluwa.
20Yuda watemesheli mwana kampembi nebwambu dindi wakuAdulami, kulonda atambuli cheŋi kudi mumbanda yuma yamwinkeliyi kukwataku. Ilaŋa hamuwenuku. 21Wehwili amayala akwenoku, nindi, Chivumbi wadiŋi kuEnayimi hambadi yanjila wudi kudihi? Nawu, Akunu hikwadiŋichivumbuku. 22Wafuntili cheŋi kudi Yuda, nindi, Hinamuwanuku, ni amayala akwenoku nawu, Akunu hikwadiŋi chivumbuku. 23Yudanindi, Asendi kwindi ayi nachu, akenda katukoolesha nsonyi. Tala ntahiami mwana kampembi namutemeshi, ilaŋa hiwunamuwanuku.
24Chimwahitili kwiji neyi tukweji tusatu, amulejeli Yuda nawu, Mukuweyi Tamari neli wuvumbi, wudi nevumu. Yuda nindi, Kamwidishenu, kulonda amushiti. 25Chamwidishiluwu, wamutemesheleli muku windi, nakwila nindi, Yenowu iyala wukweti yumiyi diyi wanyinka ivumu. Nindi, Shinshikaku chachiwahi mwani, yumiyi, nikazeya nimukwatu, nimbwechi, yanyi? 26Yuda waytŋili, nindi, Komana yena diyi waloŋa chakubadikami, nanochu chinabulili kumwinkayi mwanami Shela. Hadilukili nindinawa cheŋuku.
27Hafunyishiliyi komana mwivumu dindi mwadiŋi anyana ampamba. 28Chafunyishiliyi wumu wedishili chikasa hanzi; nkoŋu wanoneni wandawuchinana wamukasili kuchikasa chindi, nindi, Yeniwu diyi wasambilakwidika. 29Chafuntishiliyi chikasa chindi mana kwindi hakwidika, kutiyankoŋu nindi, Ehe-e, wunadibuzili ŋahi? Dichi chanamutumbililuwu ijinadindi, nawu Perezi. 30Nkumininaku mana kwindi yowidika nikwidika, yenowu wadiŋi nawanda wuchinana kuchikasa chindi. Yena ijina dindianamutumbili, nawu Zera.
Currently Selected:
Genese 38: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
