Genese 37
37
1Yakoba washakamini mwituŋa dashakaminiyi tata yindi chawenyi mwituŋa daKenanima. 2Tiyenu nsaŋu jaYakoba. Yosefu washika dehi munyaka ikumi nayitanu nayiyedi, wabiŋilaŋa yimuna nawana kwindi; wadiŋi mukwenzi kwindina kushakama hamu nawanyana kaBiliha, nawanyana kaZilipa apodŋatata yindi. Yosefu wamushimwininumu tata yindi mwata mishapawu. 3Isarela wakeŋa eli Yosefu chakubadika anyanindi ejima, muŋa wadiŋi mwana wahawushinakaji windi. Wamuchiminini chi kovwelu chamahina eni naeŋi. 4Ana kwindi chamwenuwu tata yawu wamukepa yena chakubadika ana kwindi ejima, amuhela nikumuhela nkunyi mbe, kutweshakuhosha nindi chachiwahi nehi.
5Yosefu waloteli, wayawililumu ana kwindi, asweja nikumuhela mbe. 6Wayilili nindi, Tiyenu mwani, chinalotami. 7Twadiŋi mwiha nakukasayita; kutala chita chami chinyamuka nikunyamuka, chiimana ni kwimana. Kutala yita yenu hiyikwinza nakunyeŋumuka, hiyikubandamina kuchitachami. 8Kutiya ana kwindi nawu, Aka! Eyi kwaamu wikali mwantawetwetu? Eyi wutuyuletu? Hiyakusweja kumuhela mbe nayilota yindinamazu indi.
9Waloteli nawa cheŋi, wayawililumu ana kwindi, nindi, Tiyenu, nalotinawa cheŋi; naloti niitaŋwa nikakweji nitutumbwa ikumi nakamu hiyakumbandamina. 10Wayawililumu nitata yindi niana kwindi. Tata yindi hakumuhoshola, hakumwila nindi, Oku kulota kuwunaloteyi kwanka? Ninami nimama yeyi niana kweyi twakaya kwaamu nakukubandamina eyiri hamaseki? 11Ana kwindi amutiyilili ichima, hakwila tata yindi nsaŋu oyu wayihembeli mumuchima.
12Ana kwindi ayili kuShekemi akadiishi yimuna yatata yawu. 13Isarela wamwilili Yosefu, nindi, Ana kweyi hiyakudiisha yimuna kuShekemu ku? Twaya ni kutemeshi kudi wena. Yena nindi, Vude. 14Wamwilili nindi, Yaku dinu wakatali neyi ana kweyi ashakama chachiwahi, neyi niyimunayidi chachiwahi, wakenzi cheŋi nakunleja. Wamutemesheli mwadiŋi yimuchinekineki chakuHeberoni, yena hakuya kuShekemi.
15Amuweni kudi iyala wumu wudi nakukimbuka mumpata. Iyala wamwihwili nindi, Wukukeŋadi? 16Nindi, Nukukeŋa ana kwami; anlejimwani, kwadi nakudiishilawu yimuna. 17Iyala nindi, Akunu afumaku dehi, nayitiya hiyakwila nawu, Tuyenu kuDotani. Yosefu wayilo ndeliana kwindi, wayiweni kwokuDotani. 18Wena amumweneni maaya, wachidirii kanda ashiki kwakwihi nawenaku, amukwatilili mpùŋa, nawutumujahi. 19Hiyakuhosha niniwu niniwu, nawu, Talenu, Sakulota onawukwinzona. 20Tuyenu tumujahenu, tumuumbenu muwina, twakelanetu, Chisuma namudyi, kulonda tutali mwakaya kulota kwindi. 21Rubeni chachitiyiliyi hakumupulwisha kudi wena, nindi, Bayi tumujahaku.
22Rubeni hakuyila nindi, Bayi mumwaŋa mashuku; kuminenu dakumuumbamuwina iwu wudi mwisaŋa, bayi mumwila chumaku. Wahosheli chochina kulonda kumupulwisha, akamufuntishi cheŋi kudi tatayindi.
23Chashikiliyi Yosefu kwadiŋuwu ana kwindi, amuvuulili chikovwelu chindi, chochikovwelu chamahineŋi na eŋi, chadiŋi chavwalayi; 24amukwataniku mukwata, amuumba nimuwina. Muwina mwadiŋi mwamukunkulu, mwosi mejuku. 25Hiyakushakama kwawu nakudya; hiyakufumbula mesu awu, kutalaniseku, mukanka wawaIshimeli, awa akuhita awa hiyakufuma kuGileyadi nanŋameli jawu, anasendi nisitoraki nimasitiki niladanumi, hiyakuya nayu muEjipitu. 26Yuda hakuyila ana kwindi, nindi, Neyi tukujaha mana kwetunakusweka mashi indi, tukudiila hodi? 27Tuyenu tumulandenu nawa-Ishimeli, etu kwetu bayi tumwila chumaku, yena himana kwetu mwivumudetu. Ana kwindi etiyili. 28AMidiyani hiyakuhita, akwakulandisha yuma. Hiyakumukoka Yosefu muwina, hiyakumulanda nawaIshimeli namali asiliva makumi ayedi. Yosefu amutwala nikumutwala muEjipitu.
29Rubeni hakufunta kuwina, kumuwana Yosefu muwina mwosi, hakutabulani mahi nindi, bwechi bwechi. 30Hakufunta kudi ana kwindi, nindi, Kansi kwosi, indi ami nukuyahi? 31Anoneni chi kovwelu chaYosefu, ajahili chizamba champembi, aputili chi kovwelu chindi mumashi. 32Atemesheli chikovwelu chamahina eŋi neŋi, achishi kŋili kudi tata yawu, nawu, Tunawani chumichi, shinshikaku chachiwahi neyi hichikovwelu chamwaneyi, tahindi chacheŋi. 33Yena wachilukili, nindi, Dichi chikovwelu chamwanami! Chisuma namudyi! Yosefu chalala amutabola dehi! 34Yakoba hakutabula nimahinindi, bwechi bwechi, hakuvwala chikeleyi mumayindi, hakumudila mwanindi mafuku amavulu. 35Anyanindi ejimani amayala nawambanda anyamukili, nawu amukundeji, ilaŋa yena kwindi kwonti kwindi kumukundeja. Nindi, Ami kwami nakakunkumuka mukaluŋa mudi mwanami nakudila hohu. Tata yindi hakumudila. 36AMidiyani amulandulwili muEjipitu naPotifwari ishidika daFwaro, mukulumpi wa awatulama.
Currently Selected:
Genese 37: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
