Popular Bible Verses from Genese 37

Share

Yosefu waloteli, wayawililumu ana kwindi, asweja nikumuhela mbe.

Isarela wakeŋa eli Yosefu chakubadika anyanindi ejima, muŋa wadiŋi mwana wahawushinakaji windi. Wamuchiminini chi kovwelu chamahina eni naeŋi.

Ana kwindi chamwenuwu tata yawu wamukepa yena chakubadika ana kwindi ejima, amuhela nikumuhela nkunyi mbe, kutweshakuhosha nindi chachiwahi nehi.

Waloteli nawa cheŋi, wayawililumu ana kwindi, nindi, Tiyenu, nalotinawa cheŋi; naloti niitaŋwa nikakweji nitutumbwa ikumi nakamu hiyakumbandamina.

Ana kwindi amutiyilili ichima, hakwila tata yindi nsaŋu oyu wayihembeli mumuchima.

Wayilili nindi, Tiyenu mwani, chinalotami. Twadiŋi mwiha nakukasayita; kutala chita chami chinyamuka nikunyamuka, chiimana ni kwimana. Kutala yita yenu hiyikwinza nakunyeŋumuka, hiyikubandamina kuchitachami.

Tuyenu tumujahenu, tumuumbenu muwina, twakelanetu, Chisuma namudyi, kulonda tutali mwakaya kulota kwindi.

AMidiyani hiyakuhita, akwakulandisha yuma. Hiyakumukoka Yosefu muwina, hiyakumulanda nawaIshimeli namali asiliva makumi ayedi. Yosefu amutwala nikumutwala muEjipitu.

Hiyakuhosha niniwu niniwu, nawu, Talenu, Sakulota onawukwinzona.

Wena amumweneni maaya, wachidirii kanda ashiki kwakwihi nawenaku, amukwatilili mpùŋa, nawutumujahi.

Rubeni hakuyila nindi, Bayi mumwaŋa mashuku; kuminenu dakumuumbamuwina iwu wudi mwisaŋa, bayi mumwila chumaku. Wahosheli chochina kulonda kumupulwisha, akamufuntishi cheŋi kudi tatayindi.