Exoda 4
4
1Mosi wa akwili nindi, Wena kwawu hiyakapitiyaku, hiyakatiya mwizu damuku, akela nawu, Yehova hanadi mwekeshi kudeyuku. 2Yehova wamwilili nindi, Chumanyi chidi muchikasa cheyi? Nindi, Mbwechi. 3Nindi, Yinati heseki. Wayinatili heseki, yabalumukili kapela, Mosihakukatemuka. 4Yehova hakumwila Mosi, nindi, Ololaku chikasa cheyiwukakwati kumukila. Yena wolweli chikasa chindi wakakwatili, kabalumukili cheŋi mbwechi muchikasa chindi. 5Yehova nindi, Kulonda aketiyinawu Yehova, Nzambi yawankakulula jawu, Nzambi yaAbarahama, Nzambi yaIsaka, Nzambi yaYakoba, nadi mwekeshi kudeyi.
6Yehova wamwilili cheŋi, nindi, Ipŋaku chikasa cheyi muntulu yeyi. Wemŋili chikasa chindi muntulu yindi. Chachiidishiliyi kutala chi kasachindi chinakwati dehi musopu wambumba, chineli dehi to-o neyi mpemba. 7Nindi, Ipŋaku cheŋi chikasa cheyi muntulu yeyi. Wemŋili cheŋi chi kasachindi muntulu yindi, chachiidishiliyi muntulu yindi kutala chinabalumuki dehi cheŋi neyi mujimba windi wunashaluku. 8Yehova nindi, Neyi akaleka kukwitiya hela kusha muchima kuchinjikijilu chakusambila nehi, aketiya chinjikijilu chakukuminina. 9Chakela neyi akaleka kwitiya hela yinjikijilu iyi yiyedi, neyi akabula kutiya nimwizu deyi, wakatambuli meŋamu kaŋa wakayimwaŋili heseki dawuma, owu meji wakatambula mukaŋa akabalumuka mashi heseki dawuma.
10Mosi wamwilili Yehova, nindi, Ala Mwanta wami! Ami nelukakuhosha wanyi! Kanda dehi niilukapahu dehi kuhoshaku, hela ichichiwunahoshi nanami kambuŋeyi hineluki kuhoshaku, ami kwami nalemendenda mukanwa, idimi dami dalema. 11Yehova wamwilili nindi, Indi wamwinkeli muntu kanwa hinyi? Indi wamwinkeli muntu helawumama, hela kujika matu, hela kutona, hela wuputamesu, hinyi? Hiyami yehovaku, tahindi? 12Yaku dinu, ami nakekala nakanwa keyi, nakakuleja mwejima muwakahosha. 13Yena nindi, Ala Mwanta wami! Atemeshi mwani, yowu wunatemeshi yowu.
14Kuzuwa kwaYehova kwamubutukilili Mosi, hakumwila nindi, Aroni, kaLevi, himana kweyuku? Namwiluki yena weluka kuhosha chachiwahi. Ninochu yena hakwinza nakukukinkilila; chakukumonayi wukutiya kuwahamumuchima windi. 15Wakahoshaŋa nindi yena, wakashapa mazu mukanwakindi, ami nakekala nakanwa keyi, nakekala ninakanwa kindi, nakayilejaŋachi mwakela. 16Yena wakakuhoshelaŋaku kudi antu, chakela yena wakekala neyi diyi kanwa keyi, eyi neyi wakekala neyi Nzambi yindi. 17Wakasendi muchikasa cheyi mbwechi oyu, wakeli nachu yinjikijilu.
18Mosi wayili, wafuntili kudi muku windi Yetero, wamwilili nindi, Aŋitiji mwani, niyi nifunti kudi ana kwami ekala muEjipitu, nakatali neyi achidi amomi. Yetero wamwilili Mosi, nindi, Yaŋa chachiwahi. 19Yehova wamwilili Mosi mwadiŋi yi muMidiyani, nindi, Yaŋa wufunti muEjipitu, muloŋa amayala ejima akeŋeli kukujaha afwa dehi.
20Mosi watambwili niŋodindi ni anyanindi, wayendesheleli hachimbulu, wafuntili mwituŋa daEjipitu. Mosi wasendeli mbwechi yaNzambi muchikasa chindi.
21Yehova wamwilili Mosi nindi, Chiwakafunta cheŋi muEjipitu, chipawakelapa kumesu aFwaro yuma yejima yakuhayamisha yinakushili muchi kasacheyi; ilaŋa ami nakamuchinchi kisha muchima windi, hakatŋia antu kuyaku. 22Wakamwili Fwaro neyi, Tiya chanahoshiyi Yehova, nindi, Isarela himwanami weyala, diyi wedi wami. 23Ninami nakwila dehi nami, Muleki mwanami ayi akankalakeli; hakwila eyi kwonti kweyi kumuleka; dichi dinu ami nakajaha mwaneyi weyala, yowu wedi weyi.
24Munjila yawu hakaminuwu, Yehova wamubulakeni, wakeŋa eli kumujaha. 25Zipora wanoneni ilola datwa wa alamishili mwanindi, wamuketwili muvumbu windi, wawunatilili kunyendu yindi, nindi, Ami nakumoniwiyala wamashi. 26Nzambi amúumbaku ni kumuumbaku. Yenamumbanda hakwila nindi, Eyi wiyala wamashi, nakwalamisha kwalamishiliyi mwanindi.
27Yehova wamwilili Aroni, nindi, Yaku mwisapa wakabulakani naMosi. Wayili, wamubulakeneni mumpidi yaNzambi, wamupwepujoleli. 28Mosiwa mulejeli Aroni mazu ejima amulejeliyi Yehova hamutemesheliyi, niyinjikijilu ejima yamwinkeliyi. 29AMosi naAroni ayili, apompesheli awakulumpi ejima ahadi anyana kaIsarela. 30Aroni wahosheli mazu ejima ahosheliyi Yehova naMosi, welili yinjikijilu kumesu awantu. 31Antu etiyili. Chatiyiluwu nawu Yehova nahempuli dehi anyana kaIsarela, namoni dehi niyihuŋu yawu, hiyakubandama nyitu yawu hiyakudifukula.
Currently Selected:
Exoda 4: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
