Exoda 5
5
1Kufuma henohu aMosi naAroni epilili mudi Fwaro, amwilili nawu, Tiya chanahoshiyi Yehova, Nzambi yaIsarela, nindi, Yileki antu ami ayi akadyi chawija chami mwisaŋa. 2Fwaro welili nindi, Yehova hinyi mwaka nitiyi mwizu dindi, ninzi niyumbuku aIsarela? Ami hinamwiluka Yehovaku, niaIsarela hinakayumbaku kwamuku. 3Nawu, Nzambi yawaHeberu tunadimoni nindi. Atuleki mwani, tuyi njila yakwenda mafuku asatu mwisapa, twakamuketwili Yehova Nzambi yetu yimuna, mukunkulwayiwakatuletela chipupu indi kwiji njita. 4Mwanta waEjipitu wayilili nindi, Enu aMosi naAroni, muloŋanyi munayifumishi antu kunyidimu yawu? Yenu mwakasendi yiteli yenu. 5Fwaro nindi, Komana, antu amwituŋa anavuli dehi, ninenu himukuyinookesha kuyiteli yawu.
6Ifuku dodenodu Fwaro walejeli tulala twawantu, nitupitawu twawu, 7nindi, Bayi muyinka cheŋi antu matahu akupika nachu matafwali neyichimwelaŋa dikaluku. Ayi akadikuŋwili awenawu matahu awu. 8Mwaka yesekelaŋa chi konkwanyi chamatafwali mwomwapi kilaŋawu chachikulu; bayi muchikeheshaku; komana akatala; dichi chakudililawu, nawu, Tulekenu tuyi twakamuketwili Nzambi yetu yimuna. 9Yivulishilenu amayala nyidimu yawu, kulonda akabakani nayu, kulonda abuli kutiyililamwaya mazu akutwamba.
10Tulala twawantu, nitupitawu twawu, edi kili hanzi, ahosheli nawantu, nawu, Tiyenu chanahoshiyi Fwaro, nindi, Hinukuyinka matahuku. 11Nindi, Yenu enu aweni mwakakeŋakeŋi matahu enu kumunayiwani kwoku, ninyidimu yenu hiyakayi keheshaku. 12Nochu antu amwaŋeli mwahita ituŋa daEjipitu dejima nakukuŋula ntotu afwanishi neyi matahu. 13Atulala ayihindesheli, nawu, Manishenu nyidimu yenu mwomwese kayi konkwanyi yenu, neyi chimwelilaŋa himwadiŋi namatahu. 14Ayeteli tuŋitawu twawanyana kaIsarela twashililuwu tulala twaFwaro kuyitala, ayihwili nawu, Indi yikonkwanyi yenu yakupika matafwali, nichahaloshi, nichalelu, munayi kaŋenyidi kuyimanisha neyi chimwelilaŋa hakusambila?
15Tupitawu twawanyana kaIsarela ayili nakudila kudi Fwaro, nawu, Muloŋanyi wunatwili chenichi etu ambuŋeyi? 16Etu ambuŋeyi hiyanatwinki matahuku, hiyakutwila nawu, Pikenu matafwali, ninetu ambuŋeyi anatweti; ilaŋa antu eyi diwu anatamishi, bayi etuku. 17Yena welilinindi, Enu mwakatala, mwakatala, dichi chimwelaŋa nenu, Tuleki tuyitwakamuketwili Yehova yimuna. 18Yenu kwenu mwakakalakali; matahuhi yakayinkawuku, nichikonkwanyi chamatafwali chiŋa muchimanisha hohu. 19Cheliluwu nawu, Bayi mukeheshaŋa matafwali enuku, chiŋa ifuku nichikonkwanyi chadu, ifuku nichikonkwanyi chadu, atupitawu twawanyana kaIsarela amweni hichinatami dehi. 20Chafuminuwu mwaFwaro ayibulakeni aMosi naAroni, anemani munjila, 21ayilili nawu, Yehova ayitali, asompeshi, muloŋa munatununkishi dehi chatama nikudi Fwaro nikudiambuŋindi, munayishili mumakasawu mpoku yakabali yakutujaha nachu.
22Mosi wafuntili cheŋi kudi Yehova, welili nindi, Eyi Mwanta, awa antuwunayi koŋelidi chatama? Wantemesheladi? 23Saŋa nenjila kudi Fwarona kuhosha mwijina deyi, yena kwakuyikoŋa awa antu chatama hohu; helakuyipulwisha antu eyi hiwunayipulwishi nihantuku.
Currently Selected:
Exoda 5: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
