Exoda 3
3
1Mosi wadiishilaŋa nyikoku yamuku windi Yetero, kapristu kakuMidiyani. Watweli nyikoku kunyima yesaŋa, washi kili kumpidi yaNzambi kwokuHorebi. 2Kaŋelu kaYehova wadi mwekesheli kudi yena mumuzuzu wakesi wafumini mukachi kachiputa. Yena wamweni chiputa chinakwati kesi ilaŋa chiputa kusukuma nehi. 3Mosi nindi, Tali niba aluki munjila, nitali chumichi chasweja chinamwekani, muloŋanyi chiputachinabuli kusukuma bwi. 4Yehova wamumweni hakuba aluka munjila atali, Nzambi omu mwadiŋi yi mukachi kachiputa, hakumutambika nindi, Mosi, Mosi. Yena nindi, Yamonu. 5Nindi, Bayi wukundama kwakwihuku. Subulaku nkwabilu jeyi kunyendu yeyi, muloŋa hiwunemani hiiseki dajila. 6Wahosheli nawa nindi, Yami Nzambi yatata yeyi, Nzambi yaAbarahama, Nzambi yaIsaka, Nzambi yaYakoba. Mosi wadibutili kumesu indi muloŋawatiyili woma wakumutala Nzambi.
7Yehova wahosheli nindi, Chalala namoni antu ami adi muEjipitu chakumonawu ihuŋu, natiyi chakudilawu nawakwakuyi kalakesha; ami neluki chakabaŋawu. 8Nasuluki dehi munu niyipulwishi kudi aEjipitu, nakayifumishi mwituŋa odu, nakayitwali mwituŋa dadiwahi deneni dasweja nimayeli niwuchi, mwekalawu ni aKenani, niaHiti, niaAmori, ni aPerizi, niaHivi, niaYebusi. 9Tiya dinu, kudila kwadilaŋawu anyana kaIsarela kunashi ki kudami, niikabi dayi kabishaŋawu aEjipitu nadimoni. 10Ichidinu, inzaŋa ni kutemeshi kudi Fwaro, kulonda wuyifumishi antu ami anyana kaIsarela muEjipitu. 11Mosi hakumwila Nzambi, nindi, Amiyaminyi mwaka niyi kudi Fwaro nakufumisha anyana kaIsarela muEjipitu? 12Yena nindi, Chalala ami nukwi kala neyi; tiya chuma chiwakeluka nachuneyi yami nakutemeshi; chiwakafumisha antu muEjipitu mwakamukalakela Nzambi hampidi yinu.
13Mosi hakumwila Nzambi, nindi, Tiya, chinakaya kudi anyana kaIsarela, chinakayila nami, Nzambi yawankakulula jenu nantemeshi ninzi kudenu, niwena akaŋila nawu, ijina dindi hinyi? Indi ami nakayila namidi? 14Nzambi wamwilili Mosi, nindi, Ami Yami Mwomunekalila Kwami. Wamwilili nindi, Wakayili anyana kaIsarela, neyi, Yami diyi nantemeshi kudenu. 15Nzambi hakumwila Mosi cheŋi, nindi, Tiya chiwakayila anyana kaIsarela, neyi, Yehova Nzambi yawankakulula jenu, Nzambi yaAbarahama, Nzambi yaIsaka, Nzambi yaYakoba, diyi nantemeshi kudenu; ijina dami dodenidi dahaya nyaka, dodamba kaŋanukaŋawu nachu, kunyaka yejima amba kavwali kilaŋawu antu. 16Yaŋa wakapompeshi awakulumpi awaIsarela, wakayili neyi, Yehova, Nzambi yawankakulula jenu, Nzambi yaAbarahama, niyaIsaka, niyaYakoba, namwekani kudami, nelinindi, Ami chalala nenzi nakuyihempula, namoni chanayi koŋuwu muEjipitu. 17Neli nami, Nakayifumisha mumakabi muEjipitu, nakayitwala mwituŋa dawaKenani, nidawaHiti, nidawaAmori, nidawaPerizi, nidawaHivi, nidawaYebusi, mwituŋa dasweja mayeli nawuchi. 18Wena akatiya izu deyi. Nineyi niakulumpi awaIsarela mwakayi kudi mwanta wakuEjipitu, mwakamwilinenu, Yehova, Nzambi yawaHeberu, tunadimoni nindi; atuleki dinumwani, tuyi njila yamafuku asatu mwisaŋa, tumuketwili Yehova Nzambi yetu yimuna. 19Ami neluki nami mwanta waEjipitu hakuyiteja kuyaku, chiŋa naŋovu yayeni. 20Ami nakolola chikasa chami, naketa ituŋa daEjipitu nayuma yami yejima yakuhayamisha yinakakoŋa mukachikawu; nkumininaku wakayileka mwakaya. 21Nakayitiyisha aEjipitu luwi munyichima yawu, akayitiyila antu awa luwi, kulonda chimwakaya mwakabuli kuya makasakasa; 22ambanda ejima akayilombi akwawu atuŋawu nawu, ni akwawu ashakama mumatalawu, akayilombi yuma yalemayasiliva, niyuma yalema yawuru, niyuma yakuvwala, mwakayivwi ki anyanenu awambanda ni anyanenu amayala; mwakayibuwi aEjipitu.
Currently Selected:
Exoda 3: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
