Exoda 38
38
1Watuŋili kameŋa kahimulambu wakushita nanyitondu yanyishitimi; mukuleha kwaku munkotweli jachikasa jitanu, mukutoha kwaku munkotweli jachikasa jitanu, kwesekana hamu, ndwa, mumbaŋu jakujiwana; kuzandama kwaku kwesekeli munkotweli jachikasa jisatu. 2Welilinseŋu jaku hamawombu aku awana, nseŋu jelili jakutuŋila hamu nakameŋa; walamikiluhu wuneŋu. 3Welili yuma yakameŋa yejima, wowu manuŋu, ni mafwosholu, niyeŋa, nitutuwa twanyisomu, niyifoyu yakesi, nayuma yakuyejima wayilili nawuneŋu hohu. 4Kameŋa wakatuŋilili kanyungulu kawuneŋu kakutuŋa mesu mesu neyi wanda wakuta nachu, kakushilakwishina damutondu wasompokaku kwishina kwi-ndo, washi kili hakachi, kwishina kuleha, kwiwulu nawa kuleha. 5Wawumbili tuzeya tuwanatwakushila kumawombu akanyungulu kawuneŋu awana, hekali hawushiluwanyikambu. 6Wasoŋeli nyikambu yanyitondu yanyishitimi, walami kiluhuwuneŋu. 7Nyi kambu wayishili namutuzeya mumbavu jakameŋa, kulonda kukatembeka nachu; wakatuŋili namapalanga, kampaku.
8Watuŋili mbashila yakuwelela yawuneŋu, niitentaminu dayu dawuneŋu, nayibanjilu yawambanda akwakukalakala akalakeleli kuchisu chetenti dakubulakena.
9Welili chipaŋu; mahina akukudika kuchipaŋu akukabeta, kwokukabeta kakuchidiilu, adiŋi awanda wawuwahi wakushinta, munkotweli jachikasankulakaji; 10yishimi yachu yadiŋi makumi ayedi, nimayandayu akwimi kilamakumi ayedi, yawuneŋu; nimbwambu jakuyishimi jakukudikila, nimakozayujadiŋi jasiliva. 11Mahina akukudika akukabeta kakuchimunswa mwomunkotweli jachikasa nkulakaji, niyishimi yawu makumi ayedi, nimayandayu makumi ayedi, yawuneŋu; nimbwambu jakuyishimi jakukudi kilanimakozayu adiŋi asiliva. 12Kwadiŋi mahina akukudika akumbadiya kumujika amunkotweli jachikasa makumi atanu, yishimi yawu ikumi, nimayandayu ikumi; nimbwambu jakuyishimi jakukudikila nimakozayu adiŋi asiliva. 13Kumbadi yakumusela, kwokumusela, munkotweli jachikasa makumi atanu. 14Mahina akukudika kumbadi yimu yakuchisu adiŋi kweseka munkotweli jachikasa ikumi najitanu; yishimi yawu yisatu, mayandayu asatu; 15chochina nawa niakumbadi yi kwawu yakuchisu; nihachikasa ichi nihachikasa chikwawu chakuchisu chachipaŋu hadiŋi mahina akukudika akweseka munkotweli jachikasa ikumi najitanu; yishimiyawu yisatu, nimayandayu asatu. 16Mahina ejima akukudika kuchipaŋu kwi-ndo adiŋi awanda wawuwahi wakushinta. 17Mayanda akwimi kilayishimi adiŋi awuneŋu; nimbwambu jakuyishimi jakukudikila, nimakozayu adiŋi asiliva; hanyitu yawu alami kiluhu siliva; yishimi yejima yakuchipaŋu ayi kolesheli namakoza asiliva. 18Ihina dakujika kuchisu chakuchipaŋu dadiŋi dakutuŋa kudi mukwakuchima nakusowashana, dawuzeeli, nawusombu, nawanda wuchinana nge, nawanda wawuwahi wakushinta; dadiŋi dankotweli jachikasa makumi ayedi mukuleha, mukukuluka nkotweli ŋachikasa jitanu, mwomwesekeleli mahina akukudika kuchipaŋu. 19Yishimi yadiŋuku yiwana, mayandayu akwimikila awana, awuneŋu, mbwambu jayujakukudi kila jasiliva, nyitu yayu alami kiluhu siliva, nimakozayu adiŋi asiliva.
20Mpopu jejima, nijakutabanaka, nijakuchipaŋu, jadiŋi jawuneŋu.
21Tiyenu mwachindiluwu yuma yatabanaka, diyu tabanaka yawunsahu, chayichindiluwu chayilejeluwu kudi Mosi, yoyuma yakukalakala nachu aLevi, akukalakeshawu kudi Itamari, mwana kakapristu Aroni. 22Bezaleli, mwana kaUri, Uri mwana kaHuri, wakumuchidi waYuda, welili ytima yejima yamulejelu wuMosi kudi Yehova. 23Oholiyabi mwana kaAhisamaki, wakumuchidi waDani, mukwakubaza yuma yakubaza, mukwakukoŋa nyidimu yawutotombu, mukwakuchima nakusowashana niwuzeeli, niwusombu, niwanda wuchinana nge, niwanda wawuwahi.
24Wuru wejima wakalakeluwu nachu nyidimu yamalala yejima, wawuru wakuhimulambu, washi kili muntalenta makumi ayedi najitanu najiwana, nijishekeli makulakaji atanu nayedi namakumi asatu, nakweseka mwomwesekelaŋa lushekeli lwakumalala.
25Nisiliva yawantu ana amuchipompelu achindiluwu yashi kili muntalenta nkulakaji, jishekeli ikombakaji dimu namakulakaji atanu nayedi namakumi atanu nayedi najitanu, nakweseka mwomwesekelaŋawu lushekeli lwakumalala; 26kafwampi hibeka yimu hamuntu, lwolushekeli lwachibalu, lwakweseka mwomwesekela ŋawu lushekeli lwakumalala, yakufweta kudi antu ejima ahitili oku kwadiŋuwu achindiluwu, kufumisha kudi antu ashikamunyaka makumi ayedi nakubadika, yakufweta kudi amayala makulakaji atanu nadimu amakombakaji namakombakaji asatu namakulakaji atanu namakumi atanu. 27Nkulakaji yantalenta yasiliva yadiŋi yakuwumba nachu mayanda akumalala, nimayanda ayishimi yakukudi kila ihina dakujika nachu; mayanda nkulakaji nantalenta nkulakaji, ntalenta yimu yeyandadi mu. 28Nekombakaji dimu namakulakaji atanu nayedi namakumi atanu nayedi najitanu welili nachu mbwambu jakuyishimi jakukudikila, walami kilininyitu yayishimi, welili nachu nimakozayu.
29Wuneŋu wakuhimulambu washi kili muntalenta makumi atanu nayedi, nijishekeli makombakaji ayedi namakulakaji awana. 30Welili nachunimayanda ayishimi yakuchisu chetenti dakubulakena, nikameŋa kawuneŋu, nikanyungulu kaku kawuneŋu, niyuma yakukameŋa yejima, 31nimayanda akuchipaŋu kwi-ndo, nimayanda akuchisu chakuchipaŋu, nimpopu jakutabanaka jejima, nimpopu jakuchipaŋu jejima kwi-ndo.
Currently Selected:
Exoda 38: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
