Exoda 39
39
1Nawuzeeli, nawusombu, nawanda wuchinana nge, atuŋili nachuyuma yakuvwala yakutuŋa chachiwahi yakukalakala nachu mwajila, atuŋili nachu niyuma yakuvwala Aroni yajila; mwomwamulejeluwu Mosikudi Yehova.
2Watuŋili ifwodi nawuru, nawuzeeli, nawusombu, nawanda wuchinanange, nawanda wawuwahi wakushinta. 3Wuru awuchilili muwubasa wi kaliwapepela, awuleŋeli hiwukwikala nsambu kulonda awusowi muwuzeeli, nimuwusombu, nimuwanda wuchinana nge, nimuwanda wawuwahi, mudimu wamuntu mukwawukalawenu. 4Atuŋili mahinadu akumafwiji, akunuŋila hamu, kunsa jawu jiyedi kwokwadinuŋililuwu. 5Nimuyawakutuŋa nawukalawenu, wadiŋi hewulu, wakudi kasa nachu, wadiŋiwakwihina dodimu, wakutuŋila mwomumu, wawuru, nawuzeeli, nawusombu, nawanda wuchinana nge, nawanda wawuwahi wakushinta; mwomwamulejeluwu Mosi kudi Yehova.
6Wakalakeli malola atushohama, akupata muwupatilu wawuru, akubaza mwomwabazila ŋawu ilola dachinjikijilu, mwomwahita majina awanyana kaIsarela. 7Wayishili hamahina akumafwiji akwifwodi, kulonda ekali malola akwanukila anyana kaIsarela; mwomwamulejeluwu Mosi kudi Yehova.
8Welili chibwiku chakuvwala hantulu, chadiŋi chakukalakala kudi mukwawukalawenu neyi chakalakeluwu ifwodi, chawuru, nawuzeeli, nawusombu, nawanda wuchinana nge, nawanda wawuwahi wakushinta.
9Chadiŋi nambaŋu jiwana; chibwiku chakuvwala hantulu elili chakuvuŋa, muwulehi wachu muchikasa chamuntu chakusamanesha, muwihi wachumuchi kasa chakusamanesha nawa, chakuvuŋa. 10Akwatishilumu nyikanayiwana yatumalola; kumukana wumu kwadiŋi nidasaridini, nidantopaza, nidakeji keji, diwu mukana wakusambila. 11Kumukana wamuchiyedi kwadiŋi nidaemeraladi, nidakasafira, nidakayahalu; 12kumukana wamuchisatu kwadiŋi nidailishemi, nidaishebu, nidakachelama; 13kumukana wamuchiwana kwadiŋi nidakatarishi, nidakashohama, nidanjasiperi; ayipatili muwuru mwomwakuyipatila mwomwakuyikwatishila. 14Malola adiŋi mwomwekalila majina awanyana kaIsarela, ikumi nayedi, mwomwekalila majinawu; mwomwabazilaŋawu ilola dachinjikijilu, adiŋi anyichidi ikuminayiyedi, mwomwekala majinayu, iwu nejina dawu, iwu nejina dawu.
15Hachibwiku chakuvwala hantulu eliluhu maleŋi ayedi neyi nyonji, yakuyinda yakuyinda, yawuru wakoseka to-o. 16Elili yuma yawuru yiyedi yakupatila, nituzeya twawuru tuyedi, ashili tuzeya otu tuyedi hansa jiyedŋa chibwiku chakuvwala hantulu. 17Maleŋi akuyinda awuru ayedi ayishilili namutuzeya twawuru tuyedi kunsa jiyedi jachibwiku chakuvwala hantulu.
18Insa jikwawu jiyedi jamaleŋi ayedi akuyinda ajinuŋilili kuyuma yiyedi yakupatila, ayishili hamahina akumafwiji akwifwodi kumbidi yayu. 19Elilituzeya twawuru tuyedi, atushili kunsa jiyedi jachibwiku chakuvwala hantulu kumbavu jachu, kumbadi yefwodi yamukachi. 20Elili tuzeya twawuru tuyedi, atunuŋilili kwishina damahina akumafwiji ayedi akwifwodi kumbidiyayu, kwakwihi nakwakudinupila, hewulu damuya wakwifwodi wakutupa nawukalawenu. 21Chibwiku chakuvwala hantulu achikasili nakukasila tuzeya twachu kutuzeya twakwifwodi namwonji wawuzeeli, kulonda chiikali hamuya wakwifwodi wakutupa nawukalawenu, kulonda chibwiku chakuvwala hantulu chakabuli kusubuka kwifwodi; mwomwamulejeluwu Mosikudi Yehova.
22Welili kanji yefwodi yehina yakutuŋa yakutuŋa, yejima yawuzeeli hohu, 23kanji ayilokweli hakachi neyi mwalokwelaŋawu chi kovwelu chakunjita chatuyikuŋu, yakuchima chima kwalokwelawu kwi-ndo kulonda yibuli kutabuka. 24Kumukundulu wakanji anyeŋumwishiluku mabula, mudiawuzeeli, mudi awusombu, mudi awanda wuchinana nge, mudi awandawakushinta. 25Elili nimpwambu jawuru wakoseka to-o, mpwamboju ayinyeŋumwishili hakachi kamabula kumukundulu wakanji kwi-ndo, hakachi kamabula; 26elili mudi lupwambu mudi ibula, mudi lupwambu mudiibula, kumukundulu wakanji kwi-ndo, kulonda kukalakala nachu; mwomwa mulejelu wuMosi kudi Yehova.
27Elili yi kovwelu yaAroni nawanyanindi amayala yawanda wawuwahiyakutupa yakutuŋa, 28ninkuku yakutuŋa nawanda wawuwahi, nimabonye alubanji awanda wawuwahi, nituputula twawanda wawuwahi, twakutupanawanda wawuwahi wakushinta, 29nimuya wawanda wawuwahi wakushinta, niwawuzeeli, niwawusombu, niwawanda wuchinana nge, mudimuwamu kwakuchima nakusowashana; mwomwamulejeluwu Mosi kudi Yehova.
30Elili nicheŋa chachibaaba chajila chawuru wakoseka to-o, asonekeluhu nsona yidi neyi yabazaŋawu helola dachinjikijilu, nawu, WAJILA WAYEYOVA. 31Akasililuku kamwonji kawuzeeli kulonda kuwukasila hewulu dankuku; mwomwamulejeluwu Mosi kudi Yehova.
32Dichi mudimu wejima watabanaka yetenti dakubulakena wamanini; anyana kaIsarela elili mwejima mwamulejeluwu Mosi kudi Yehova, dimumweliluwu.
33Aleteli tabanaka kudi Mosi, niitenti niyuma yadu yejima, ninkobujadu, nimapalanga du, ninyikambu yadu, niyishimi yadu, nimayandayu; 34nichifwiku chayitembi yayizamba yanyikoku yakuloomba wulombuwuchinana, nichifwiku chayitembi yamayobu, niihina dakujika hakachi; 35nichimbaŋu chawunsahu, ninyikambu yachu, niitanda daluwi; 36nimesa, niyuma yayu yejima, nimankendi akutentekaŋa kumesu aNzambi; 37niinoŋu dakoseka to-o, nimanoŋu adu, wowu manoŋu akaloŋesha ŋawu, niyuma yadu yejima, nimanji enoŋu; 38nikameŋa kawuru, nimanji akuwayisha nachu, niinsensi yevumba dadiwahi, niihina dakukudi kamuchisu chetenti; 39mkameŋa kawuneŋu, nikanyungulu kaku kawuneŋu, ninyikambu yaku, niyuma yaku yejima, nimbashila yakuwelela, niishinadayu; 40nimahina akukudi kaŋakuchipaŋu, niyishimi yachu, nimayandachu, niihina dakukudika leuchisu chakuchipaŋu, ninyonji yachu, nimpopu jachu, niyuma yejima yamudimu watabanaka, yetenti dakubulakena; 41niyumayakuvwala yakutuŋa chachiwahi yakukalakala nachu mwajila, niyumayakuvwala yajila yakapristu Aroni, niyuma yakuvwala yawanyanindi, yakukalakala nachu mudimu wawupristu. 42Anyana kaIsarela ehli mudimu wejima mwejima mwamulejeluwu Mosi kudi Yehova. 43Mosiwamweni mudimu wejima, komana anawili dehi; mwomwanalejiyi Yehova, mwomwenomu hohu dimu mwanawiluwu. Mosi wayi kiswilili nkisu.
Currently Selected:
Exoda 39: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
