Exoda 36
36
1NiBezaleli niOholiyabi ni amayala ejima akweti nyichima yama ana, anashiliyi Yehova munyichima yawu nima ana nikashinshi, kulondakwiluka kukalakala nyidimu yakukalakala nachu malala, mwejima mwalejeliyi Yehova, nindi akakalakali.
2Mosi watambikili niBezaleli niOholiyabi ni amayala ejima akwetinyi chima yama ana, ashiluwu maana munyichima kudi Yehova, ejima akwetinyi chima yayibimbishili kulonda enzi nakukoŋa mudimu, 3atambwili kudi Mosi himulambu wejima waleteluwu anyana kaIsarela wamudimu wakukalakala nachu malala, kulonda kuyituŋa nachu. Habudidi habudidi hiyakuletaŋa hohu nyilambu yakunyichima yawu awenawu. 4Amayala ejima akwama ana akoŋelaŋa mudimu wamalala wejima, ashiyili wejima wawunyidimu yawu yakoŋelaŋawu, ayili nakumwila Mosi, 5nawu, Yuma yakuletawu antu yakukalakala nachu mudimu wakutuŋa washiikiliyi Yehova, yinasweji kuvula. 6Mosi wayilejeli, abidikishili mwahita chilombu chejima, nawu, Kwosi hela iyala hela mumbanda wakatuŋa cheŋi chuma chikwawu chamulambu wamalalaku. Chochina ayilekesheli antu kuletacheŋi yuma. 7Niyuma yadiŋuwu nayu yawaninini mumudimu wejima wakutuŋa malala, yabadi kilumu.
8Hadi awa akalakeli mudimu, ejima adiŋi nanyichima yama ana, atuŋilitabanaka nimahinindi ikumi, wayituŋali nawanda wawuwahi wakushinta, niwuzeeli, niwusombu, niwanda wuchinana nge, nawakerubi akuchimina mukudi akwawukalawenu. 9Muwulehi wehina dimu munkotweli jachikasa makumi ayedi najitanu najisatu, muwihi wehina dimu munkotweli jachikasa jiwana, mahina ejima adiŋi esekana hamu hohu.
10Mahina atanu wayinuŋili hamu, dimu nadikwawu, awa atanu nawawayinuŋili hamu, dimu nadikwawu. 11Welili ŋanda jawuzeeli hansayehina dakuma kunsa yamahina mwayinuŋilawu, dichi cheliliyi nawanihansa yehina dakuma kunsa yamahina amakwawu mwayinuŋilawu. 12Welili ŋanda makumi atanu kwihina dimu, welili niŋanda makumi atanu hansa yehina dadiŋi kumahina amakwawu mwayinuŋilawu ŋanda jaditalili yimu nayikwawu. 13Welili nkobu jawuru makumi atanu, wanuŋili mahinahamu nankobu, chochina tabanaka yelili yimu.
14Welili mahina amavuji ampembi kulonda ekali itenti dakubuta hatabanaka; welili mahina ikumi nadimu. 15Muwulehi wehina dimu mwelili munkotweli jachikasa makumi asatu, muwihi wehina dimu munkotweli jachikasa jiwana; mahina ejima ikumi nadimu adiŋi esekana hamu.
16Wanuŋili mahina atanu nahawu, mahina atanu nadimu nahawu.
17Welili ŋanda makumi atanu hansa yehina dakuma kunsa yamahina mwayinuŋilawu, nipanda makumi atanu hansa yamahina amakwawu mwayinuŋilawu. 18Welili nkobu jawuneŋu makumi atanu kulondakunuŋa itenti hamu diikali dimu. 19Welili chifwiku chetenti chayitembiyayizamba yanyikoku yakuloomba wulombu wuchinana, nichifwiku chahewulu chayitembi yamayobu.
20Welili mapalanga atabanaka anyitondu yanyishitimi emana. 21Mukuleha kwepalanŋa dimu munkotweli jachikasa ikumi, mukutoha kwepalanŋadi mu munkotweli yimu yachikasa nachiketu. 22Ipalanŋa dimu dadiŋi nanyishika yiyedi yakunuŋila hamu wumu namukwawu, dichi cheliliyi namapalanga ejima atabanaka. 23Welili mapalanga atabanaka, mapalanga makumi ayedi akumutamba wakukabeta, kwokukabeta kakuchidiilu.
24Welili kwishina damapalanga makumi ayedi mayanda asiliva makumi awana akwimikila, mayanda ayedi mwishina depalanga dimu nanyishi kayadu yiyedi, mayanda ayedi mwishina depalanga di kwawu nanyishika yaduyiyedi. 25Nihamutamba wukwawu watabanaka, hamutamba wakabetaka kuchimunswa, welili mapalanga makumi ayedi, 26nimayandawu asiliva makumi awana akwimikila, mayanda ayedi mwishina depalanga dimu, mayanda ayedi mwishina depalanga di kwawu. 27Welili mapalanga atanunadimu amutamba wakunyima yatabanaka kumujika. 28Kunyima yatabanakawelili mapalanga ayedi amumawombu. 29Elili akubombela hamu ayedi kwishina, chochimu nawa nikwiwulu elili akubomba ayedi ayedi kunyitu yawu nachiŋu chimu; wayilili wejima wawu ayedi chochina mumawombu ayedi. 30Kwadiŋi mapalanga atanu nasatu namayandawu asiliva akwimikila, mayanda ikumi natanu nadimu, mwishina damapalanga ejima ipalanga dimu mayanda ayedi, ipalanga dimu mayanda ayedi.
31Welili nyikambu yanyitondu yanyishitimi, yitanu yakumapalanga ambaŋu yimu yatabanaka, 32nyikambu yitanu yakumapalanga ambaŋuyi kwawu yatabanaka, ninyikambu yitanu yakumapalanga atabanaka akumutamba wakunyima wakumujika. 33Welili mukambu wahakachi, wahitilihakachi kamapalanga wahanukili zwa, kufuma kunsa yimu nakushika kunsa yi kwawu. 34Hamapalanga walamikiluhu wuru, watupili nituzeya twawutwawuru twakushila nyikambu, hanyikambu walamikiluhu wuru.
35Watuŋili ihina dakujika hakachi, dawuzeeli, nawusombu, nawanda wuchinana nge, nawanda wawuwahi wakushinta, niakerubi akuchimina mukudi akwawukalawenu. 36Welili yishimi yadu yiwana yanyitondu yanyishitimi, walamikiluhu wuru; mbwambu jawu jakukudikila jadiŋi jawuru, wayiwumbilili nimayanda asiliva awana akwimikila. 37Watuŋili ihinadakukudika muchisu chetenti, dawuzeeli, nawusombu, nawanda wuchinanange, nawanda wawuwahi wakushinta, mudimu wamukwakuchima nakusowashana, 38niyishimi yadu yitanu, nimbwambu jayu jakukudikila; hanyituyayu nihamakozayu walamikiluhu wuru; hakwila mayandayu akwimikila adiŋi awuneŋu.
Currently Selected:
Exoda 36: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
