Exoda 35
35
1Mosi wapompesheli chipompelu chawanyana kaIsarela chejima, wayilili nindi, Tiyenu mazu anayilejiyi Yehova kulonda muyili.
2Nindi, Mafuku atanu nadimu mwakakalakali nyidimu, ilaŋa hefukudamu chitanu nachiyedi hakekali ifuku denu dajila, hisabata yakunooka kwalema kwakumunookela Yehova; yowu wakakoŋelamu mudimu akamujahi. 3Mumatalenu ejima bayi akabutula mwoku kesi hefuku dasabataku.
4Mosi wahosheli nachipompelu chawanyana kaIsarela chejima, nindi, Tiya chuma chanayilejiyi Yehova, 5nindi, Pompeshenu mukachi kenuhimulambu waYehova; yowu wukweti muchima wakutiyamu kuwaha diwuwukuwuleta, hihimulambu waYehova; niwuru, nisiliva, niwuneŋu, 6niwuzeeli, niwusombu, niwanda wuchinana nge, niwanda wawuwahi, nimavuji ampembi; 7niyitembi yanyikoku yayizamba, yakuloomba wulombuwu chinana, niyitembi yamayobu, ninyitondu yanyishitimi; 8nimanjienoŋu, ninyitondu yanunka mavumba amawahi yakwila nachu manji akuwayisha nachu, niyakwila nachu insensi yevumba dadiwahi; 9nitumalola twatushohama, nitumalola twakupata chachiwahi, nitwefwodi, nitwachibwi kuchakuvwala hantulu.
10Antu ejima amukachi kenu akweti maana munyichima yawu, enziatuŋi yuma yejima yanayilejiyi Yehova; 11nitabanaka, niitenti dindi, nichifwiku chindi, ninkobu jindi, namapalanga indi, ninyikambu yindi, niyishimi yindi, nimayanda akwimikila; 12nichimbaŋu, ninyikambu yachu, niitanda daluwi, niihina dakujika nachu hakachi; 13nimesa, ninyikambuyayu, niyuma yayu yejima, nimankendi akutenteka kumesu aNzambi;
14niinoŋu dakutoŋeka chejeji, niyuma yadu, nimanoŋu adu, nimanji achejeji; 15ni kameŋa kainsensi, ninyikambu yaku, nimanji akuwayisha nachu, niinsensi yevumba dadiwahi, niihina dakukudika muchisu, mwomu chisucha kutabanaka; 16nikameŋa kahimulambu wakushita, hamu nakanyungulukaku kawuneŋu, ninyikambu yaku, niyuma yaku yejima, nimbashilayakuwelela, niitentaminu dayu; 17nimahina akukudika kuchipaŋu, niyishimiyachu, nimayanda akwimikila, niihina dakukudika muchisu chachipaŋu; 18nimpopu jakutabanaka, nimpopu jakuchipaŋu, ninyonji yaju;
19niyuma yakuvwala yakutuŋa chachiwahi, yakukalakala nachu mwajila, yoyuma yajila yakuvwala kapristu Aroni, niyuma yakuvwala anyanindi amayala, kulonda akakalakali mudimu wawupristu.
20Chipompelu chawanyana kaIsarela chejima afumini kudi Mosi. 21Ejima atiyili nyichima yawu hiyi kuyibimbisha, atiyishiluwu kuwahakuspiritu yawu, atweli himulambu waYehova, wamudimu wetenti dakubulakena, niwakukalakala nachu mudimu wadu wejima, niwayuma yajila yakuvwala. 22Ayili niambanda ni amayala, ejima atiyili kuwaha munyichimayawu, aleteli ninyibulu, niyingelingeli yakumatu, nituzeya twakunyinu yawu, ninyi kosa, yuma yalema yawuru yejima; diwu antu ejima amulambwili Yehova himulambu wawuru. 23Niantu ejima adiŋi nawuzeeli, helanawusombu, hela nawanda wuchinana nge, hela nawanda wawuwahi, helanamavuji ampembi, hela nayitembi yayizamba yanyikoku yakuloomba wulombu wuchinana, hela nayitembi yamayobu, aleteli. 24Antu ejima adiŋi nakulambula himulambu wasihva nawuneŋu awuleteli himulambu waYehova; niantu ejima adiŋi nanyitondu yanyishitimi yakukalakala nachumudimu himudimu, aleteli. 25Ambanda ejima adiŋi nama ana munyichimayawu, atuŋili mahina namakasawu, aleteli atupiluwu, niwuzeeli, niwusombu, niachinana nge, niamawahi akushinta. 26Ambanda ejima abimbishiluwu nyichima yawu nama ana atupili mahina amavuji ampembi. 27Anyuli aleteli nitumalola twatushohama, nitumalola twakupata, nitwefwodi, nitwachibwi ku chakuvwala hantulu; 28ninyitondu yamavumba amawahi, nimanji achejeji nimanji akuwayisha nachu, ni akwila nachu insensi yevumba dadiwahi. 29Anyana kaIsarela ejima amayala nawambanda, adiŋi nanyi chimaya yitiyishili kuwaha kuleta yuma yamudimu wejima wayilejeli yehova kukanwa kaMosi, amuleteleli Yehova himulambu wakuleta chanyi chima yawu awenawu.
30Mosi wayilili anyana kaIsarela, nindi, Tiyenu, Yehova namutambiki hejina dindi Bezaleli mwana kaUri, Uri mwana kaHuri, wakumuchidi waYuda; 31namwinzeshi dehi naSpiritu yaNzambi, muma ana, nimukashinshi, nimukwiluka, nimuwukala wenu wejima; 32kulonda akatoŋo joki chachiwahi mwaya nyidimu yawutotombu, akakalakali nawuru, nasiliva, niwuneŋu, 33akaketuhi nitumalola twakupatapata, akabazi ninyitondu, akakalakali mwejima mwaya wukalawenu wawutotombu. 34Namushili mumuchima windi maana akuleja akwawu, niyena niOholiyabi, mwana kaAhisamaki, wakumuchidi waDani. 35Wenawa nayinzeshi nama anamunyichima yawu kulonda akalakali mwejima mwaya wukalawenu, niwakubazayuma, niwamu kwakukoŋa nyidimu yawutotombu, niwamu kwaku chimana kusowashana niwuzeeli, niwusombu, niwanda wuchinana nge, niwanda wawuwahi, akalakali nimwaya wukalawenu wamukwakutuŋa mahina, hela wawukalawenu wejima, wukalawenu hiwukalawenu, helawawantu atoŋojokapa chachiwahi mwakwila nyidimu yawutotombu.
Currently Selected:
Exoda 35: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
