Exoda 34
34
1Yehova wamwilili Mosi, nindi, Balulaku malola awubasa ayedi neyi akusambila, nakasoneka hamalola awa awubasa mazu adiŋi hamalola awubasa akusambila, iwahumwini. 2Wakaloŋeshaŋahu dehi kulondakuya nabudidi, wakakandami hampidi yaSinayi habudidi, wakemani kumesu ami kwenoku kwiwulu dampidi. 3Kwosi muntu wakaya neyuku, kwosi muntu wakamwekana kumpidi yejimaku, hela ayimuna anyanyahela ayimuna amaneni bayi akadiila kwakwihi nampiduku.
4Yena wabalwili malola awubasa ayedi neyi akusambila. Mosi wamenekesheli budidi yayeni, wakandamini hampidi yaSinayi mwomwamulejeliyi yehova, wasendeli muchikasa chindi malola awubasa ayedi. 5Yehova wasulukilili mwivu, wemeni nindi kwenoku, wabidikili nakutena ijina daYehova. 6Yehova wahitili kumesu indi, wabidikili, nindi, Yehova, Yehova, Nzambi wenzala nawushona, watoŋaŋa antu, hazuwaŋa swayuku, Wasweja niluwi, wavulisha ninsaŋu yalala; 7wahembaŋa luwi lwindi lwamakombakaji awantu, wayanakenaŋa nikuluwa, ninyiloŋa, ninshidi; hayiŋishaŋa mukwakutanya nihantuku; kuluwa kwawatata jawantu wakushikiŋanihadi anyana, nihadi ezukulu, nihadi anyanawu wena, nihadi ezukulu awu wena. 8Mosi wanyakeli, wabandamini chamesu indi heseki, wadifukwili. 9Welili nindi, Eyi Yehova mwani, neyi dinu wunantoŋi, Mwantaayi mwani, mukachi ketu; muloŋa awa antu achinchika kwawu; atwanakenini kuluwa kwetu ninshidi yetu, atutambuli twi kali wuswana weyi.
10Nindi, Tiya, ami hinukukwata chitiyaŋenu; nami, nakela yumayaku hayamisha kumesu awantu eyi ejima, yuma yakadi kukoŋapahu dehi mwahita iseki dejima hela munyuza yejima; ninawa antu ejima wekalanawu akamona mudimu waYehova, muloŋa chuma chinakela naneyi chikwetiwoma nankashi. 11Shaku muchima kuchuma chinukukuleja lelu; tiya, ami nakakutemwina kaAmori, nikaKenani, nikaHiti, nikaPerizi, nikaHivi, nikaYebusi kuwakaya. 12Babalaku wakabuli kukwata chitiyaŋenu nawakwetuŋa diwakaya, kuchina kwikala muhetu mukachi kenu; 13ilaŋa enu kwenu chiŋa mwakahumuni tumeŋa twawu, mwakachikachiki tuposhi twawu twakupeshela puchi puchi, mwakatemi ninyiyombu yawu; 14muloŋa enu bayi mwaka fukamina mukishuku; muloŋa Yehova, ijina dindi diyi Mukawu, hiNzambi wukwetimukawu; 15mwakenza kukwata chitiyaŋenu nawakwetuŋa odu, chakelawu wuvumbi wakulondela akishi awu, chakaketwilawu akishi awu yimuna, hakenza kamwekana wumu wakakutambika ninenu himwakadya chimuna chanaketuliyi; 16mwakenza katambula anyanawu awambanda nakuyisumbwila anyanenu amayala, ni anyanawu awambanda akenza kela wuvumbi wakulondela akishi awu, akenza kasambwisha anyanenu kwila wuvumbi wakulondela akishi awu. 17Bayi wakadilila akishi akwepununaku. 18Wakahembaŋa chawija chamankendi akadi ilupi. Wakadyaŋa mankendiakadi iluŋi mafuku atanu nayedi, mwomuna munakulejeli, hohamafuku inayilejeli mukakweji kaAbibi; muloŋa hohakakweji kaAbibi dihu mwafumini muEjipitu.
19Ejima akusambila kuvwalika mumavumu awamama jawu, amami; ni ayimuna amayala ejima, awedi ejima hela akudi aŋombi hela akudi anyikoku. 20Wedi wachimbulu wakamukúuli namwana kamukoku; neyi kumukúula nehi, chiŋa wakamukotoli nshiŋu. Anyanenu amayala awedi ejima mwakayikúuli, kwosi wakamwekana kumesu ami makasakasaku.
21Mafuku atanu nadimu wakakalakali, kwinza ifuku damuchitanu nachiyedi wakanooki; hela hachila aka chakudima, hela hachila aka chakwaŋula, wakanooki hohu.
22Wakahembaŋa chawija chayalumingu, nichawija chatidiku yakahila nichawija chakukuŋula hakukumisha mwaka. 23Ayeyi amayala ejima akamwekani kumesu aMwanta Nzambi, Nzambi yaIsarela, mapampakasatu hamwaka. 24Muloŋa nakayitemuna nyuza kuwakaya, nakatoheshaŋinza jenu; chiwakaya mapampa kasatu hamwaka nakumwekana kumesu aYehova Nzambi yeyi, kwosi muntu wakakeŋa ituŋa deyuku.
25Chiwakechimuna mashi achimuna chami bayi wakechimuna namankendi akweti iluŋuku; hela chimuna chahachawija chapaseka bayi chakakama chishika nikubudiduku. 26Yakudya yakahila yaheseki deyiwakaleti kwitala daYehova Nzambi yeyi. Bayi wakateleka mwanakampembi mumayeli amama yinduku. 27Yehova wamwilili Mosi, nindi, Sonekaku mazu awa, muloŋa mwomwayamazu awa dimu nakwatili chitiyaŋenu chakukwata ninaneyi nina-Isarela. 28Yena wadiŋi kwenoku naYehova mafuku makumi awananamwa ana nawufuku; hadiili yakudyaku, hela kunwa meji hanwini mejuku. Wasonekeli hamalola awubasa mazu achitiyaŋenu, wowu mazu ikumi.
29Cheliliyi Mosi hakukunkumuka hampidi yaSinayi nasendi malola awubasa awunsahu ayedi kuchikasa chindi, chakunkumukiliyi hampidi, Mosi hachilukiluku komana ikowa dakumesu indi datoŋekeli nachinachahanji kilaŋayi nindi. 30NiAroni nianyana kaIsarela chamwenuwu Mosikutala ikowa dakumesu indi hidikutoŋeka, atiyili woma wakuswila kwakwihi nayena. 31Mosi wayitambikili, niAroni nianyuli achipompelu ejima afuntili cheŋi kudi yena, Mosi wahosheli nawu. 32Nkumininaku anyana kaIsarela ejima niwena ayili kwakwihi, niyena wayinkeli mazu ejima ahosheliyi Yehova nayena hampidi yaSinayi, hilushimbi. 33Chakumishiliyi Mosikuhosha nawu, wabutili ihina kumesu indi. 34Ilaŋa cheŋililiyi Mosi kumesu aYehova nindi ahoshi nindi, wafumishili ihina dabutiliyi kumesu indi, nichichedi kiliyi cheŋi hanzi; wedi kili hanzi, wahosheli nawanyana kaIsarela nakuyileja yuma yamulejeluwu; 35anyana kaIsarela amweni kumesu aMosi, komana ikowa dakumesu indi hidikutoŋeka hohu; Mosiwashili cheŋi kumesu indi ihina dakubuta, nichicheŋililiyi cheŋi nakuhoshanindi.
Currently Selected:
Exoda 34: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
