Exoda 33
33
1Yehova wahosheli cheŋi naMosi, nindi, Nyamukenu, mufumi kununineyi niantu iwafumishili mwituŋa daEjipitu, muyi kwituŋa dinasanyi kilili Abarahama, naIsaka, naYakoba, ituŋa dinelili nami, Nakadinka anyaneyi. 2Nakatemeshaŋahu kapelu kumbidi kuwukuya; nakatemunamu kaKenani, ni kaAmori, nikaHiti, nikaPerizi, nikaHivi, nikaYebusi.
3Nakakutwala mwituŋa dalumbama mayeli nawuchi; ami kwami hinukuyanenu mukachi kenuku, muloŋa enu muyantu achinchika, nakenzakayinoŋesha tuhu munjila ji-i. 4Antu chatiyiluwu mazu owu atama, adilili, hosi muntu niwumu wavweliyuma yindi yakudiwahisha nachuku. 5Muloŋa Yehova wamwilili Mosi, nindi, Yili anyana kaIsarela, neyi, Enu muyantu achinchika, hela neyi nukuyamukachi kenu kapinji kamu hohu nukuyinoŋesha tuhu ji-i, dichi dinusubulenu yuma yenu yakudiwahisha nachu kulonda niiluki kwami munukuyila. 6Anyana kaIsarela kufumisha kuna kumpidi yaHorebi nikwayiluwu kumbidi asubwili yuma yawu yakudiwahisha nachu.
7Henohu Mosi watwelelaŋa itenti nakudilema kupandakana hachilombu kwakulehi nachilombu; waditeneni nindi, Itenti dakubulakena. Elili neyimuntu hakukeŋa Yehova hakwidika muchilombu hakuya kwitenti dákubula kena dadiŋi oku kwakupandakana chilombu. 8Chelilaŋayi Mosi hakwidi kamuchilombu hakuya kwitenti, antu ejima hiyakunyamuka, hiyakwimana, muntu muchisu chetenti dindi, muntu muchisu chetenti dindi, hiyakuhuŋununa mesu nakutala mwakuyayi Mosi nichichakwijila yi mwitenti. 9Chelilaŋayi Mosi hakwijila mwitenti, chishimi chevu hichi kuzenzumuka, hichikwimana kwokuchisu chetenti, niYehova hakuhosha naMosi. 10Antuejima amweni chishimi chevu hichikwimana kuchisu chetenti, niantu ejima hiyakunyamuka, hiyakudifukula, muntu muchisu chetenti dindi, muntumuchisu chetenti dindi. 11Yehova wahosheli naMosi mesu namesu, neyichahoshaŋayi muntu nebwambu dindi. Yena wafuntilaŋa cheŋi muchilombu; ilaŋa kambanji kindi, mwana kaNuni Yoshuwa, mukwenzi weyala, saŋa emenayi mwitenti.
12Mosi wamwilili Yehova, nindi, Tala, wunaŋili neyi, Twalaku antu awa, ilaŋa wunabuli kunleja iwakantemesha nindi. Ilaŋa eyi wunahoshi neyi, Nakwiluki ijina deyi, neyi, Nakutoŋi. 13Ichi dinu mwani, neyi wunantoŋi, anleji dinu njila yeyi, kulonda ni kwiluka, kulonda wuntoŋi; atali hadi muzdiwu wuyiluki neyi antu ami. 14Yena nindi, Mesu ami akaya naneyi, nakakunookesha. 15Mosi wamwilili nindi, Neyi mesu eyi kuya nanami nehi, bayi wututwalaku. 16Indi antu akwiluka ŋahi nawu ami wunantoŋi ninamini antu eyi? Hiyakwiluka nanochu chitukuya naneyuku? Ami nawantu eyimwenomu dimu tukwambukila kudi antu ejima ekala hewulu damaseki, indiheŋi nawa? 17Yehova wamwilili Mosi, nindi, Ami nukwila chumichi chiwunahoshi, muloŋa nakutoŋi, nakwiluki ijina deyi. 18Yena nindi, Anmwekesheli mwani, kulema kweyi. 19Nzambi nindi, Kuwaha kwami kwejima nukukuhitisha kumesu eyi, nukubidika nakutena ijina daYehova kumesu eyi; yowunukukeŋa kutoŋa diyi nukutoŋa, yowu nukutiyila wushona, diyi nukutiyilawushona. 20Nindi, Hiwukutwesha kumona kumesu amuku, muloŋakwosi muntu wakanmonami ahandaku. 21Yehova welili nindi, Tala, kunukunidi kudi kwakwimena, wukwimana helola; 22chikwila chikukuhita kulemakwami nukukusha mumwaji welola, nukukubuta nachikasa chami nichinukuhita. 23Nukufumisha chikasa chami, wakanmona chanyima, ilaŋamesu ami hiyakamonewaku.
Currently Selected:
Exoda 33: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
