Exoda 32
32
1Antu chamwenuwu nawu Mosi hakulaba, kukunkumuka swayiliampidi nehi, antu hiyakumupompela Aroni, hiyakumwila nawu, Nyamukaku wutwilili akishi etu atwaminaŋa kumbidi kutukuya; yeniwu Mosi, iwu iyala watufumishili mwituŋa daEjipitu, hituneluki kwanayiyuku. 2Aroni wayilili nindi, Kotolenu tuzeya twawuru tudi kumatu awaŋodi jenu, nikudi kumatu awanyanenu amayala, nikudi kumatu awanyanenu awambanda, namutunleteli. 3Antu ejima akotweli tuzeya twawuru twadiŋi kumatu awu, atutweli kudi Aroni. 4Watutambwili kumakasawu, wayibazili nachi kuŋuchakubaza nachu, welili nachu mwana kaŋombi wakweŋununa chakweŋununa; elili nawu, Diwu akishi enu, enu aIsarela, diwu ayifumishili mwituŋa daEjipitu. 5Aroni chamweniyi chochina, watuŋili kwenoku kameŋa; Aroni wabidikili, nindi, Kumadiki twakadya chawija chaYehova. 6Hakuchaha amenekesheli budidi, ocheli nyilambu yakushita, atweli ninyilambu yakuwunda; antu ashakamini nakudya nakunwa, anyamukili cheŋi nakuhema.
7Yehova wahosheli naMosi, nindi, Yaku, kunkumukaku; muloŋa antu eyi wafumishili mwituŋa daEjipitu, anaditokeshi dehi bululu; 8anasenuki dehi swayi swayi munjila yinayilejeli; aneli dehi ŋombi yawu wakweŋununa, anamufukamini dehi, anamuketwili dehi niyimuna, aneli nawu, Awadiwu akishi enu, enu aIsarela, diwu ayifumishili mwituŋa daEjipitu. 9Yehova wamwilili Mosi, nindi, Awa antu nayimoni dehi komana hiyantu achinchika; 10ichi dinu nleki kwami kuzuwa kwami kuyitatili neyi kesi, niyinoŋeshi kwami, nikuvulishi eyi wili muza weneni. 11Mosi walembeli kumesu aYehova Nzambi yindi, nindi, Eyi Yehova, antu eyi iwafumishili mwituŋa daEjipitu naŋovu yeneni, nachikasa chaŋovuhohu, wuyizuwili nankashi mwejimomu? 12Indi aEjipitu akahoshana wudi? Akahosha nawu, Chayi fumishiliyi mwituŋa komana walona dehi kuyikoŋa chatama, komana walondeli kuyŋahila kumapidi, kulonda ayinoŋeshi ji-i hewulu deseki. Lekaku kuzuwa kweyi kunasweji, wubalumukimu muchima wuleki kuyifuukwila antu eyi mwenimu mwatama. 13Anukaku Abarahama, naIsaka, naIsarela, ambuŋeyi, wasanyikilili chakudisanyika eyi aweni, wayilili neyi, Nakavulisha anyanenu neyi chikwatu tumbwatwa mwiwulu, niituŋa idi dejima dinateni nakadinka anyanenu, mwakadiswana dakekala denu dahaya nyaka. 14Yehova wabalu mukili mumuchima, walekeli omu mwatama mwahosheliyi nindi nukuyikoŋa antu ami.
15Mosi wabalumukili cheŋi, wakunkumukili hampidi, muchikasa chindi nasendi malola awubasa awunsahu ayedi; malola awubasa akusonekani ishinadi niishinadi, heshinadi dimu niheshinadi di kwawu anasonekuhu.
16Wena malola awubasa owu adiŋi mudimu wakwila kudi Nzambi, ninsona jadiŋi nsona jakusoneka kudi Nzambi, jakubaza hamalola owuawubasa.
17Yoshuwa chatiyiliyi ipumba dawantu adiŋi nakudikuwa, wamwilili Mosi, nindi, Muchilombu mudi ipumba danjita. 18Yena nindi, Hiizuda wantu akuyikaku, hela dawantu akukaloka nakuyitapaku, ami natiyi neyihiizu dawantu akwimba tumina.
19Cheliliyi nashiki dehi kwakwihi nachilombu, hakumona ni mwanaka ŋombi niantu akuhaŋana, Mosi abutukani kesi laku, nazuwi dehi nankashi, hakunata nimalola awubasa adiŋi mumakasindi, hakuyi humona mwishina dampidi. 20Owu mwana kaŋombi eliluwu, hakumutwala, hakumwo chanakesi, hakumutwa puchi puchi hiwuŋa hohu, hakuwulakumuna hameji, hakuyinwishawu anyana kaIsarela.
21Mosi wamwilili Aroni nindi, Indi awa antu akwilili ŋahi mwakawuyi kojeji nshidi yatoha chi kuma hichi? 22Aroni nindi, Mwanta wamibayi asweja kuzuwaku; awa antu wunayiluki dehi, ata kwawu nyichimayawu hakwila yuma yatama. 23Wena diwu aŋilili nawu, Twilili akishi etu atwaminaŋa kumbidi kutukuya; nawu, Yeniwu Mosi, iwu iyala watufumishili mwituŋa daEjipitu, mwanayiyi hituneluki mwoku. 24Ninaminayilili nami, Yowu muntu wukweti wuru awukotoli, dichi wena awunyinkeli, ami nawu umbilili mukesi, himukwidika niniwu mwana kaŋombi.
25Mosi chamweniyi antu adi nzekesi, muloŋa Aroni wayivu ulishili mahina, walondeli atiyi nsonyi hadi ayilumbu jawu; 26Mosi hakwimana muchisu chachilombu, hakuhosha nindi, WaYehova waYehova hinyi? Enzi kunu kunidami. Anyana kaLevi amayala ejima apompa nikupompakudi yena. 27Wayilili nindi, Tiyenu chanahoshiyi Yehova, Nzambi yawaIsarela, nindi, Wejima wenu vwalenu mpoku jenu jatubali hamakata, yenuŋa nakukumbuka mwahita chilombu kuchisu nachisu nakutapa akwenu, iwu nakutapa mana kwindi, iwu nakutapa mukwawu adikatayi nindi, iwunakutapa mukwawu atuŋayi nindi. 28Anyana kaLevi elili mwomwizu daMosi; denodu ifuku hafwili antu neyi kwiji makombakaji asatu. 29Mosiwelili nindi, Dikunjikenu lelu kudi Yehova, mwalala iwu hamujimba wamwanindi weyala, iwu hamujimba wamana kwindi, kulonda ayikiswilinkisu lelu.
30Chikwachili Mosi wayilili antu, nindi, Enu munavulumuni nshidiyeneni; ichi dinu hinukukandama cheŋi hampidi niyi kudi Yehova, hadahanakela yakubuta nachu nshidi yenu. 31Mosi wafuntili cheŋi kudi Yehova, welili nindi, Nalembi mwani, awa antu anavulumuni dehi nshidi yeneni, aneli dehi akishi awu awuru. 32Ichi dinu neyi wukuyanakena nshidiyawu! Neyi nehi, anjimi mwani kumukanda weyi wunasoneki.
33Yehova wamwilili Mosi, nindi, Yowu nanvulumuni diyi nukujima kumukanda wami. 34Ichi dinu yaku wakayilomboli awa antu ayi kunakuleja dehi; nikaŋelu kami wakatwaminaŋa kumbidi kuwukuyeyi. Helachochina kudiifuku dinakayishikijila nshidi yawu. 35Yehova wayibabesheli antu nanowu mwana kaŋombi eliliyi Aroni.
Currently Selected:
Exoda 32: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
