Exoda 31
31
1Yehova wahosheli cheŋi naMosi, 2nindi, Tala, namutambi kiBezaleli mwana kaUri, Uri mwana kaHuri, wakumuchidi waYuda, hejina dindi; 3namwinzeshi naSpiritu yaNzambi, muma ana, nimukashinshi, nimukwiluka, nimuwukalawenu wejima, 4kulonda akatoŋojoki chachiwahi muwililu wanyidimu yawutotombu yakukalakala nawuru, nasiliva, nawuneŋu, 5akaketoli nitumalola twakupata, akabazi nyitondu, akakalakali mwejima mwaya wukalawenu. 6Tala, ami nabombeluku hadi yena Oholiyabi, mwana kaAhisamaki, wakumuchidi waDani; munyichimayawantu ejima akweti maana nashumu maana kulonda akatuŋi yumayejima yinakuleji; 7akatuŋi niitenti dakubulakena, nichimbaŋu chawunsahu, niitanda daluwi dekalahu, niyuma yejima yamwitenti; 8nimesa, niyumayayu, niinoŋu ditooka to-o, niyuma yadu yejima, nikameŋa kainsensi; 9nikameŋa kahimulambu wakushita, niyuma yaku yejima, nimbashilayakuwelela niitentaminu dayu; 10niyuma yakuvwala yakutuŋa chachiwahi, yuma yajila yakuvwala kapristu Aroni, niyuma yakuvwala anyanindi amayala kulonda akakalakali nachu mudimu wawupristu; 11nimanji akuwayishaŋanachu, niinsensi yevumba dadiwahi yamwajila; akeli mwejima munakuleji.
12Yehova wahosheli cheŋi naMosi, 13nindi, Hoshaku nawanyana kaIsarela, neyi, Chiŋa muhembaŋa sabata jami, muloŋa hichinjikijilu chetunanami nanenu, mwamba kavwalikaŋawu anyanenu; kulonda mwakelukaŋanenu ami yami Yehova nayijilikaŋa. 14Dichi mwakahembaŋa sabata, muloŋa yajila kwenu; yowu muntu wakayijilola, chiŋa akamujaha hohu; yenowu muntu wakakalakelamu mudimu, akamufumishi mudi antaŋa jindi. 15Mafuku imukukalakalaŋa nyidimu wowu atanu nadimu hohu, kwinza ifuku damu chitanu nachiyedi hisabata yakunooka kwalema, dajila dambala daYehova hohu; yowu muntu wakakalakala mudimu hefuku dasabata, chiŋa akamujaha hohu. 16Dichi anyana kaIsarela akahembaŋa sabata, akashi sabata kumuchima kunyaka yejima amba kavwalikaŋa anyanawu, yachitiyaŋenu chahaya nyaka. 17Hichinjikijilu chetu, nanami nawanyana kaIsarela chahaya nyaka; muloŋa mafuku atanu nadimu Yehova wale dehi mawulu namaseki, hefuku damu chitanu nachiyedi hakunooka, hakutiyanihi-i. 18Chakumishiliyi kuhanjika nindi hampidi yaSinayi wamwinkeli Mosi malola awunsahu ayedi, malola awubasa, akusoneka namunu waNzambi.
Currently Selected:
Exoda 31: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
