Exoda 30
30
1Wakatuŋi kameŋa kakwochelahu insensi; wakakatuŋi nanyito nduvu Uyanyishitimi. 2Mukuleha kwaku mwakashiki munkotweli yachikasayimu, mukutoha kwaku munkotweli yachikasa yimu; kakeli kambaŋu jiwana jesekana; muwuzandamu waku mwakeli munkotweli jachikasajiyedi; nseŋu jaku jakeli hakutuŋila hamu nakameŋa, chuma chochimu hohu. 3Wakalamikuhu wuru wakoseka, nihewulu daku, nihambavu jaku kwi-ndo, nihanseŋu jaku; wakatuŋiluhu mukinkita wawuru kwi-ndo. 4Wakaka tuŋilituzeya twawuru tuyedi twakwishina damukinkita waku; wakatutuŋi twakumbavu jaku jiyedi, twakumbaŋu jaku jiyedi; twakeli twakushila nyikambu yakusendela.
5Wakeli nyikambu yanyitondu yanyishitimi, wakalamikuhu wuru. 6Wakakashi kwakwihi nehina dakujika nachu dekalakuchimbaŋu chawunsahu, kwokumesu etanda daluwi dekala hewuludawunsahu, kwokunakabulakena neyi. 7Aroni wakochelaŋahu habudidihabudidi insensi yanyitondu yamavumba amawahi; wakochelaŋahu insensi hohakaloŋeshayi manoŋu. 8Aroni hakabutulaŋayi manoŋu hamelela wakochelaŋahu insensi kumesu aYehova mafuku ejima, yakazenza mudi mbaya nyaka yejima yamba kavwali kilaŋawu anyanenu. 9Bayi mwakaka kumwishiluhu insensi yacheŋuku, hela himulambu wakushitaku, helahimulambu wawupaku, hela kuhuŋunwinahu himulambu wakuhuŋununaku. 10Aroni akeli yakubuta nachu hanseŋu jaku kamu hohu hamwaka; wakeliluhuyakubuta nachu namashi akuhimulambu wahanshidi wakubuta nachu, kamu hohu hamwaka, kunyaka yejima yamba kavwali kilaŋawu anyanenu, kajila nankashi kaYehova.
11Yehova wahosheli naMosi,
12nindi, Chiwakachinda anyana kaIsarela kulonda kwiluka mwekalawu kuvula kwawu, wejima wawu hamuntuha muntu akamwinki Yehova chuma chakudikuula nachu, chiwakayi chinda; kulonda mubuli kwinza chipupu mukachi kawu, chiwakayi chinda. 13Tiyachakahanawu, wejima wawu hamuntu hamuntu, akahita kudi ana akachindawu, akahani lushekeli lwachibalu mwomwekala lushekeli lwakumalala, lushekeli hijingera makumi ayedi; lushekeli lwachibalu hihimulambu wambala waYehova. 14Wejima wawu, hamuntu hamuntu, akahita kudi ana akachindawu, ninawa anyaka makumi ayedi ninawa abadikamu, akahani himulambu iwu waYehova. 15Chakahanawu himulambu iwu waYehova kulonda kwilayakudibuta nachu, chiŋa ahani lushekeli lwachibalu, mukwakuheta bayi abadisha mwoku, kazweŋi bayi akehesha mwoku. 16Chiwakatambula kudianyana kaIsarela mali akubuta nachu, wakakunjiki kumudimu wetentidakubulakena; kulonda mali awa akeli akwanukisha nachu anyana kaIsarela kumesu aYehova, kulonda kwila yakudibuta nachu.
17Yehova wahosheli naMosi, 18nindi, Wakatuŋi mbashila yawuneŋu, niitentaminu dayu dakekali dawuneŋu, kulonda kuwelelamu; wakayishihakachi, hela itenti dakubulakena iku kameŋa nawa iku, wakashumu nimeji.
19Aroni nawanyanindi amayala akesukilaŋamu kumakasawu ni kuwelelamunawa kunyendu yawu; 20chiyakeŋilaŋawu mwitenti dakubulakena akesukaŋa nameji, nikuwela nawa kulonda abuli kufwa; hela chakenzaŋawu kwakwihi nakameŋa kulonda kukalakala, kulonda kumwochela Yehova himulambu wakwila nakesi, 21akesukaŋa kumakasawu nikuwela nawakunyendu yawu kulonda abuli kufwa; lwakeli chidika chawu chahayanyaka, chayena nawanyanindi mwamba kavwali kilaŋawu anyanawu.
22Kunuŋaku nawa, Yehova wahosheli cheŋi naMosi, 23nindi, Tambulaku nyitondu yepukaŋa mavumba amawahi abadika, nimora yakweŋamanji jishekeli makulakaji atanu, nisinamoni yanunka chachiwahi yakwesekaneyi muhafu, dimu mujishekeli makulakaji ayedi namakumi atanu, ninyisachiyanunka chachiwahi jishekeli makulakaji ayedi namakumi atanu,
24nikasiya jishekeli makulakaji atanu akwesekela mulushekeli lwakumalala, nimanji aolive akwesekela munswaha yimu; 25wakeli nachu manji ajila akuwayishaŋa, hiyuma yakubombabomba chachiwahi yevumba dadiwahi mwomwelaŋayi muntu wukweti wukalawenu wakubombabomba mavumbaeŋi na eŋi, akekali manji ajila akuwayishaŋa nachu. 26Wakawayishi nachuniitenti dakubulakena nichimbaŋu chawunsahu, 27nimesa niyuma yawuyejima, niinoriu niyuma yadu, nikameŋa kainsensi; 28nikameŋa kahimulambu wakushita niyuma yaku yejima kumu nawa, nimbashila yakuwelela niitentaminudayu. 29Yuma yina wakayijiliki, kulonda yakeli yajila nankashi; hela muntu hela chuma chikuyikunka chikwikala chajila hohu. 30Wakawayishi Aroni nawanyanindi amayala manji, hiwakayijilika kulonda akankalakeli mudimu wawupristu. 31Wakahoshi nawanyana kaIsarela, neyi, Manji awa akekali akuwayishaŋa nachu, akunjilikila ambala amami hadianyanenu ejima amba kavwalikilaŋa. 32Bayi ayihuŋunwina hamujimbawa muntuku, hela kwila acheŋi afwana neyi awa akubombabomba mwomumu, chinjila; ajila, kudenu akeli ajila hohu. 33Yowu muntu wakabombabomba adi chochina, hela kumushilawu mwenyi hamujimba windi, akamufumishi mudi antaŋa jindi.
34Yehova wahosheli cheŋi naMosi, nindi, Tambulaku nyitondu yepukaŋa mavumba amawahi, niweŋu wanunka chachiwahi, nichecheleti, nichelibena; hinyitondu yepukapa mavumba amawahi yakubomba nalibona ditooka to-o; kweseka yejima pezu yoyimu hohu; 35wakeli nachu insensi, hiyuma yakubombabomba chachiwahi yevumba dadiwahi mwomwelaŋayi muntuwaheta maana akubombabomba mavumba, akashuku nimuŋwa, yakeliyitooka to-o, yajila. 36Wakanonuhu yi kwawu wakayitwi puchi-puchi, wakashi kumesu awunsahu mwitenti dakubulakena kwokunakabulakena neyi; kudenu yakekali yajila nankashi, 37bayi mwakadilila enu aweni insensi yakubombabomba chochinaku; kudeyi yakekali yajila yambalaya Yehova hohu. 38Yowu muntu wakela yidi chochina kulonda kununkaku, akamufumishi mudi antaŋa jindi.
Currently Selected:
Exoda 30: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
