Exoda 29
29
1Tiya muwakayila kulonda kuyijilika, kulonda akankalakelaŋa mudimu wawupristu; wakakwati iyoŋa daŋombi wumu weyala, niyizamba yiyedi yanyikoku yakadi ninaha hiyatamina, 2nimankendi akadi iluŋi, nimankendi akadi iluŋi akubomba namanji, nitumankendi twawubasatwakadi iluŋi twakukwita manji; wakatuŋi nawuŋa watidiku wakusalulula chachiwahi. 3Wakashi mwibaŋu dimu, wakajisendeli mwibaŋu, hamuna ŋombi nayizamba yiyedi yanyikoku.
4Aroni nawanyanindi amayala wakayitwali kuchisu chetenti dakubulakena wakayiweleshi nameji. 5Wakanoni yuma yakuvwala, wakamuvwiki Aroni chi kovwelu chahewulu, ni kanji yefwodi, niifwodi yayeni, nichibwiku chakuvwala hantulu, wakamukasili mumbunda namuya wakwifwodi wakutuŋa nawukalawenu; 6wakamuvwiki nkuku hanamutu, wakashinichiba aba chajila hankuku. 7Wakanoni nimanji akuwayisha nachu, waka muhuŋunwini hanamutu windi, wakamuwayishi. 8Wakaleti ni anyanindi, wakayivwiki yi kovwelu. 9Wakayikasili Aroni nawanyanindi amayala nyiya yawu mumbunda jawu, wakayikasili nimabonye awu; niwupristu wakekali wawu wachidika chahaya nyaka; wakakunjiki aAroni nawanya nindi kumudimu owu.
10Wakaleti ŋombi kuchisu chetenti dakubulakena; Aroni nawanya nindi amayala akanaŋiki makasawu hanamutu waŋombi. 11Wakajahi ŋombi kumesu aYehova kuchisu chetenti dakubulakena. 12Wakatambuli mashiaŋombi, wakalambi hanseŋu jakukameŋa namunu weyi, mashi akashalahu wakayi mwaŋili ejima kwishina dakameŋa. 13Wakatambuli nimanji ejima ajikaŋa hayuma yamwivumu niitandantulu dakumuchima, ninshiya mujiyedi, nimanji aduhu, wakayochi bwi hakameŋa. 14Ilaŋa nimbiji yaŋombi, nichitembi chindi, nituji twindi, wakafumishi muchilombu nakwochela kumpata, hihimulambu wahanshidi. 15Wakatambuli nichizamba wumu; Aroni nawanyanindi amayala akanaŋiki makasawu hanamutu wachizamba. 16Wakamujahi chizamba, wakatambuli mashi indi, wakasampuli hakameŋa kwi-ndo. 17Wakahaboli chizamba wejima hayidi hayidi, wakakosi niyuma yindi yamwivumu, ninyendu yindi namakasindi, wakayishi hayidi yindi yi kwawu nihanamutuwindi. 18Wakamwochi chizamba wejima hakameŋa; hihimulambu wakumushitila Yehova; hilupwembu, hihimulambu wakuhimulambu la Yehova nakesi.
19Wakatambuli chizamba mukwawu; Aroni nawanyanindi amayala akanaŋiki makasawu hanamutu wachizamba. 20Wakamujahi chizamba, wakanonuhu mashi anti, wakashi nihansa yetu daAroni dachidiilu, nihansaja matu achidiilu awanyanindi, nihanyinu yamadimbanu yakumakasawu achidiilu, nihanyinu yamadimbanu yakunyendu yawu yachidiilu, wakasampuli mashi hakameŋa kwi-ndo. 21Awa mashi adi hakameŋa wakanonuhu, wakanonuku nimanji akuwayisha nachu, wakayisampwilu wuAroni niyuma yindi yakuvwala, ni anyanindi amayala, niyuma yawu yakuvwalahamu nayena; wakeli anamujiliki dehi niyena, niyuma yindiyakuvwala, ni anyanindi, niyuma yakuvwala yawanyanindi hamu nayena.
22Kuchizamba wakafumishi nimanji, nimukila wamanji, nimanji abutaŋa hayuma yamwivumu, niitandantulu dakumuchima, ninshiya muji yedini manjiekalahu, nichikasa chachidiilu; muloŋa hichizamba chamukoku chakukunjika nachu kumudimu; 23mwibapu damankendi akadi iluŋididi kumesu aYehova wakanonumu dimu, nidinkendi dakubomba namanji dimu, nikadinkendi kawubasa kamu; 24wakatenteki yumiyi yejima hamakasa aAroni nihamakasa awanyanindi amayala, wakayinyinkeshi yakeli himulambu wakunyinkesha kumesu aYehova. 25Wakayifumishi kumakasawu, wakayochi hakamejiŋa, wakayocheli hewulu dahimulambu wakushita, kulonda ivumba dadiwahi kumesu aYehova; hihimulambu wakuhimulambu la Yehova nakesi.
26Kuchizamba chaAroni chakukunjika nachu kumudimu, wakanonuku ibwambu, wakadinyinkeshi dakeli himulambu wakunyinkesha kumesu aYehova; dakeli iseka deyi dakudya. 27Wakajiliki niibwambu dakuhimulambu wakunyinkesha, nichikasa chakuhimulambu wakuleleka, chanyinkeshaŋawu, chaleleka ŋawu, chakuchizamba chamukoku wakukunjika nachukumudimu, yoyambala yaAroni, nawanyanindi amayala; 28Yakekali yaAroni nawanyanindi amayala hichidika chakuyinkawu chahaya nyaka, chakutambula kudi anyana kaIsarela; muloŋa hihimulambu wakuleleka; wakekali himulambu wakuleleka wakudi anyana kaIsarela wakuyimuna yakuketolaŋawu yanyilambu yakuwunda, hihimulambu wawu nawa waYehova wakuleleka.
29Yuma yakuvwala yaAroni yajila yamba kekalaŋa yawanyanindi amayala amba kahiŋamu, kulonda kuyiwayishilamu manji, nikuyikunjika nachukumudimu wawu. 30Yowu mwana wakamuwana kuwupristu akayivwali mafuku atanu nayedi, hohakeŋilaŋayi mwitenti dakubulakena nakukalakala mwajila.
31Wakatambuli chizamba chamukoku chakukunjika nachu kumudimu, wakateleki mbiji yindi mwajila. 32Aroni nawanyanindi amayala akadyimbiji yachizamba nimankendi adi mwibaŋu, akadiyili kuchisu chetenti dakubulakena. 33Akadyi yuma yina yadibutiluwu nachu, kulonda kuyikunjika nachu kumudimu nikuyijilika; ilaŋa kuyidya kudi mwenyi chinjila muloŋa yajila. 34Chikwakacha hela mbiji yakukunjika nachu kumudimu, hela dinkendi, neyi yinashaluhu yinashi ki kubudidi wakayochi nakesi; chinjila kuyidya, muloŋa yajila.
35Dichi chiwakayili Aroni nawanyanindi amayala, mwejima munakulejeli; wakayikunjikaŋa mafuku atanu nayedi. 36Hefuku hefuku wakalambulaŋa ŋombi weyala, himulambu wahanshidi kulonda kubuta nachu; chiwakela yakubuta nachu kameŋa wakakatookeshi; wakakawayishi nimanji nakukajilika. 37Mafuku atanu nayedi wakeli yakubuta nachu kameŋa, nakukajilika; kambiŋa kakeli kajila nankashi, yuma yejima yakakunka kukameŋa yakeliyajila.
38Tiya yuma yiwakalambulaŋa hakameŋa, anyana kanyikoku ayedi, anyana amwaka wumu hohu, akulambula hefuku hefuku. 39Mwanakamukoku wumu wakahimulambu laŋa habudidi; mwana kamukoku mukwawu wakahimulambu laŋa hamelela; 40mwana kamukoku wumu wakahimulambu i aŋanawuŋa wakusalulula chachiwahi wakweseka muchibalu chamwikumi chachimpaya, namanji akusohola akweseka muchibalu chamu chiwana chanswaha; nivinyu yakweseka muchibalu chamuchiwana chanswaha yahimulambu wakuhuŋununa. 41Mwana kamukoku mukwawu wakahimulambu laŋa hamelela, wakeli neyi chiwelaŋa nabudidi nahimulambu wawuŋana himulambu wawu wakuhuŋununa, kulonda kwipuka ivumba dadiwahi, hihimulambu wakuhimulambu la Yehova nakesi. 42Wakekali kwawu himulambu wakushita wakulambulaŋa mafuku ejima mwamba kavwali kilaŋawu anyanenu, wakulambwila kuchisu chetenti dakubulakena kumesu aYehova; kwenoku nakabulakenaŋa nenu kulonda nakahoshaŋa naneyi. 43Kweno kudiku nakabulakena nawanyana kaIsarela, niitenti dakajilikewa nakulemakwami. 44Nakajilika niitenti dakubulakena nikameŋa; nakajilika niAroni nawanyanindi amayala hamu kulonda akankalakelaŋa mudimu wawupristu.
45Hinakashakama dinu mukachi kawanyana kaIsarela, hinakekala Nzambi yawu. 46Niwena akeluka nawu yami Yehova Nzambi yawu, yami nayifumishili mwituŋa daEjipitu, kulonda nakashakami nawu. Yami Yehova Nzambi yawu.
Currently Selected:
Exoda 29: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
