Exoda 24

1Wamwilili Mosi, nindi, Kandukenu mwinzi kudi Yehova, nineyi, niAroni, niNadabi, niAbihu, niakulumpi awaIsarela makumi atanu namakumi ayedi; mwakadifukwiluku kwakulehi; 2Mosi hohu kankawindi enzi kwakwihi naYehova; wena awakulumpi bayi akenza kwakwihuku; hela antu bayi akakanduka ninduku.

3Mosi wayili, wayilejeli antu mazu aYehova ejima, nimuwuŋaji windi wejima, antu ejima aakwili nezu dawu dimu hohu, nawu, Mazu ejima anahoshi Yehova tukwila.

4Mosi wasonekeli mazu aYehova ejima, wamenekesheli budidi yayeni, watuŋili kameŋa mwishina dampidi, nituposhi ikumi natuyedi, mwomwe kalilawunyi chidi yawaIsarela ikumi nayiyedi. 5Watemesheli anyi kwenziya wanyana kaIsarela, alambwili nyilambu yakushita, amuketwilili Yehova ŋombi janyilambu yakuwunda. 6Mosi wa ambwili mashi hakachi, amakwawu washili mujimbashila, amakwawu wasampwilili kameŋa. 7Wanoneni mukanda wachitiyaŋenu, wawutaŋili kulonda antu awutiyi; elili nawu, Yejima yanahoshiyi Yehova tukwila, tukwovwahila. 8Mosiwanoneni mashi, wayisampwilili antu, nindi, Talenu mashi achitiyaŋenu chana tiyaŋa niyi Yehova nanenu, namazu awa ejima.

9Henohu niMosi, niAroni, niNadabi, niAbihu, niakulumpi jawaIsarela makumi atanu namakumi ayedi akandukili; 10amweni Nzambi yaIsarela; amweni mwishina danyendu yindi mwadiŋi neyi chisesa chakutuŋa namalola asafwira, neyi iwulu dadeni kutooka. 11Hadi atulamba twawanyana kaIsarela hakwatili hoku chikasaku; amweni Nzambi, adiili, anwini.

12Yehova wamwilili Mosi, nindi, Kandukilaku kunu kunidami kumpidi, wushakamuku; nikwinki malola awubasa, ninshimbi, nikuleja kunasoneki, kulonda wuyileji. 13Mosi wanyamukili naYoshuwa kambanji kindi; Mosi wakandukili mumpidi yaNzambi. 14Wayilili awakulumpi nindi, Tusha kamine nuku kunu, nichitukuyi wana; talenu, niAroni niHuri mudinawu; neyi kudi antu akweti nsaŋu ayi kudi wena.

15Mosi wakandukilili hampidi, ivu dabutili mpidi wi-i. 16Kulema kwaYehova kwashakamini hampidi yaSinayi, niivu dayibutili wi-i mafuku atanu nadimu; hefuku damu chitanu nachiyedi muna mwadiŋiyi mukachi kevu wamutambi kili Mosi. 17Kulema kwaYehova kwamwekeni kumesu awanyana kaIsarela hewulu dampidi neyi kesi kanoŋeshaŋa shitu. 18Mosiweŋilili lwe mwivu, wakandukili hampidi; Mosi wadiŋi hampidi mafuku makumi awana ni amwa ana ni awufuku.

Currently Selected:

Exoda 24: MW62

Highlight

Copy

Compare