Exoda 23
23
1Hansaŋu yakutwamba bayi wakakwata hokuku; bayi wakadibombana muntu watama nakwikala chinsahu chaheŋaku. 2Bayi wakalondela mudendu dawantu wakakoŋi chatamaku; bayi wakahoshahela nsaŋu yakwambuka munjila wuyi mukuya antu amavulu, muhoshi muloŋa wakukwatila mafwefuku; 3bayi wakamuhakwilaku kazwe ijina nsaŋu yinduku.
4Neyi wakawana ŋombi yachilumbu cheyi hela chimbulu chindina jimbali, chalala wakamufuntishiliyu cheŋi. 5Neyi wakamona chimbulu chamukwankunyi neyi nadimbuki dehi nachiteli chindi, neyi wunakeŋi kuleka kumukwashaku, chalala wakamukwashuku hohu.
6Kazweŋi keyi bayi wakamukwatila hamuloŋa windi mafwefuku. 7Kunsaŋu yakutwamba ambukakuku kwakulehi; muntu waloŋa, wakadi muloŋa, bayi wakamujahaku; muloŋa ami hinaka muyiŋisha muntuwa tamaku. 8Bayi wakatambula iselekaku, muloŋa iseleka daputish aŋamesu amuntu wamonaŋa, daheŋeshaŋa mazu amuntu waloŋa.
9Bayi wakamukabisha mwenyuku, muloŋa enu muneluki muchimawa mwenyi chiwudi, nanochu chimwadiŋi kwenu enyi mwituŋa daEjipitu.
10Wakadimi ituŋa deyi nyaka yitanu nawumu, wakakuŋulumu yakudya yidumu; 11ilaŋa mwaka wamu chitanu nachiyedi wakadileki dakedili; kulonda atuzweŋi ahadi antaŋa jeyi akadyi kwawu; yakashiyawu wena anyama amumpata akadyi. Itempa deyi danyivinyu niitempa deyi danyi olive wakayili mwomumu.
12Mafuku atanu nadimu wakakalakali nyidimu yeyi, ifuku damu chitanuna chiyedi wakanooki; kulonda niŋombi yeyi nichimbulu cheyi akano okuhu, ni mwana kanduŋu yeyi wamumbanda, ni mwenyi, akatiyihi-i.
13Kuyuma yejima yinayileji shenuku muchima; bayi mwakatenahu majina awakishuku, hela kuyitiyahu mukanwa kenu bayi akayitiyaku.
14Wakandiilili chawija mapampa kasatu hamwaka. 15Wakadyi chawijacha mankendi akadi iluŋi; wakadyi mankendi akadi iluŋi mafuku atanu nayedi, mwomunakulejeli, hohefuku dinakukanini mukakweji kaAbibi, muloŋa diku kakweji ki mwafumini muEjipitu; kwosi muntu wakashi kakumesu ami makasa kasaku; 16nichawija chakudya yakudya yamumaha, yanyikabu yatachi yakunyidimu yeyi, yimwadimaŋa mwiha; nichawija chakwaŋula, hakukumisha mwaka, chiwaka aŋula nyidimu yeyi yejima yamwiha. 17Mapampa kasatu hamwaka, ayeyi amayala ejima akamwekani kumesu aMwanta Yehova.
18Bayi wakalambula mashi achimuna chami hamu nadinkendi dikweti iluŋuku, hela manji akuchawija chami bayi akashakama wufuku wejimanakushika kubudiduku.
19Nyikabu yatachi yamaheyi wakayishi kŋi mwitala daYehova Nzambi yeyi. Bayi wakateleka mwana kampembi mumayeli amama yinduku.
20Tala, ami hinukutemeshela kaŋelu kumbidi kuwukuya, kulonda akakuhembaŋa munjila, akakushikŋi kuna kunakuloŋesheli. 21Mushenu kumuchima, mutiyilili mwizu dindi; bayi mumuvulokaku; muloŋa yena hakayanakena nyiloŋa yenuku; muloŋa ijina dami dekala mudi yena. 22Ilaŋa neyi chalala wakatiyilila mwizu dindi, neyi wakela yejima yinahosha, nakekala chilumbu chawayilumbu jeyi, nakadikaŋa nawakwa kudi kamana neyi.
23Muloŋa kaŋelu kami wakatwaminina kumbidi kuwukuya, wakakushi ki nikudi aAmori, nikudi aHiti, nikudi aPerizi, nikudi aKenani, nikudi aHivi, nikudi aYebusi; ami nakayijilumuna. 24Bayi wakafukamina akishi awuku, hela kuyipeshaku, hela kwila mwelaŋawuku; chiŋa wakayihinuna hamaseki chikupu, nakuchika tuposhi twawu puchi-puchi. 25Mwaka mukalakelaŋa Yehova Nzambi yenu, wakakiswila nkisu nikudyakweyi nimeji eyi; nakafumisha yikatu mukachi kenu. 26Kwosi wakafwisha ivumu hela kwikala nshinta mwituŋa deyuku; nakawanisha mafuku eyi mwanayichindiluwu. 27Nakatemeshaŋahu dehi woma wami kuwakaya, nakakisaŋana antu ejima kuwakaya, nakayila akwankunyi neyiejima akakutalisha nyima jawu. 28Nakatemeshaŋahu dehi mayanvu kuwakaya, diwu akakutemwinamu kuwakaya niaHivi, ni aKenani, niaHiti. 29Hinakakutemwinawu kumesu eyi mumwaka wumu hohu bweŋuku; mukunkulwayi ituŋa dakekala neyi chihembi tuhu, nianyama amumpata akasemununa tuhu nakukuvulila. 30Nakakutemwinawu kumesu eyi chovu chovu, chiŋa wunavuli dehi, hiwakaswana niituŋa. 31Ŋinza yeyi nakakubalwilaya kutachikila kuKaluŋa lwŋi Kachinana yakashika nikukaluŋalwijika waFwilistinu, yakafuma nikwisaŋa, yakashika nikuKaloŋa; muloŋa ashakama mwituŋa denodu nakakwinkawu; wakayitemunumu kuwakaya. 32Bayi wakatiyaŋana nawu chitiyaŋenu hela nawakishi awuku. 33Bayi akashakama mwituŋa deyuku, akenda kakunvulu mwisha; muloŋa neyi eyi wakapesha akishi awu, chakakubalu mukila muhetu wakufwamu eyi aweni.
Currently Selected:
Exoda 23: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
