Exoda 17
17
1Chipompelu chejima chawanyana kaIsarela chendeli mŋila yawu, afumini mwisaŋa daSini, hamateeku awu hamateeku awu, mwomwayileje liyi Yehova, atuŋili chilombu chawu muRefwidimi. Kwadiŋi kwosi meji akunwa antuku. 2Antu amuzuŋi shili Mosi, nawu, Twinki meji kulonda tunwi. Mosi wayili nindi, Mukunzuŋi shiladi? Mukumwese keladi Yehova? 3Antu kwenoku atiyili mpwila yameji; antu amutobeleli Mosi, nawu, Watufumishililidi muEjipitu, walondeli kutujaha ninetu ni anyanetuni yimuna yetu nampwila? 4Mosi wabileleli kudi Yehova, nindi, Awa antunukuyila ŋahi? Keŋa ansoweli malola. 5Yehova wamwilili Mosi, nindi, Hitaku kumbidi yawantu, hitulaku niakulumpi awaIsarela, wusendi muchi kasacheyi nimbwechi yeyi yenoyu weteli nachu kaloŋa, wuyi. 6Tiyaku, ami nukwimana hohana helola daku Horebi kumesu eyi, eyi waketa ilola, mwakedika meji, kulonda antu akanwi. Dichi cheliliyi Mosi kumesu awakulumpi awaIsarela. 7Kwenoku watumbiluku ijina nindi, KuMasa, cheŋi nawa nindi, KuMeriba, nanochu chamuzuŋi shiluwu anyana kaIsarela, nanochu chamwesekeluwu Yehova, nawu, Yehova tudi nindi mukachi ketu, tahindi nehi?
8Henohu dihenjiluwu Amaleki, hiyakulwa nawaIsarela muRefwidimi. 9Mosi wamwilih Yoshuwa, nindi, Tutondenu amayala, wuyi wakalwi naAmaleki; kumadiki ami nakemana hewulu dampidi nambwechi yaNzambi muchikasa chami. 10Dichi Yoshuwa welili mwamulejeliyi Mosi, walwili naAmaleki; aMosi, naAroni, naHuri akandukili hewulu dampidi. 11Chelili cholweliyi Mosi chikasa chindi kwiwulu, aIsarela emikili mushindu, chalepwiliyi chikasa chindi kwishina, Amaleki niwena emikili mushindu. 12Ilaŋa makasa aMosi alemeni; dichi anoneni ilola, amushililidu kwishina, washakaminuhu; Aroni naHuri amukwatilili makasindi kwiwulu, iwumbadiyi, iwu mbadiyi; makasindi akola nikukola nakushika nihaholokeli itaŋwa. 13Yoshuwa wazeyesheh Amaleki niantu indi nawumwe muwampoku yakabali.
14Yehova wamwihli Mosi, nindi, Chumichi chisoneki mumukanda kulonda kwanuka nachu, wumuhitulwilumu Yoshuwa achitiyi; muloŋa ami namba kayijilumuna ji-i chikupu Amaleki mwishina dewulu, hiyambakayanuka nawa cheŋuku. 15Mosi waturiili kameŋa, wakatumbili ijinadaku, nindi, Yehova Nissi, 16muloŋa welili nindi, Yehova nasanyiki dehi, nindi Yehova waka asa njita naAmaleki kunyaka yejima mwamba kavwalikilaŋa wuantu.
Currently Selected:
Exoda 17: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
