Exoda 16
16
1Endeli munjila yawu, afumini kuElimi, chipompelu chawanyana WakaIsarela chejima chashikili kwisaŋa daSini, dekala Elimi iku Sinayiiku, isaŋa hakachi, ashikiluku hefuku dekumi namu chitanu dakakwejika muchiyedi nahafuminuwu mwituŋa daEjipitu. 2Chipompelu chejima chawanyana kaIsarela chayitobeleli aMosi naAroni muna mwisaŋa. 3Anyana kaIsarela ayilili nawu, Mutenowu neyi chikasa chaNzambi chakuminini dakutujaha tuhu muna muEjipitu, hitwashakaminaŋa kumanuŋuambiji, hitwadiilaŋa yakudya nakwikuta; munatuleti munu mwisaŋa kulonda mujahi chipompelu ichi chejima nanzala.
4Yehova hakumwila Mosi, nindi, Tiya, hinukuyinokeshela yakudyamwiwulu, antu akayi nakukuŋula posu yawu yefuku dimu hefuku hefuku, kulonda niyeseki, nitali neyi akenda munshimbi jami tahindi nehi. 5Chakelaifuku damu chitanu nadimu, akaloŋeshi yakaletawu, yakavula kwesekaneyi kayedi namuyakuŋulaŋawu hefuku hefuku. 6Mosi naAroni ayilili anyana kaIsarela ejima nawu, Hamelela mukwiluka nenu Yehova diyiwayi idishili mwituŋa daEjipitu; 7habudidi mwaka monakulemakwa Yehova, muloŋa yena wudi nakutiya chimukutobatoba nakumutobela Yehova. Ochu etu yetu anyi mwaka namututobeletu? 8Mosi welili nindi, Chaka mwekana chakelayi hamelela Yehova hakuyinka mbiji mudyi, habudidi wakayinkayakudya mwakekuti; muloŋa wudi nakutiya chimukutobatoba nakumutobelayena. Ochu etu yetu anyi? Chimwatobatobaŋa ochu himwatutobelaŋetuku, mwamutobelaŋa Yehova.
9Mosi wamwilili Aroni, nindi, Hoshaku nachipompelu chejima chawanyana kaIsarela, neyi, Twayenu kwakwihi kumesu aYehova, muloŋa yena natiyi chimwatobatobaŋa. 10Chelili chahosheliyi Aroni nachipompelu chejima chawanyana kaIsarela, atalili kwisaŋa, amweni komana kulema kwaYehova hikukumwekana mwivu. 11Yehova wahosheli naMosi, 12nindi, Natiyi chakutobatobawu anyana kaIsarela. Hoshaku nawu neyi, Hamelela mukudya mbiji, habudidi mwakekuta yakudya, mwakeluka nenuami yami Yehova Nzambi yenu.
13Chelili hamelela atuŋumbi enjili, ajikili chilombu chejima wi-i; habudidi wirumi wadiŋi heseki kwakwihi nachilombu kwi-ndo. 14Chiwomini wilumi, amweni hewulu damaseki mwisaŋa tuyuma twanyanya twamabuji, kukeha neyi wiiumi wakwata dehi nachishika hamaseki. 15Anyana kaIsarela chachimwenuwu, ahosheli wumu namukwawu, nawu, Hi chumanyi? Muloŋa hiyachilukili kwawuku. Mosi wayilili nindi, Diyi yakudya yanayinkiyi Yehova mudyi. 16Tiya mwanashimuniyi Yehova, nindi, Chiŋa mukuŋuli enu antu ejima mumwadiilaŋa; enu antu ejima mwakayi nonenaŋa antu ekala mumatenti enu, ibaŋu hamuntu, ibaŋu hamuntumwo mukuchindila antu enu. 17Dimu mweliluwu anyana kaIsarela, amakwawu akuŋwili yayivulu, amakwawu akuŋwili yantesha. 18Chayesekeluwune baŋu dawakuŋwili yayivulu hiyaswejeli kuvulaku, yawakuŋwili yantesha hiyakeheluku; antu ejima akuŋwili mwomwadiilila ŋawu. 19Mosiwayilili nindi, Bayi hamwekana muntu akashiyahu yakudya budiduku. 20Hela chochu, hiyamutiyilili Mosuku, ilaŋa amakwawu ashiyiluhu yakudyabudidi, yasemeneni mavunu, yanunkili chatama; Mosi wayizuwilili. 21Akuŋwilaŋa habudidi, habudidi, wejima wawu mwomwadiilila ŋawu; chikwata chikili nkanza hiyikunowa nikunowa.
22Chelili hefuku damu chitanu nadimu akuŋwili yakudya yayivulu, mabaŋu ayedi hamuntu, mabaŋu ayedi hamuntu; atulamba ejima amuchipompelu ayili nakumuleja Mosi. 23Yena wayilili nindi, Tiya mwanahoshiyi Yehova, nindi, Ifuku dakumadiki dakunooka kwakudihudika, hisabata yajila yaYehova; yimukukeŋa kwocha ochenu, yimukukeŋa kuteleka telekenu; yejima yikushalahu mukuyisweka nakuyitenteka yabudidi. 24Ayishiyili kwawu nikubudidi, mwahosheli Mosi; hiyanunkili chatamaku, helamavimu mwadiŋi mwosi. 25Mosi wayilili nindi, Yenoyu yidyenuŋa lelu, muloŋa lelu hisabata yaYehova; lelu himukuyiwana mwisaŋaku. 26Mwakayi kuŋulaŋa mafuku atanu nadimu, ilaŋa ifuku damu chitanu nachiyedi Irisabata, denodu ifuku hiyakekala kwokuku. 27Chelili hefuku damu chi tanuna chiyedi, antu amakwawu ayili nawu akakuŋuli, ilaŋa hiyayimwenuku. 28Yehova wamwilili Mosi, nindi, Mukudikaŋaŋa tuhu nakuleka nimazuami inayilejaŋa, ninshimbi jami, tahindi? 29Talenu, Yehova nayinki dehi sabata, dichi chakuyinkelayi hefuku damu chitanu nachimu yakudyaya mafuku ayedi; shakamenu wejima wenu iwu kwindi, iwu kwindi, bayi hamwekana mvmtu kufuma kwindi hetaŋwa damu chitanu nachiyeduku.
30Nochu antu anookeli hetaŋwa damu chitanu nachiyedi. 31Antu akwivumu daIsarela ateneni ijina dayu nawu Manina; yadiŋineyi mbutu yamasa, yitooka; kuyitompa mukanwa yadiŋi neyi makamba akudya nawuchi. 32Mosi welili nindi, Dichi chanayilejiyi Yehova, nindi, Mwakenzeshi ibaŋu dimu dato-o, nakuyiswekela anyanenu amba kavwalikaŋa, kulonda akamoni yakudya yinayidiishili mwisaŋa, hinayi fumishili mwituŋa daEjipitu. 33Mosi wamwilili Aroni, nindi, Tambulaku inuŋu, wushumu manina ibaŋu dimu dato-o, wuyitenteki kumesu aYehova, kulonda kuyiswekela anyanenu amba kavwalikaŋa. 34Nochu Aroni wayitentekeli kumesu aWunsahu, kulonda kuyisweka mwale jeluwu Mosi kudi Yehova. 35Anyana kaIsarela adiili maninowu nyaka makumi awana nichicha shi kiluwu kwituŋa datuŋawu antu; adiili maninowu nichicha shi kiluwuku ŋinza jetuŋa daKenani. 36Neyi wukwambula chimpaya chimu maseka ikumi, ibaŋu dikweseka mwiseka dimu.
Currently Selected:
Exoda 16: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
