Exoda 18
18
1Dichi dinu kapristu kakuMidiyani Yetero, diyi muku waMosi, watiyiliyejima yeliliyi Nzambi, yamwilililiyi Mosi, yayilililiyi ni antu indi aIsarela, chayifumishiliyi Yehova aIsarela muEjipitu. 2Dichi Yetero, muku waMosi, wasendeli iŋodaMosi Zipora, atweliyi kumukala wawu, 3ni anyanindi amayala ayedi; wumu wukweti ijina dindi Gereshomi, dayamukwila nindi, Nashakami ni mwenyi mwituŋa dambala; 4mukwawuwukweti ijina dindi Eliyezeri, daya mukwila nindi, Nzambi yatata yami diyiwa nkwashili, diyi wampulwishili kumpoku yakabali yaFwaro; 5Yetero, muku waMosi, wamutweleli Mosi ni anyanindi niŋodindi mwisaŋa mwatuŋililiyi chilombu chindi kumpidi yaNzambi. 6Wamwilili Mosi, nindi, Amimuku weyi Yetero nenzi dehi kudeyi, niŋodeyi, ni anyanindi muyayediwawu hamu. 7Mosi wayili nakumukinkilila muku windi, wamufukaminini, wamupwepujoleli; adihujoleli mwashaka minuwu; eŋila nikwijila mwitenti.
8Mosi wamulejeli muku windi yuma yejima yeliliyi Yehova, yamwililiyi Fwaro niyayililiyi aEjipitu hanyijimba yawaIsarela, wamulejeli ni kukabakana kwejima kwamwe nuwu munjila, nichayi pulwishiliyi Yehova. 9Yetero watiyili kuwaha chatiyiliyi kuwaha kwejima kwayi koŋeleliyi Yehova aIsarela, nichayi pulwishiliyi kudi aEjipitu. 10Yetero welili nindi, Kisu kisu Yehova wayipulwishili enu nikudi aEjipitu nikudi Fwaro; wayipulwishili niantu afumi kudi aEjipitu. 11Ichi dinu neluki dehi kwami, nami Yehova diyiwabadika akishi ejima; mwalala hela kuchuma chadinkeluwu nachu wantanawena, yena wayibadikili. 12Yetero muku waMosi, wamukwatilili Nzambi nihimulambu wakushita niyimuna yakumuketwila; niAroni wenjili, niakulumpi awaIsarela ejima, nakudya yakudya namuku waMosi kumesu aNzambi.
13Chelili hakuchaha Mosi washakamini nakusompesha antu; antu chochema nawu kwadiŋiyi Mosi kufumisha kubudidi ndo nikumelela. 14Chamwe niyi muku waMosi yuma yejima yadiŋi nakuyililayi antu, hakuhosha nindi, Awa antu wudi nakuyila ŋahi? Indi eyi washaka minadi kanka weyi hohu, awa antu saŋa emajalilawu kudeyi kufumisha kubudidindo nikumelela? 15Mosi wamwilili muku windi nindi, Muloŋa antu hiyakwi nzenzakudami ehuli mwakuyilejayi Nzambi; 16neyi akweti nsaŋu yawuhiyakwinza kudami; ami hinukusompa muloŋa wamuntu namukwawu, hinukuyilukisha mwaya yidika yaNzambi, ninshimbi jindi. 17Muku waMosi wamwilili nindi, Ichichuma chiwela hichachi wahuku. 18Chalala mwamba kazeyela hamu nineyi niantu awa wekala nawu; chumichi china pandakani muŊovu jeyi; mudimu iwu hiwunatweshi kuwukoŋa kankaweyuku. 19Tiyaku munukuhosha, nikuleji maana, Nzambi wikali nindi; eyi wikali wambala wawantu wakuyiho shelaŋa kudi Nzambi, wushi kŋi ŋansaŋu jawu kudi Nzambi; 20wuyilejaŋa nimuyidika yindi nimunshi mbijindi, nakuyilukisha nimunjila mwakwe ndelawu, nimudimu wakukoŋawu. 21Eyi wambuli mukachi kawantu amayala ashinshika amwakama Nzambi, amayala alala akadi makasu, ahelaŋa kudya yawukombi; wuyikunjiki kwikala anyuli, awa ayuli makombakaji awantu, awa ayuli makulakaji awantu, awa ayuli makumi atanu awantu, awa ayuli makumi awantu; 22wena akasompeshi antu mafuku ejima; nsaŋu jejima jamaneni akajileti kudeyi, ilaŋa nsaŋu jejima janyanya akajisompi awenawu; chochina hichaka kukalila chalalaku, niwena akakukwashaku kusenda chiteli. 23Neyi wakelaŋa chumichi, niNzambi wakakuleja kwila mwenomu, eyi wakabula kukaŋanya, niantu awa ejima akaya chachiwahi kwawu kwakuyawu.
24Dichi Mosi watiyili mwizu damuku windi, welili mwejima mwahosheliyi. 25Mudi aIsarela ejima Mosi watondelumu amayala ashinshika, wayikunjikili ekali awakulumpi jawantu, awa ayuli makombakaji awantu, awa ayuli makulakaji awantu, awa ayuli makumi atanu awantu, awa ayuli makumi awantu. 26Asompeshelaŋa antu mafuku ejima; nsaŋu jakala akishi kŋilikudi Mosi, nsaŋu janyanya jejima ajisompeli awenawu. 27Mosi wetŋili muku windi kuya; niyena wadiyilili cheŋi mwituŋa dindi mwafumi niyi.
Currently Selected:
Exoda 18: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
