Exoda 15
15
1Henohu Mosi nianyana kaIsarela amwimbilili Yehova kamina, nawu, Nukumwimbila Yehova kamina, muloŋa yena nemiki mushindu wakubadika; nituwalu niakwakwendahu nayumbili mukaluŋalwiji.
2Yehova diyi Ŋovu yami, diyi kamina kami, neli dehi wamwinu wami; diyi Nzambi yami, nukumuhameka; diyi Nzambi yatata yami, nukumutúumbakesha.
3Yehova himukwanjita, ijina dindi diyi Yehova.
4Makalu aFwaro ninjita yindi nayumbili mukaluŋalwiji; awakulumpi indi akutonda anajimini muKaluŋalwiji Kachinana.
5Manyiŋi anayibuti wi-i; anekamini nikwishina neyi ilola.
6Chikasa cheyi chachidiilu, eyi Yehova, chinabadiki Ŋovu, chinayi nimpuhu; chikasa cheyi chachidiilu, eyi Yehova, chinamu chi kichilumbu puchi puchi.
7Chiwasweja kulema wuna yidi mbwishi hamaseki ana akudikaŋa naneyi; hiwukutemeshaku ndombu yeyi, hiyi kuya nakuyocha bwi neyi matahu mumulala.
8Chiwapepa mumazulu eyi, meji alumbama nihamu uwi, tuŋa twimana ni kwimana kwiwulu uwi, nimanyiŋi adikwata nikudikwata mbemukachi kakaluŋalwiji.
9Chilumbu welili nindi, Nukuyihapa, nukuyikwata, tukwanjana yumayakupuŋa kunjita; hadi wena nakekutilahu mbe; nukuhola mpokuyami yakabali, chikasa chami chi kuyijilisha.
10Eyi wapepeli nampepela yeyi, kalupalwŋi kayibuta nikuyibuta, ajiminani kujimina neyi nsumbu mumeji amaneni.
11Eyi Yehova, hadi amaneni hadinyi wadifwana naneyi? Hadi wakweseka naneyi tahindi? Eyi waya mpuhu nakujila kweyi, eyi azaalaŋawu woma nakukushimeka, eyi welapa yuma yakuhayamisha.
12Wolweli chikasa cheyi chachidiilu, niiseki diyiminya nikuyiminya.
13Wunayilomboli antu iwakúulili naluwi lweyi; wunayilomboli naŋovu yeyi nakuyitwala kweyi kwakushakama kwajila.
14Nyuza yawantu anachitiyi, hiyakuza ala niwoma, chinayikatishi kumuchima ashakama muFwilistiya.
15Atulamba amuEdomi ahayamini; ayilobu amuMowabi azaala nikuzaala; antu ejima ashakama muKenani nyichima yawu mumavumu puchi.
16Hiyakutiya woma, hiyakwakama nankashi; chikasa cheyi chinasweji, dichi chanamwenenuwu neyi chikwelola zo-o, niantu ambala hiyakuzambukani kuzambuka, eyi Yehova, antu eyi walandili hiyakuzambukani kuzambuka.
17Wakayi shi kiŋamu, wakayitumba mumpidi yeyi yawuswana, mwomuwelili, eyi Yehova mwakushakama eyi, mwomumalala eyi muwaloŋeshelinamakaseyi, eyi Yehova.
18Yehova wakekalaŋa mwanta haya nyaka nanyaka.
19Muloŋa tuwalu twa Fwaro, namakálu indi, nawantu indi akwenda hatuwalu akunkumukili mukaluŋalwiji, niYehova wafuntishili cheŋi meji akaluŋa lwŋi hadi wena, hakwinza anyana kaIsarela kwawu endeli hamaseki awuma hakachi kakaluŋalwiji.
20Kaprofwetu wamu mbanda Miriyami, diyi muhelaAroni, watambwili ndimba muchikasa chindi, niambanda ejima amulondeli munyima nandimbana kuhaŋana. 21Miriyami wayitumbulwilili nindi, Mwimbilenu Yehova, nemiki mushindu wakubadika; nituwalu niakwakwendahu nayumbili mukaluŋa lwŋi.
22Mosi wayendesheli aIsarela munjila yawu, afumini kuKaluŋa lwŋi Kachinana, ayili mwisaŋa daShuri, endeli mafuku asatu mwisaŋa, hiyamweni mejuku. 23Chashikiluwu kuMara akaŋenyi kunwa meji akuMara, muloŋa adiŋi alula. Kwenoku atumbiluku ijina nawu kuMara. 24Antu amutobeleli Mosi, nawu, Tukunwadi? 25Yena hakubilela kudi Yehova, Yehova wamulejeli mutondu, wawutumbili mumeji, meji abalumukili amawahi.
Kwenoku wayililili nichidika nichila, oku nawa wayesekeli, 26nindi, Neyi wukutiyilila chalala izu daYehova Nzambi yeyi, neyi wukwila chaloŋa kumesu indi, nakutiya mazu akakulejayi, nakuhemba yidika yindi yejima, hinakakushila nyisoŋu yinashilili aEjipituku, muloŋa ami yami Yehova mukwakukuuka.
27Ashikili kuElimi kwadiŋi tuseloki ikumi natuyedi ninyikoma makumi atanu namakumi ayedi. Atuŋiluku chilombu chawu kumeji ana.
Currently Selected:
Exoda 15: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
