Exoda 14
14
1Yehova wahosheli naMosi, 2nindi, Hoshaku nawanyana kaIsarela, neyi abalumuki ateeki kwomba mesu naPihahiroti, hakachi kaMiŋidoli nakaluŋalwiji, kwomba mesu naBayali Zefwoni; mukuteekakwakwihi nakaluŋa lwŋi kwomba mesu kwokuBayali Zefwoni. 3Fwarowukwila nindi anyana kaIsarela anajimbeli mwituŋa, nindi anakaŋanyi kwakuhita nesapa diduku. 4Ninami nukumuchinchikisha Fwaro muchimawindi, wukuyihapa nindi ayikwati, ninami nakatiyakana mpuhu hansaŋu yaFwaro nanjita yindi yejima; aEjipitu akeluka nawu ami yami Yehova. Dichi cheliluwu.
5Amulejeli mwanta waEjipitu nawu antu ana anatemuki, nimuchima waFwaro ninyichima yawambuŋindi yabalumukili cheŋi hansaŋu yawantu ana, elili nawu, Tuneli ŋahi? Tunayileki dehi aIsarela ayi kwawu abuli kutukalakela. 6Waloŋesheli ikalu dindi, wayili nawantu indi; 7wayilinamakálu akusakula makulakaji atanu nadimu, nimakálu ejima amuEjipitu, niakulumpi jawu akuyitala wejima wawu. 8Yehova wachinchikishili muchima waFwaro, mwanta waEjipitu, wayiliaŋili anyana kaIsarela nindi ayikwati, muŋa anyana kaIsarela afuminumu naŋovu hohu. 9AEjipitu ayihaŋili, nituwalu twaFwaro twejima nimakálu indi ejima, niantu indiakwakwenda hatuwalu ninjita yindi, ayiweni anateeki dehi kukaluŋalwiji, kwakwihi naPihahiroti, kwomba mesu naBayali Zefwoni.
10Cheliliyi Fwaro hakuya nakukundama kwakwihi, anyana kaIsarela afumbwili mesu awu, amweni aEjipitu akuyilondela awa; atiyili womawaweni; anyana kaIsarela abileleli kudi Yehova. 11Amwilili Mosi, nawu, Muloŋa chimwabula majamu muEjipitu, dichi chiwatufumishilamu kulondatufwili munu mwisaŋa, tahindi? Chiwunatwili chenichi, chiwunatufumishi muEjipitu, wunalondidi? 12Hidimu twakuhosheli muEjipitu chitwakwilili netu tuleki kulonda tuyikalakeli aEjipituku? Muloŋa kuyi kalakela aEjipitu hichachiwahi tuhu, indi tufwili munu mwisapa? 13Mosiwayilili antu ana, nindi, Bayi mutiyaŋa womaku, imanenu zo mumoniwa mwinu waYehova wakayikoŋelayi lelu; muloŋa aEjipitu awa munamonilelu himwamba kayimona nawa cheŋi haya nyakaku. 14Yehova diyiwukuyilwila, enu mukukumina dakumwena kwenu zo.
15Yehova wamwilili Mosi, nindi, Wukubileladi kudami? Hoshaku kudianyana kaIsarela neyi, Yenu kumbidi. 16Nineyi wakanyamuni mbwechiyeyi wakololi chikasa cheyi hewulu dakaluŋalwiji, wakakabaluli hakachi. Anyana kaIsarela akaya mukachi kakaluŋalwiji nakwenda heseki dawuma. 17Tiya, ninami nakachinchikisha nyichima yawaEjipitu akayilondelamu, nakaditiyakesha mpuhu nansaŋu yaFwaro, nanjita yindi yejima, namakálu indi, nawantu indi akwenda hatuwalu. 18Chinaka ditiyakesha mpuhunansaŋu yaFwaro, namakálu indi, nawantu indi akwenda hatuwalu, aEjipitu akeluka nawu ami yami Yehova.
19Kaŋelu kaNzambi, katwaminini kumbidi yachilombu chawaIsarela, kafuminuku, kahitili kunyima yawu; chishimi chevu chafumini kuchadiŋi kumesu awu, chayili nakwimana kunyima yawu. 20Chayili hakachi kachilombu chawaEjipitu nachilombu chawaIsarela; mutamba wumukwadiŋi niivu nimwidima, ilaŋa mutamba wukwawu datoŋekeli nawufuku; awa adiŋi mutamba wumu akaŋenyi kuya kwakwihi nawakwawu wufukuwejima.
21Mosi wolweli chikasa chindi hewulu dakaluŋalwiji; Yehova wafuntishili kaluŋalwiji hanyima nampepela yaŋovu yakumusela wufuku wunawejima, womishili kaluŋalwiji hikukwi kala maseki awuma, meji aambukili nikwambuka. 22Anyana kaIsarela ayili mukachi kakaluŋalwiji nakwenda hamaseki awuma; meji ayimweni himbaŋu nihachikasa chawu chachidiilu, nihachikasa chawu chachimunswa. 23AEjipitu ayihapili, ayilondeleli mukachi kakaluŋalwiji, nituwalu twaFwaro twejima, nimakálu indi, ni antu indi akwenda hatuwalu. 24Chelili, chikwachili to-o, Yehova wahanwi shili mesu hachishimi chakesi nichevu, watalili njita yawaEjipitu, wakabakeshelinjita yawaEjipitu. 25Wayi zokweleli tufumbu twakumakálu awu, hiyakukaba kananakuyendesha; aEjipitu hiyakuhosha nawu, Tuyitemukenu aIsarela, muloŋa Yehova hakuyilwila, hakulwisha nawaEjipitu.
26Yehova wamwilili Mosi, nindi, Ololaku chikasa cheyi hewulu dakaluŋalwiji kulonda meji afunti cheŋi hadi aEjipitu, nihamakálu awu, nihadiantu awu akwenda hatuwalu. 27Mosi wolweli chikasa chindi hewulu dakaluŋalwiji; chikwachili budidi kaluŋalwiji kafuntili cheŋi mwadiŋiyi muŋovu yindi; aEjipitu akatemukili; Yehova wayiluku mwini aEjipitu mukachi kakaluŋa lwŋi. 28Meji afuntili cheŋi, nimakálu, ni akwakwendaha tuwalu, njita yaFwaro yejima yayilondeleli mukaluŋalwiji, meji ayibutiliwi-i; hikwasheli hoku muntu niwumuku. 29Ilaŋa nyana kaIsarela kwawu endeli hamaseki awuma hakachi kakaluŋa lwŋi; meji ayimweni himbaŋu nihachikasa chawu chachidiilu nihachikasa chawu chachimunswa.
30Denodu ifuku Yehova wayamwinini aIsarela kudi aEjipitu; aIsarela ayimweni aEjipitu afwa dehi hachi kumu chakaluŋalwiji. 31AIsarela amweni Ŋovu yeneni yamwekesheliyi Yehova hadi aEjipitu; antu ana amutiyili Yehova woma, amwitiyili Yehova nakambu ŋindi Mosi.
Currently Selected:
Exoda 14: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
