Exoda 13
13
1Yehova wahosheli naMosi, 2nindi, Njilikili awedi ejima, wowuahadi anyana kaIsarela akusambila kuvwalika mumavumu awama majawu, hela hadi antu, hela hadi anyama, amami hohu.
3Mosi wayilili antu, nindi, Mwaka anukaŋa ifuku dalelu dimwafumini muEjipitu mwitala dawuduŋu; muloŋa Yehova wayifumishili mwena mununa Ŋovu yakuchikasa chindi, bayi akadya hoku mankendi akweti yiluŋuku. 4Itaŋwa dalelu mukakweji kaAbibi himukufu mamu. 5Chakela chamba kakushikiyi Yehova mwituŋa dawaKenani, nidawaHiti, nidawaAmori, nidawaHivi, nidawa Yebusi, dayi sanyi kililiyi ankakulula jenu nindi nakayinkadu, ituŋa dalumbama mayeli nawuchi, wakela mudimu weniwuhakakweji aka. 6Wakadyaŋa mankendi akadi iluŋi mafuku atanu nayedi, hefuku damu chitanu nachiyedi hakekali chawija chaYehova. 7Mankendi akadi iluŋi akayidyaŋa mafuku atanu nayedi, bayi akakumona namankendi akweti iluŋuku, hela iluŋi yayeni bayi akakumona nayu mwakuma ŋinza jejima jetuŋa deyuku. 8Wakamuleji mwaneyi hefuku denodu, neyi, Nanochu chaŋililiyi Yehova hinafumini muEjipitu. 9Chakekali chinjikijilu cheyi hachikasa cheyi, chakekali chuma chakwanukisha nachu nihaka chi kamesu eyi, kulonda nshimbi jaYehova jakekali mukanwa keyi, muloŋa Yehova wakufumishili muEjipitu nachikasa chaŋovu. 10Dichi wakahembi chidika ichi hachila aka chochu hamwaka hamwaka.
11Chakela chamba kakushikiyi mwituŋa dawaKenani, mwomwakusa nyi kililiyi, mwomwayisa nyi kililiyi niankakulula jeyi, chakakwinkayi ituŋodu, 12eyi wakamwambwili Yehova anyana ejima akusambila kuvwalika mumavumu awamama jawu, nianyana kawanyama ejima akusambilakuvwalika; amayala akekali ambala aYehova. 13Anyana awedi awayimbulu ejima wakayikúuli namwana kamukoku hela namwana kampembi; neyiwakabula kuyikúula wakayikotoli nshiŋu. Hadi anyaneyi amayala anyana awedi awantu ejima wakayi kúuh hohu. 14Chakela hamwaka wakenza chamba kakwihulayi mwaneyi, nindi, Ichi hichumanyi? eyi wakamwilineyi, Yehova watufumishili muEjipitu, mwitala dawuduŋu, naŋovu yakuchika sachindi; 15cheliliyi neyi Fwaro hakeŋeli kutulekaku, Yehova wajahili anyana awedi ejima amwituŋa daEjipitu, nianyana awedi awantu, nianyana awedi awanyama; dichi chinamuke twilaŋa Yehova anyana amayala ejima asambilaŋa kuvwalika mumavumu awamama jawu; ilaŋa anyanami awedi amayala ejima nayikuula ŋa. 16Chakekali chinjikijilu cheyi hachika sacheyi, chakekali yuma yakuvwala nihakachi kamesu eyi; nanochu chatufumishiliyi Yehova muEjipitu naŋovu yakuchikasa chindi.
17Cheliliyi Fwaro hakuyileka antu ayi, Nzambi hayilombweli njilayamwituŋa dawaFwilistinuku, kutoŋa diyi yadiŋi yayihi; muloŋa Nzambi welili nindi, Antu akenza kabalumuka mumuchima chamba kamonawu njita, akenza kafunta cheŋi kuEjipitu. 18Ilaŋa Nzambi wayinyeŋu mwishili antunjila yesapa daKaluŋalwiji Kachinana; anyana kaIsarela afumini mwituŋa daEjipitu nakwenda munyisululu. 19Mosi wasendeli mafwaha aYosefu, muloŋa yena wayisanyikishili naŋovu anyana kaIsarela, welili nindi, Chalala Nzambi wamba kenza nakuyitala, ninenu mwaka fumishi mafwahami kunu, mwakayi nawu. 20Anyamukili kuSukoti, ayili nakukamina kuEtami, kwakumina isaŋa. 21Yehova watwa mininuku kumbidi yawu muchishimi chevu namwa ana, kulonda kuyilombola njila, muchishimi chakesi nawufuku, kulonda kuyitoŋekela, kulonda atweshi kwenda hela namwa ana hela nawufuku; 22hela chishimi chevu namwa ana, hela chishimi chakesi nawufuku, ashichafumini kwadi ŋuwu antu ambalaku.
Currently Selected:
Exoda 13: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
