Exoda 12
12
1Yehova wahosheli naMosi naAroni mwituŋa daEjipitu, 2nindi, Kakweji aka kudenu kakekalaŋa kakweji kakusambila hatukweji twejima; kakekalaŋa kakweji kokakutachika nachu mwaka wenu. 3Hoshenuna chipompelu chawaIsarela chejima, nenu, Hefuku damwikumi dakakwejikanu amayala ejima akakwati iwu mwana kamukoku, iwu mwana kamukoku, mwahita matala awatata jawu, mwana kamukoku hetala, mwana kamukokuhetala. 4Neyi akwetala dimu akakeha, kushikila mukudya mwana kamukokunehi, mukwetala akabombi mwana kamukoku wumu namukwawuwukweti itala dadikuma nayena, akeseki mwaka chindi lawu antu; mwakeseki mwadi ilaŋawu antu ejima kulonda mwaka chindi mwakadi ilawu mwana kamukoku. 5Mwana kamukoku wenu chiŋa wakabula hatamayi, weyalawamwaka wakusambila; mwakamukwati hela hadi anyikoku hela hadi ampembi; 6mwakamuhembi ho-o, nimwifuku dekumi nakawana dakakweji kokamu; antu ejima amuchipompelu chawaIsarela akamujahi namelela. 7Akanoni mashi, akasampwili kuyipamba yakuchisu yamumbadi Kulotuyiyedi, nihachipamba chahewulu, kumatala kumwa kamudiila. 8Mbŋi akayidyi nawufuku wowenowu, yakutunjika kukesi, akayidyi namankendi akadi iluŋi i akayidyi namafu alula nawa. 9Bayi mwakayidya yayisu, helayakuteleka namejuku, chiŋa yakutunjika kukesi hohu; ninamutu windi, niyidi yindi, niyamwivumu dindi. 10Bayi mwakayishiyahu yakashika nikubudiduku, kwinza yakashalahu yakashika nikubudidi chiŋa mwakayochimukesi bwi chikupu. 11Tiya mumwaka mudiila; mwakadyi iku mwapimpila dehi mahinenu, mwavwala dehi nkwabilu kunyendu yenu, mwakwata dehi ninyitondu yenu kumakasa; mwakadyi chalufuchi hohu; hipaseka yaYehova. 12Muloŋa ami nakahita mwituŋa daEjipitu wufuku wowenowu, nakatapa anyana awedi ejima mwituŋa daEjipitu, ni awantu, ni awanyama; nakasompesha nakubabesha akishi ejima amuEjipitu; yami Yehova. 13Mashi akekali chinjikijilu chenu hamatalenu imwakekala; chinaka monamashi nakawutama hadenu, china kababesha ituŋa daEjipitu, hadenuhihakekala chipupu chakuyijilumunaku.
14Ifuku denodu dakekali ifuku denu dakwanukisha nachu, mwakadihe mbaŋa nakudi ilamu chawija chaYehova; chanyaka yejima mwamba kavwali kila ŋawu anyanenu, akadihembi dakudiilamu chawija chachidika chahaya nyaka. 15Mwakadyaŋa mankendi akadi iluŋi mafuku atanu nayedi; hefuku dakusambila mwakafumishi iluŋi mumatalenu; yowumuntu wakadya dinkendi dikweti iluŋi kufumisha hefuku dakusambila nakushi kŋi kwifuku damu chitanu nachiyedi, yena muntu owu akamufu mishimudi aIsarela. 16Ifuku dakusambila dakekali ifuku denu dakupompa kwajila, nidamu chitanu nachiyedi dakekali dakupompa kwajila; hiyakakoŋela mwoku mudimu hela wanka hela wantaku, enu kukoŋamudimu chiŋa wakudya kwenu wejima wenu. 17Mwaka anukaŋa chachiwahi ifuku dachawija chamankendi akadi iluŋi; muloŋa denodu ifuku didunafumishili mazaza awantu enu ejima mwituŋa daEjipitu; dichi mwaka anukaŋa chachiwahi ifuku denodu kunyaka yejima yamba kavwali kila ŋawu anyanenu, hichidika chahaya nyaka. 18Hakakweji kakusambila, hefukuda kakweji dekumi nakawana hamelela, mwakadyi mankendi akadi iluŋi, mwakayidyaŋa hohu nakushi kŋi kwifuku dakakweji damakumi ayedi nakamu, hamelela. 19Mafuku atanu nayedi himwaka mwekanaŋa iluŋimu matalenuku; yenowu muntu wakadya yikweti iluŋi, akamu fumishimu chipompelu chawaIsarela, hela himwenyi hela himukwa kuvwalika mwituŋa. 20Bayi mwakadyahu chuma chi kweti luŋuku; mumatalenuejima mwakadyaŋa mankendi akadi iluŋi hohu.
21Mosi watambikili awakulumpi ejima awaIsarela, wayilili nindi, Yenumwa kakwati anyana kanyikoku mwomweseka yisaka yenu, mwakajahipaseka. 22Mwakanoni chiputa chanamutuntamu, mwakachi iŋŋi mumashiadi mumbashila, mwakasampwili nihachipamba chahewulu dachisu, nikuyipamba yamumbadi yiyedi yachisu, namashi adi mumbashila; wejimawenu bayi mwakedika muchisu chetala denu nakwidika hanzuku, chiŋa kunachi dehi. 23Muloŋa Yehova wakahita mwituŋa nakutapa aEjipitu; chaka monayi mashi nihachipamba chahewulu, nihayipamba yamumbadi, Yehova wakawutama hachisu, hakamwitŋa mukwakujila muna kwijila mu matalenu ayitapuku. 24Chumichi mwakachihembaŋa chakekali chidika chenu nichawa nyanenu haya nyaka. 25Chakela, chimwakashika kwituŋa dakayinkayi Yehova mwomwayikaniniyi, mwakeli mudimu weniwu. 26Chakela chakayilawu anyanenu nawu, Indi chimukwila mudimu iwumunatwali mudihi? 27enu kwenu mwakeh nenu, Tukuketula chimuna chapaseka yaYehova, wawutaminini hamatala awanyana kaIsarela muEjipitu, hatapiliyi aEjipitu, hapulwishiliyi mataletu. Antu anoŋamini nyitu yawu, nakudifukula. 28Anyana kaIsarela ayili, elili mwomwenomu mwalejeliyi Yehova aMosi naAroni, mwomweliluwu.
29Chelili hakachi kawufuku Yehova watapili anyana awedi ejima amwituŋa daEjipitu, kufumisha hadi wedi waFwaro washakamini hetanda dindi dawanta, anamutuukishi ndo nikudi wedi wankoli wadiŋi mwitala damuwina; niawedi ejima awayimuna.
30Fwaro wahindukili nawufuku, niyena, ni ambuŋindi ejima, ni aEjipitu ejima; muEjipitu mwavwakukili makumbu aweni akudila; hikwadiŋi italanidimu dákubula mafuku. 31Watambikili Mosi naAroni nawufuku, wayilili nindi, Nyamukenu, yenuŋa mufumi mukachi kawantu ami, ninenunianyana kaIsarela; yenuŋa mwakamukalakeli Yehova mwomumunahoshi. 32Sendenu niyimuna yenu ni aŋombi jenu mwomumunahoshi, mudiyili; munkiswili nkisu ninami nawa.
33AEjipitu ayishinjilili antu chakuyishinjila, nawu afumi swayi swayi mwituŋa dawu; muloŋa elili nawu, Wejima wetu tunafu dehi. 34Antu asendeli wuŋa wawu namankendi saŋa awufuŋilawu wachidipi kandawunani nikunanaku, asendeli nimbashila jawu jakufuŋila mankendi hamafwiji awu jakukasila mumahinawu akuvwala. 35Anyana kaIsarela elilimwizu daMosi, ayilombeli aEjipitu niyuma yalema yasiliva, niyuma yalemayawuru, niyuma yakuvwala; 36Yehova wayi kwashiluku antu, ayitiyilikuwaha kudi aEjipitu, ayinka nikuyinka yalombeluwu. Ayibuwili aEjipitu.
37Anyana kaIsarela anyamukili kuRamesesa nakuya nikuSukoti, adiŋi nakwenda heseki amayala neyi kwiji makombakaji makulakaji atanu nadimu, kubombelaku nianyana. 38Kwadiŋi niluntu lwalweni lwawantu acheŋi adibomba niacheŋi niacheŋi; ni ayimuna anyanya ni aŋombi, anyama amavulu nankashi. 39Wuŋa wawu wafumishiluwu muEjipitu ocheli mankendi ákubula kumanisha neluŋi, muloŋa wuŋa hiwananinuku; muŋa muEjipitu ayiidishilumu naŋovu hohu, hiyamweni hakulabilaku, hiyatwesheli helakudiloŋeshela yakudyaku. 40Nyaka yashakaminuwu anyana kaIsarela muEjipitu yashi kili munyakama kulakaji awana nanyaka makumi asatu. 41Chelili chiyakumini nyakama kulakaji awana nanyaka makumi asatu, hohefuku dadeni diyakumininyaka yina, mazaza aYehova ejima afumini mwituŋa daEjipitu. 42Hiwu fukuwakushaku muchima nankashi wakwanu kilamu Yehova, chayifumi shiluwu mwituŋa daEjipitu; diwu wufuku waYehova akawushaŋa kumu chimakudi anyana kaIsarela ejima mwamba kavwali kila ŋawu.
43Yehova wayilili Mosi naAroni, nindi, Tiyenu mwaya chidika chapaseka; kwosi muntu wakwacheŋi wakayidyaku; 44ilaŋa ntahi anduŋu jawu, antu ejima akulanda namali, neyi munayalamishi dehi, akadyi tuhu. 45Helamuntu wenza nakushakama hohu, hela ŋamba wakukwata kumudimu, hakadya hokuku. 46Akayidiili mwitala dimu hohu, bayi akafumishuhu mbiji mwitala nakuyitwala hanzuku; bayi mwakakotola hoku ifwahaku. 47Chipompelu chejima chawaIsarela akayidyi.
48Neyi muntu wakwacheŋi wakashakama neyi, neyi yena nakeŋi kudyapaseka yaYehova, chiŋa aka alamisha ayindi ejima amayala, neyi chochina, wakamwiteja kuya kwakwihi nakuyidya; wakekali neyi wakuvwalika mwituŋa; ilaŋa bayi chidima akadya hokuku. 49Akekali nalushi mbilwawu lumu hohu, nimwenimbu ni mwenyi wenza nakushakama nenu.
50Dimu mweliluwu anyana kaIsarela ejima; mwomwaleje liyi Yehova aMosi naAroni dimu mweliluwu. 51Chelili ifuku dodenodu Yehova wayi fumishili anyana kaIsarela mwituŋa daEjipitu hanyikanka hanyikanka.
Currently Selected:
Exoda 12: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
