Exoda 1
1
1Tiyenu majina awanyana amayala aIsarela ayili muEjipitu, wowuama yala ejima ayili naYakoba, nawaŋodi jawu nawanyanawu; 2Rubeni, Simeyona, Levi, niYuda; 3Isakari, Zebuluni niBenjamini; 4Dani, niNafwatali; Gadi niAsheri. 5Antu ejima afumini munkuma yaYakoba adiŋi makumi atanu nayedi, henohu Yosefu wadiŋi muEjipitu. 6Yosefu wafwili, afwili niana kwindi ejima, ni akwawu ejima avwalikiluwu nawu. 7Anyana kaIsarela asemunwini, avulili nankashi, aswejeli hama, abadikili nankashi Ŋovu; mwituŋa mwenzeli diwu hohu.
8Mwanta mwiha, wabulili kumwiluka Yosefu, wadiili wanta wakuEjipitu. 9Yena wahosheli nawantu indi, nindi, Tiyenu dinu, awa antu anyana kaIsarela anatubadiki dehi nikuvula niŋovu, 10tuyi kwatilenu maana, akenza kuvula, chakamba kela neyi kwakamba kenza njita, akamba kadibomba nawayilumbu jetu, akamba katwasa, hiyakadinyamukila mwituŋa. 11Dichi ayishilili atupita kulonda kuyi kabisha nayiteli yawu. Anamutuŋilili Fwaro nyikala yamaneni yakuswekela yuma, owu Pitomi, owu Rayamesesa. 12Chaswejeluwu kuyi kabisha hiyakusweja nikuvula, hiyakwambokanyi kala nanyi kala. Atiyili chikela chawanyana kaIsarela. 13AEjipitu ayi kalakesheli anyana kaIsarela naŋovu, 14ayi mwesheli kalulananyi dimu yakala, niyakucha aka maseki, niyamatafwali, nanyidimu yejima yamumaha yeŋi nayepi; nyidimu yawu yejima yayi kalakesheluwu ayi kalakeshelina Ŋovu hohu.
15Mwanta wakuEjipitu wahosheli nawankoŋu awaHeberu, wumu ijina dindi Shifwira, mukwawu ijina dindi Puwa. 16Wayilili nindi, Chimu kuyi kalakela ambanda awaHeberu mudimu wawukoŋu, chimu kuyi mona anachiŋami dehi, neyi kukuvwalika mwana weyala mukumujaha, neyi himwana wamumbanda wukuhanda. 17Ilaŋa nkoŋuamutiyili Nzambi woma, hiyelili mwayilejeliyi mwanta wawaEjipituku, ayihandishili anyana amayala.
18Mwanta wakuEjipitu wayitambikili ankoŋu, wayilili nindi, Chimuneli chumichi, chimunahandishi anyana amayala, munalondidi? 19Ankoŋu amwilili Fwaro, nawu, Ambanda awaHeberu hiyadi neyi ambanda awaEjipituku, wena asweja Ŋovu, elaŋa nitoŋu wuchidi kanda ashikuku mwaka avwala dehi. 20Nzambi wayilili ankoŋu chachiwahi; antu asemunwini, aswejeli Ŋovu. 21Nzambi wayituŋashili owu ankoŋu nyikala nano chucha mutiyiluwu woma. 22Fwaro wayiliosheli antu indi ejima, nindi, Anyana amayala ejima akuvwalika chiŋa muyinatila mukaloŋa, anyana awambanda ejima mukuyihandisha.
Currently Selected:
Exoda 1: MW62
Highlight
Copy
Compare
Share
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.
