Hose'a 6
6
1Oon bi'a:
En bittee to Joomiraawo.
Kanko nun fiyi en faa nawni en,
amma o nyawtan en.
Kanko nun nawni en,
amma o lootan ɓuuwe men.
2E horii seɗɗa gom go o acca buuren.
E horii seɗɗa gom go o yanɗitina en,
den ummoɗen daroɗen yeeso makko e yonki.
3Accee anniten no o laati nun Alla.
En tinnee annen mo.
Hande no tabbitinirten no naaŋe fuɗan, non non haani tabbitiniren no o waran.
O waran to men hande diyam arandejam.
O waran to men hande no diyam cakitiiɗam soofinirta leydi.
4Joomiraawo toontoto on wi'a:
Ume nun gaɗananmi on onon himɓe lenyol Efurayimu?
Ume nun gaɗananmi on onon himɓe lenyol Yahuuda?
Yidde ne jiɗuɗon am nandu nun hande ɓalinde ne subaka.
Nee nandi hande cammam fajiri jawtoojam ɗon maa ɗon.
5Gam mum, mi accan *annabiiɓe am wara bata on no mi hiitoto on.
Min e hoore am, mii bata on no mi waran on.
Kiita ka kiitotoomi on hollitinto hande jayŋol.
6Yiɗugo am e ɓerne woore nun jiɗumi, kiiseteeɗi bane jiɗumi.
Annitingo no min woni Alla e ɓuranimmi wuuɗango am buuɗeteeɗi.
Kalluɗum ɗum himɓe Isira'iila waɗi
7On pirtii alkawal am hande no Aadamu waɗiri ɗum.
On jammake am.
8Wanŋarde Galaadi laati nun wanŋarde to himɓe waɗata ko halli.
Ɓe kebbinii ƴiiƴam waraaɓe der mayre.
9Kawtal *liimaamiiɓe e wara himɓe der laawol Sikemu.
Ɓee nandi hande pasotooɓe himɓe der laawol.
Ko ɓe gaɗata ɗon e sentinii.
10Mi yi'ii ko sentinii der leydi Isira'iila.
Ɗon nun himɓe lenyol Efurayimu yanti e waɗa jeenu.
Ɗon nun himɓe Isira'iila soɓini ko'e mum gam sabbu jeenu.
11Onon himɓe lenyol Yahuuda,
onon bo on duggan ko aawuɗon wakkati desumi moƴƴingo goonki himɓe am.
Currently Selected:
Hose'a 6: BFB
Highlight
Share
Copy
Want to have your highlights saved across all your devices? Sign up or sign in
Bible Fulfulde Bénin © SIM International 2015, 2024.
