SAAMUNƆ 27
27
Diin ma gupuraa ũ
Dauda lɛ̀.
1Diin ma gupuraa ũ kↄ̃n ma mìsirio,
dén mɛ́ vĩa kɛnɛ?
Diin ma utɛkii ũ,
dé vĩa bé eé ma kũu?
2Tó gbɛ̃ zaaanↄ lɛ̀ɛma lɛ wà ma kɛ gyáigyai
ke tó ma ibɛɛnↄ kↄ̃n ma zangurinↄ fɛ̀ɛmazi,
aↄ̃é gɛ̃̀n sí wà lɛ́ɛ.
3Baa tó zĩ̀karinↄ lìgamazi,
ma kù é vĩro,
baa tó gbɛ̃nↄ fɛ̀ɛmazi kↄ̃n zĩ̀o,
ma làakari égↄ̃ kpaɛnamɛ.
4Yã mɛ̀n don mɛ́ɛ gbekaa Diia,
yã pìn mɛ́ɛ wɛtɛɛ maamaa.
Má yezi màgↄ̃ kú Dii ua ai ma wɛ̃̀ndi lɛ́n,
lɛ màgↄ̃ à wɛ́ɛ wɛtɛ à kpɛ́n gwe,
mɛ́ wɛ́ɛ pɛ́ à maakɛɛa.
5Eé ma utɛ a kpɛ́n nawɛ̃akɛgurↄ,
eé ma gwa a bisakutaan,
eé ma zɛ gbɛ̀ musu aafia.
6Ma mì é gbã à dɛ ma ibɛɛ kɛ̀ aↄ̃ↄ ligamaziinↄ pↄ́la,
mɛ́ saa o Dii ua kↄ̃n gudakɛnao,
mɛ́ lɛ̀ sí mà à sáabu kpá.
7Tó ma n sisi Dii, ǹ wemala,
ǹ ma wɛ̃nda gwa, nɛ́ ma yã ma.
8Ma nↄ̀sɛ e lɛ́ daama mà n wɛ́ɛ wɛtɛ,
Dii, mɛ́ɛ n wɛ́ɛ wɛtɛɛ.
9Ǹton mìkpɛɛ zu mamↄma n zↄ̀blerinɛro,
ǹton kpɛɛ limɛ kↄ̃n pↄfɛ̃oro.
Ma dↄnlɛrin n ũ, ǹton ma zĩnnaro,
Luda ma mìsiri, ǹton ma tónlo.
10Tó ma de kↄ̃n ma dao pã kpàmazi,
Dii é ma sí.
11Dii, ǹ n yãzɛdee damɛ,
ǹ dↄmɛ aɛ zɛ́ súusu guu ma wɛ́ɛtãmmarinↄ yãnzi.
12Ǹton tó ma ibɛɛnↄ pↄyeziyã kɛ ma musuro,
zaakɛ sèeda ɛgɛdeenↄↄ e yã diima,
gbɛ̃ pãsĩnↄↄ e pↄ́ bↄↄ ń yĩzĩ.
13Má yã kɛ̀kii náanɛkɛna,
kɛ̀ Dii é à maaa kɛmɛ anduna kɛ̀ guu.
14Ǹ wɛ́ɛ dↄ Diizi,
ǹ zɛ gbãa, nɛ́ n làakari kpáɛ,
ǹ wɛ́ɛ dↄ Diizi.
Currently Selected:
SAAMUNƆ 27: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
