SAAMUNƆ 28
28
Wɛ́ɛkɛna kↄ̃n sáabukpanao
Dauda lɛ̀.
1Dii, ḿbe ma gbɛ̀si ũ, mɛ́ɛ n sisii,
ǹton ma yã kpá swãkotoro.
Tó n yĩtɛmala,
mɛ́ gↄ̃ lán gbɛ̃ kɛ̀ aↄ̃ sì gɛ̀wãa guunↄ bàmɛ.
2Mɛ́ɛ dↄnlɛ wii pɛɛmma,
ǹ swã kpámazi,
mɛ́ɛ ma ↄ sɛɛ n kúkii kpa.
3Ǹton ma gáɛ lɛdo kↄ̃n gbɛ̃ bɛ̃̀ɛnↄ ke zaakɛrinↄoro.
Aↄ̃è yã nnaa o ń gbɛ̃daaanↄnɛ,
mↄde zangu bé à kú ń swɛ̃̀n.
4Ǹ kɛńnɛ aↄ̃ yãkɛnaa kↄ̃n ń zaakɛnao,
ǹ fĩa bońnɛ ń dàa
lɛ aↄ̃ yã zaaa wí ń musu.
5Aↄ̃è Dii yãkɛna kↄ̃n à zĩkɛnao yã daro,
eé ń gboro, eé ń fɛɛ dↄro.
6Aubarikadeen Dii ũ,
zaakɛ à swã kpà ma wɛ̃nda wiipɛnazi.
7Diin ma gbãaa ũ kↄ̃n ma sɛngbangoo,
má à náanɛ vĩ ma swɛ̃̀n.
È ma ĩan ká, ma pↄↄ è kɛ nna,
mɛɛ̀ à sáabu kpá kↄ̃n lɛ̀sinao.
8Diin a gbɛ̃nↄ gbãaa ũ,
à dɛ utɛkii ũ kí kɛ̀ à kànɛ, è à mì sí.
9Ǹ n gbɛ̃nↄ mì sí ǹ aubarika dańgu,
ǹ ń dãkpa ǹgↄ̃ ń kũna gurↄ píngi.
Currently Selected:
SAAMUNƆ 28: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
