SAAMUNƆ 26
26
Gbɛ̃ maaa aduakɛna
Dauda lɛ̀.
1Ǹ yã nnaa kpáma Dii,
zaakɛ ma yã kɛ̀ a zɛ́a,
ma n náanɛ kɛ̀ seka sai.
2Ǹ ma lɛ́ ǹ ma gwa Dii,
nɛ́ ma nↄ̀sɛ kↄ̃n ma laasuunↄ gwa,
3zaakɛ n yenzi ègↄ̃ dↄↄmɛ aɛ,
mɛɛ̀ zĩi kɛ n yãpuraaa.
4Mɛɛ̀ vɛ̃ɛ kↄ̃n ɛgɛdeenↄoro,
mɛɛ̀ gɛ̃ mↄnafikideenↄ tɛ́ro.
5Ma za durunkɛrinↄ kakↄ̃anan,
mɛɛ̀ vɛ̃ɛ kↄ̃n gbɛ̃ zaaanↄoro.
6Ma ↄ pìpi ma taarisaidekɛ sèeda ũ,
mɛ́ɛ ligaa n gbãgbãkiizi, Dii,
7lɛ mà e mà n sáabu kpá lɛ̀sina guu,
mɛ́ n yãbↄnsaɛnↄ kpàakpa kɛ.
8Dii, má ye n kpɛ́ kɛ̀ nɛɛ̀gↄ̃ kúnzi,
guu kɛ̀ n gakui è pitan.
9Ǹton ma kakↄ̃a kↄ̃n durunkɛrinↄoro,
ǹton ma baka kakↄ̃a kↄ̃n gbɛ̃dɛrinↄ pↄ́oro.
10Laasuu zaaa bé ègↄ̃ dↄↄńnɛ aɛ,
aↄ̃ ↄↄ ègↄ̃ pana kↄ̃n ↄdↄnkpɛɛgbaanↄ.
11Mapi sↄ̃, mɛɛ̀ yã kɛ a zɛ́a,
ǹ ma wɛ̃nda gwa, ǹ ma mì sí.
12Ma zɛkii è gu maaan,
mɛ́ Dii sáabu kpá pari kakↄ̃ana guu.
Currently Selected:
SAAMUNƆ 26: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
