ZIA YÃ 10

Malaika kũ takada porona fítinnao

1Akũ ma malaika gbãnade pãnde è, à bò ludambɛ, àtɛn kipa. Ludambɛ luku likai, ludambɛfɛ̃nɛda kú a mìla. A ãn de lán ifãntɛ̃ bà, a gbánɔn de lán tɛ́nɛnɛ bà. 2À takada fítinna kũna porona. À a ɔpla gbá zɛ̀ ísiraa, à a ɔzɛ gbá zɛ̀ zĩtɛa. 3À wiki gbãna lɛ̀ lán músu pũtãnaa bà. Kũ à wiki lɛ̀, legũpũtãna mɛ̀n supplanɔ yã ò. 4Kũ legũpũtãna mɛ̀n suppla pìnɔ yã ò lɛ, má ye mà kɛ̃ takada gũn, akũ ma kòtoo mà, à bò ludambɛ à pì: Ǹgɔ̃ yã kũ legũpũtãna mɛ̀n suppla pìnɔ ò kũna asiri gũn, ǹsun kɛ̃ro. 5Malaika kũ ma è zɛna ísira kũ zĩtɛooaa pì a ɔpla sɛ̀ à dɔ̀ musu, 6akũ à sì kũ Luda kũ à kun gɔrɔ sĩnda pínkio kũ à musu kũ zĩtɛo kũ ísiraoo kɛ̀ kũ pɔ́ kũ ò kú ń gũnnɔ pínki à pì: Ani gì kɛ doro. 7Malaika supplade kãkãki pɛ́gɔrɔ zĩ, tó àtɛn su pɛ́, Luda pɔyenyĩna kũ à utɛna ni kɛ, lán à a baaruu kpà a zɔ̀bleri annabinɔnɛ nà.

8Akũ ma kòto kũ ma mà à bò ludambɛ pìi mà dɔ à pì: Ǹ gɛ́ ǹ takada porona kũ à na malaika kũ à zɛna ísira kũ zĩtɛoo musu ɔĩ sí. 9Akũ ma gɛ malaikaa pì kĩnaa, ma pìnɛ à takada fítinna pì kpáma, akũ à pìmɛnɛ: Ǹ sí ǹ só. Anigɔ̃ nna n lɛ́n lán zɔ́ bà, ama ani kɛ n nɛ̀sɛɛnɛro. 10Akũ ma takada fítinna pìi sì malaikaa pì ɔĩ, ma sò. À kɛ̀ nna ma lɛ́n lán zɔ́ bà. Kũ ma mɔ̀, adi kɛ ma nɛ̀sɛɛnɛro. 11Akũ ò pìmɛnɛ mà annabikɛyã o dɔ manamana burinɔ kũ bùsunɔ kũ buriyãnɔ kũ kínanɔ yã musu.

Currently Selected:

ZIA YÃ 10: BB2005

Highlight

Copy

Compare