FILIPIDENƆ 1
1
Pɔlu aduakɛna Filipidenɔnɛ
1Makũ Pɔlu kũ Timɔtio Kirisi Yesu zɔ̀blerinɔ ókɔ̃nɔ mɛ́ o takada dí kɛ̃̀ Luda gbɛ̃ kũ ò kú Filipinɔnɛ kunna Kirisi Yesu gũn kũ ń gbɛ̃ zɔ̃kɔ̃nɔ kũ ń kpanyĩrinɔ. 2Luda ó De kũ Dikiri Yesu Kirisio gbɛ̃kɛ kɛárɛ, à á gba aafiaa.
3Gɔrɔ kũ á yã dɔ̀magu pínki, madìgɔ̃ ma Luda sáabu kpámɛ. 4Ma aduakɛnaa gũn pínki madìgɔ̃ adua kɛárɛ á pínki kũ pɔnnao, 5kũ á ɔ kakarana kũmao baaru nna kpanaa gũn zaa gɔrɔ kũ a mà ari kũ a gbãrao yãi. 6Má dɔ̃ sãnsãn, lákũ Luda nà zĩ manaa á tɛ́ nà, anigɔ̃ kɛ, ari à gɛ́ mì dɛo Kirisi Yesu sugɔrɔ zĩ. 7À mana kũ má á yã kũna á pínki lɛ, zaakũ á yã kú ma swɛ̃̀n. Má da kpɛ́sirann yá, má zɛ kũ baaru nna pìio a yãpura ona yãin yá, á pínki á baka vĩ zɛ́ kũ Luda ma gba gũn. 8Luda dɔ̃ kũ matɛni á bɛgɛ kɛ á pínki kũ Kirisi Yesu yenyĩ burio. 9Madì adua kɛárɛ, de á yenyĩ gɔ̃ kara àgɔ̃ gɛ́ dɔ̃naa gũn kũ wɛ́kɛ̃naao swáswa, 10de à yã kũ à kũ̀ à kɛ dɔ̃, àgɔ̃ kun nɛ̀sɛpuradenɔ ũ taari sari Kirisi sugɔrɔ zĩ. 11Àgɔ̃ pana kũ yã mana kũ òdi bo Yesu Kirisi kĩnaanɔo, de ò Luda tɔ́ bo, ò a sáabu kpá.
Kirisimɛ Pɔlu wɛ̃̀ndi ũ
12Ma gbɛ̃nɔ, má ye àgɔ̃ dɔ̃ kũ yã kũ à ma le tɛ́ kà baaru nna gɛna arɛimɛ, 13akũ soza kínabɛ dogarinɔ ń pínki kũ gbɛ̃ kparanɔ dɔ̃̀ kũ Kirisi yãin ò ma dà kpɛ́siran. 14Ma dana kpɛ́siran yãi ó gbɛ̃nɔ Dikiri náani kɛ̀ dasi de yãla, akũ ń kùgbãna kàra, òtɛn Luda yã o gbɛ̃nɔnɛ vĩna sari.
15Yãpuramɛ, ń gbɛ̃kenɔ dì Kirisi yã waazi kɛ denlana yãi kũ nɛ̀sɛgɔ̃baao, gbɛ̃kenɔ sɔ̃ kũ nɛ̀sɛmanao. 16Gbɛ̃ díkĩnanɔ dì kɛ kũ yenyĩomɛ, zaakũ ò dɔ̃ kũ má zɛna kũ Yesu baarunnakpanaao yãin má yĩna la. 17Nɛ̀sɛgɔ̃bade pìnɔ sɔ̃, òdi Kirisi yã waazi kɛ denlamɔnnɛna yãimɛ, adi kɛ kũ nɛ̀sɛpuraonlo. Òtɛn da òtɛni ń kunna kpɛ́siran wari karamɛnɛ. 18Yãken yá? Manafiki gũnn yá, yãpura gũnn yá, a pínki dé, òtɛn Kirisi yã waazi kɛmɛ. Ma pɔ nna kũ abireo, akũsɔ̃ ani ɛra à kɛ nna dɔ, 19zaakũ má dɔ̃ kũ adua kũ átɛn kɛmɛnɛ kũ Yesu Kirisi Nini kpányĩo ni tó mà bo. 20Ma wɛ́ dɔi, akũsɔ̃ má a náani vĩ manamana, kũ wé'i ni ma kũ yãke gũnlo. Tera sà lán yã bà kũ kùgbãnao mani Kirisi tɔ́ bo ma mɛ̀ɛ gũn, má kunn yá kesɔ̃ ma gan yá. 21Zaakũ Kirisi yãin má kún, ga demɛnɛ àre ũ. 22Tó ma kunna kũ wɛ̃̀ndiio demɛnɛ zĩ àrede ũ, má dɔ̃ a kũ mani sɛ́ro, 23ma laasun kpaatɛnamɛ. Má ye mà tá, de màgɔ̃ kú kũ Kirisio. Gwe manamɛnɛ de gu dila zã̀. 24Ama à mana màgɔ̃ kú kũ wɛ̃̀ndiio á yãi. 25Abire yã futɛna vĩro. Má dɔ̃ kũ mani gɔ̃ la màgɔ̃ kú kãáo á pínki, de à le à gɛ́ arɛ kũ pɔnnao ludanaanikɛnaa gũn.
26Lɛn gɔrɔ kũ mani ɛra mà su á gwa lɛ, áni zɛ́ le à ĩa dã Kirisi Yesu gũn manamana ma yãi. 27A pínki dé, tó ma su á gwa ke mádi suronlo, à tó á kunna kɔ̃ sɛ́ kũ Kirisi baaru nnao, de tó matɛni á baaru ma, mà ma kũ á zɛna gíngin kũ lɛ́dokɔ̃nɔo, átɛn ɔsi ká kũ nɛ̀sɛ mɛ̀n doo baaru nna pì zɛ́ yãi. 28Àsun tó á ibɛrɛnɔ yãke vĩna á kũro. Abire nigɔ̃ deńnɛ sèeda ũ kũ ò mìi pɛ̀ kakatɛnaaa, ákɔ̃nɔ sɔ̃ áni bo mana. Luda kɛnan gwe. 29Zaakũ Luda á gbá zɛ́ à wari kɛ Kirisinɛ, adi kɛ a náanikɛna adonlo. 30Ɔsi kũ a è matɛn ká yã, akũsɔ̃ a mà matɛn ká ari tera, ákɔ̃nɔ á kú ɔsi dokɔ̃nɔ pìi gũmmɛ.
Currently Selected:
FILIPIDENƆ 1: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
