NAANAA 50
50
1Yusufu kùsi a dea à ɔ́ɔ dɔ̀ a musu à lɛ́ pɛ̀pɛa. 2Akũ à ò a zĩkɛri ɛzɛdenɔnɛ ò ɛzɛ kũ àdi tó gɛ̀ vãro máma a de gɛ̀ɛa. Akũ ò màma Isaraila gɛ̀ɛa 3ari gɔrɔ bupla de àsun yagi kɛro yãi, zaakũ lɛn Misilanɔ dì kɛ lɛ, akũ ò a gɛ̀ ɔ́ɔ dɔ̀ gɔrɔ baaakɔ̃ akuri. 4Kũ ò a gɛ̀ ɔ́ɔ dɔ̀ ò làka, Yusufu pì Firi'auna ɔndenɔnɛ: Á yã nna! Tó ma á pɔnna lè, à omɛnɛ Firi'aunanɛ à pi: 5Kũ ma de tɛn ga, à tò ma la dànɛ à pì mà a vĩ mira kũ à kɛ̀kɛ a zĩda pɔ́ ũ Kanaanɔ bùsun. Ǹ ma gba zɛ́ mà gɛ́ mà a de vĩ sà, mani ɛra mà su. 6Akũ Firi'auna pìnɛ: Ǹ gɛ́ ǹ n de vĩ, zaakũ à tò n la dàarɛ.
7Kũ Yusufu tɛn gɛ́ a de vĩ, Firi'auna ìbanɔ kũ a bɛ gbɛ̃ zɔ̃kɔ̃nɔ kũ Misila bùsu gbãnadenɔ gɛ̀ɛ kãao ń pínki. 8Yusufu bedenɔ kũ a vĩ̀ninɔ kũ a de bedenɔ gɛ̀ɛ kãao ń pínki dɔ. Ń nɛ́ fítinɔ kũ ń sãnɔ kũ ń blènɔ kũ ń zùnɔ mɛ́ ò gɔ̃̀ Gosɛ̃ bùsun ńtɛ̃nɛ. 9Sɔ̃gonɔ kũ sɔ̃denɔ gɛ̀ɛ kãao dɔ. Gbɛ̃ kũ ò gɛ̀ɛ zɛnɛɛ pìnɔn dasi manamana. 10Kũ ò kà Atada pɔ́wɛgbɛ̃kia Yoda bara, gwen ò wiki gbãna lɛ̀n ari, ò gɛ̀ ɔ́ɔ dɔ̀ manamana, akũ Yusufu a de wɛ̃nda kɛ̀ ari gɔrɔ suppla. 11Kũ Kanaanɔ bùsudenɔ è lákũ òtɛn gɛ̀ kɛ nà Atada pɔ́wɛgbɛ̃kia, akũ ò pì: Misilanɔ gɛ̀kɛna zɔ̃kɔ̃n dí. Abire yãi ò tɔ́ kpà Yoda bara gu pìinɛ Abɛli Misila.
12Lɛn Yakubu nɛ́nɔ kɛ̀ lɛ lákũ à òńnɛ nà. 13Ò a gɛ̀ɛ sɛ̀ ò gɛ̀ɛo Kanaanɔ bùsun, akũ ò a vĩ̀ Makpɛla bura gbɛ̀wɛɛ kũ Ibrahĩ lù Iti buri Ɛflɔnua mira ũ gũn Mamare ifãboki kpa. 14Kũ Yusufu a de vĩ̀ à làka, à ɛ̀ra à tà Misila kũ a vĩ̀ninɔ kũ gbɛ̃ kũ ò gɛ̀ɛ zɛnɛ a de gɛ̀ vĩnɔ ń pínki.
Yusufu náanikpana a vĩ̀ninɔa
15Kũ Yusufu vĩ̀ninɔ è ń de gà, akũ ò pì: Tó Yusufu ibɛrɛɛ sɛ̀ kũoo, akũ à ye à a vãni kũ o kɛ̀nɛ pínki fĩna bowɛrɛ sɔ̃ bi? 16Akũ ò lɛ́gbãzã kɛ̀nɛ ò pì: De n de kpɛ́ à ga à pì 17ò onnɛ ǹ ó taari kũ ó durunnao kɛ̃wá, zaakũ a vãnin o kɛ̀nnɛ. N yã nna! Ǹ ó taarinɔ kɛ̃wá. N de Luda zɔ̀blerinɔmɛ ó ũ. Kũ ò yã pìi ò Yusufunɛ, akũ à ɔ́ɔ dɔ̀. 18Akũ a vĩ̀ninɔ sù a kĩnaa ò kùtɛ a arɛ ò pì: N zɔ̀nɔmɛ ó ũ. 19Akũ Yusufu pìńnɛ: Àsun vĩna kɛro. Ludamɛ ma ũ yá? 20Á ye à a vãni kɛmɛnɛ yã, akũ Luda lìtɛ a mana ũ, de à le à gbɛ̃nɔ sura ba dasi lán àtɛn kɛ nà tera. 21Àsun vĩna kɛro. Mani á gwa kũ á nɛ́nɔ. Akũ à náani kpàḿma à ń laakarii kpàtɛ.
Yusufu ganaa
22Yusufu kú Misila kũ a de bedenɔ ari à kà wɛ̃̀ basɔɔro akuri. 23À wɛ́ sì Ɛflaimu sãkpɛnɔlɛ, akũ à wɛ́ sì Manase nɛ́ Maki nɛ́nɔlɛ dɔ. 24Akũ Yusufu pì a gbɛ̃nɔnɛ: Ma ka gana. Luda mɛ́ ani su kpáái à bo kãáo bùsu dín à gɛ́ kãáo bùsu kũ à a lɛ́ sɛ̀ Ibrahĩnɛ kũ Isaakuo kũ Yakubuoo gũn. 25Akũ Yusufu tò Isarailanɔ la dàarɛ à pì: Gɔrɔ kũ Luda ni su kpáái, à ma wánɔ sɛ́tɛ à boo gu dín. 26Yusufu wɛ̃̀ basɔɔro akuriden à gà. Akũ ò ɛzɛ kũ àdi tó gɛ̀ vãro màma a gɛ̀ɛa ò dà àkpatii gũn Misila.
Currently Selected:
NAANAA 50: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
