NAANAA 49
49
Yakubu sa'olɛkɛna a nɛ́nɔnɛ
1Yakubu a nɛ́nɔ sìsi, akũ à pì:
À kɔ̃ kakara
mà yã kũ ani á le ziakpɛzĩ oárɛ.
2À kɔ̃ kakara ma nɛ́nɔ à sã kpá,
à á de Isaraila yã ma.
3Rubɛni ma daudu ma gbãna,
ma kana gɔ̃ lɛ́i nɛ́ káaku,
n bɛ̀ɛrɛ deńla kũ n gbãnao.
4Ń pãsĩ lán ísɔ̃ bà,
ama ĩnigɔ̃ deńlaro,
zaakũ n didi n de gádoa,
n wutɛ kũ ma nɔnɔ dokeo.
5Simɛɔ kũ Levio mɛ́ ò kɔ̃ gbɛ̃nɔ ũ,
ò pãsĩ kũ fɛ̃nɛdao.
6Ma lɛ́ kú ń kakaranaa gũnlo,
ma baka kú ń yãgɔ̃gɔ̃naa gũnlo,
zaakũ ò gbɛ̃nɔ dɛ̀dɛ pɔfɛ̃ gũn,
ò zù gbátĩnɔ zɔ̃̀zɔ̃ lákũ ò yei nà.
7Luda láari boḿma ń pɔfɛ̃ zɔ̃kɔ̃ yãi,
à lɛ́ kɛńnɛ ń pãsĩkɛ yãi.
Mani ń kɛ̃kɔ̃a Yakubu burinɔ tɛ́,
mani ń burinɔ fãkɔ̃a Isarailanɔ gũn.
8Yuda, n gbɛ̃nɔ ni n tɔ́ kpá.
Ĩni n ibɛrɛnɔ kũ ń wakaaa,
n de nɛ́nɔ ni kútɛnnɛ.
9Yuda de lán músu bà,
ma nɛ́ pìi dì su kũ tofekao
àdi gátɛ àdi wútɛ a tòn.
Dí mɛ́ ani fɔ̃ à a futɛɛ?
10Kpata ni go Yudalaro,
a burinɔ mɛ́ onigɔ̃ gò kũna
ari Silo gɛ́ su,
buri sĩnda pínki ni mì natɛnɛ.
11Ani a zaaki dɔ geepi lía,
ani a zaakinɛ yĩ geepi lí manaa.
Sèwɛ̃ nigɔ̃ dimɛ
ani a pɔ́kasanɔ pípio,
ani a uta pípi kũ geepi'io.
12Sèwɛ̃ ni a wɛ́ tɛ̃ra kũ,
vĩ ni a saka pura kũ.
13Zɛbuluni nigɔ̃ kú ísira sarɛ,
a bùsu nigɔ̃ de gó'itɛnɔ bàdɔki ũ.
A bùsu lɛ́ ni zɛ Sidɔ̃.
14Isaka de lán zaaki gbãna
kũ à wutɛna aso mɛ̀n pla dagura bà.
15Tó a burinɔ è ń kámmaboki mana,
akũsɔ̃ ń bùsu pì vutɛna nna,
oni natɛ asosɛnaanɛ ò zɔ̀zĩ kɛ.
16Dã ni a gbɛ̃nɔ bo yãn
Isaraila burinɔ doke ũ.
17Dã nigɔ̃ de lán mlɛ̃̀ kũ à kú zɛ́ sarɛ bà,
lán pitiko kũ à kú zɛ́wɛwɛ gũn bà.
Àdi sɔ̃ lɛ́ a gbáa,
de gbɛ̃ kũ à di a musu lɛ́tɛ a kpɛdangara.
18Dikiri, madì wɛ́ dɔ n surabanaai.
19Gada sɔ̃, zĩ̀karinɔ ni sińgu,
ama oni lɛ́tɛ ń kpɛdenɔa.
20Asa pɔ́blewɛ nigɔ̃ nísi vĩ,
pɔ́ble kũ a blena nna kínanɔnɛɛn ani kpá.
21Nafatali de lán gbɛ̃tɛ̃ lí
kũ àdi gã̀ mananɔ bo bà.
22Yusufu de lán lí nɛ́'iri
kũ à kú ísɛ̃boki sarɛ bà,
a gã̀nɔ dì poro à da gbĩ̀la.
23Kàzurinɔ ni ibɛrɛ sɛ́o,
ò pɛ́a kũ kàao.
24Anigɔ̃ a sá kũna yĩgãnaa sari
Yakubu Luda gbãnade gãi,
a ɔ gbãna nigɔ̃ wãna
Isarailanɔ Gbɛ̀si kũ àdi donɛ arɛ yãi.
25N de Luda pì ni kpányĩ,
Gbãnasĩndapinkide pì ni arubarika dangu
kũ legũ'i kũ àdi bo musuo,
kũ arubarika kũ à katɛna zĩtɛ gbáruo,
de n nɔnɔ kũ n pɔ́nɔ gɔ̃ de nɛ́randenɔ ũ.
26Sa'olɛ kũ n de kɛ̀nnɛ
de ma dizinɔ pɔ́la,
à zɔ̃kɔ̃ de kpi zĩnɔla.
Luda tó arubarika dínɔ gɔ̃ Yusufu mìia,
gbɛ̃ kũ ò dìtɛ adona a gbɛ̃nɔ tɛ́ musu.
27Biliaminu de lán lɛwanna pãsĩ bà,
àdi lɛ́tɛ gbɛ̃nɔa kɔnkɔ,
àdi ń pɔ́nɔ kpàatɛ ɔkɔsi.
28Isaraila buri mɛ̀n kuri awɛɛplanɔn gwe ń pínki. Sa'olɛ kũ ń de kɛ̀ńnɛn gwe baadi kũ a pɔ́o.
Yakubu gana kũ a vĩnaao
29Akũ à pìńnɛ: Tó ma andunia tò, à ma vĩ ma dizinɔ gbɛ̀wɛɛ kũ à kú Iti buri Ɛflɔnu bura gũn. 30Gbɛ̀wɛɛ pì kú Makpɛlamɛ, Mamare ifãboki kpa Kanaanɔ bùsun, bura kũ Ibrahĩ lù Iti buri Ɛflɔnua gɛ̀vĩki ũ. 31Gwen ò Ibrahĩ kũ a nanɔ Sarao vĩ̀n. Gwen ò Isaaku kũ a nanɔ Rɛbɛkao vĩ̀n. Gwen ma Lea vĩ̀n. 32Ò bura pì kũ a gbɛ̀wɛɛɛoo lù Itinɔamɛ. 33Kũ Yakubu lɛ́ dìtɛ a nɛ́nɔnɛ à làka, à ɛ̀ra à wùtɛ, akũ à gà.
Currently Selected:
NAANAA 49: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
