BONAA 31
31
Luda bizakuta
1Dikiri yã ò Musanɛ à pì: 2Ǹ ma! Ma Uri nɛ́ Bezalɛli, Uru daikore, Yuda buri sɛ̀. 3Ma tò ma Nini kúa, akũ à ɔ̃ndɔ̃ kũ gonio kũ dɔ̃naao lè ɔzĩ pínki gũn. 4À zãble pɔ́nɔa dɔ̃ kũ wuraao kũ andurufuuo kũ mɔ̀gotɛ̃o. 5À gbɛ̀ bɛ̀ɛrɛde ana dɔ̃ kũ a dana pɔ́ gũnwo kũ lí'anaao kũ ɔzĩ sĩnda pínkio. 6Abire gbɛra ma Aisamaki nɛ́ Ɔɔliabu, Dã buri dìtɛ a kpanyĩri ũ. Ma ɔzĩkɛrinɔ gbà ɔ̃ndɔ̃ ń pínki, de ò le ò pɔ́ kũ ma dìtɛnnɛnɔ kɛ pínki: 7Dakarɛki kuta kũ doka àkpatiio kũ a nɛ́kparɛo kũ kpɛ́ pì pɔ́ ketenɔ pínki, 8teburu kũ a pɔ́ ketenɔ, wura atɛ̃nɛ fitiladibɔ kũ a pɔ́ ketenɔ pínki, turaretitikpataki, 9sa'opɔ kũ òdi ká tɛ́n à tɛ́ kũ oki kũ a pɔ́ ketenɔ pínki, dàga kũ a dibɔɔo, 10pɔ́kasa kũ ò tã̀nɔ, sa'ori Haruna pɔ́kasa kũ ani naomainɔ kũ a nɛ́nɔ sa'opɔkasanɔ pínki, 11pɔ́ sakɛnísi kũ bizakuta turaretiti gbĩ nnannao. Ò pɔ́ pìnɔ kɛ lákũ ma dìtɛnnɛ nà pínki.
Kámmabogɔrɔ yã
12Dikiri yã ò Musanɛ à pì: 13Ǹ o Isarailanɔnɛ ò kámmabogɔrɔ kũ ma dìtɛ yã da, zaakũ à de sèeda ũ makũ kũ ákɔ̃nɔ dagura ari á buria, de à le à dɔ̃ makũ Dikiri ma á sɛ́ ma gbɛ̃nɔ ũ. 14Àgɔ̃ kámmabogɔrɔ pì yã da, zaakũ gɔrɔ pì kúárɛ adonamɛ. Gbɛ̃ kũ à gɔrɔ pìi tɛ̃̀ɛ kɛ̀, ade gàmɛ. Gbɛ̃ kũ à zĩ kɛ̀ gɔrɔ pìia, ò ade bo a gbɛ̃nɔ tɛ́ ò a dɛ. 15Àgɔ̃ zĩ kɛ gɔrɔ suddo, a gɔrɔ suppladen áni kámma bo, zaakũ makũ Dikiri ma pɔ́mɛ. Gbɛ̃ kũ à zĩ kɛ̀ kámmabogɔrɔaa gàmɛ. 16Isarailanɔ gɔ̃ kámmabogɔrɔ pì yã kũna ò ditɛ gɔrɔ zɔ̃kɔ̃ ũ ari ń buria ma bàka kunna kũńwo yã ũ. 17Anigɔ̃ de sèeda ũ makũ kũ Isarailanɔ dagura gɔrɔ sĩnda pínki, zaakũ makũ Dikiri ma musu kũ anduniao kɛ̀ gɔrɔ suddomɛ, akũ ma làka ma kámma bò a gɔrɔ supplade zĩ. 18Kũ Dikiri yã ò Musanɛ Sinai kpi musu à làka, akũ à dokayã kɛ̃̀ gbɛ̀ anlonɔa mɛ̀n pla kũ a zĩda ɔnɛo à kpàa.
Currently Selected:
BONAA 31: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
