BONAA 24
24
Luda bàka kunna kũ Isarailanɔ sèedaa
1Dikiri pì Musanɛ: Mɔkɔ̃n kũ Harunao kũ Nadabuo kũ Abiuo kũ Isaraila gbɛ̃ zɔ̃kɔ̃ gbɛ̃nɔn baaakɔ̃ akurinɔ, à didi kpia à mɔ́ ma kĩnaa, à donyĩ kɛmɛnɛ zaa zã̀. 2Mɔkɔ̃mmɛ ĩni namai ndo, gbɛ̃ kparanɔ sún su kãniro akũsɔ̃ pari sún didi kũńwo kpi díkĩna musuro.
3Musa gɛ̀ɛ à yã kũ Dikiri òo gbã̀ńnɛ pínki kũ dokayãnɔ pínki. Ò wè lɛɛlɛ ń pínki ò pì: Yã kũ Dikiri ò pínki óni kɛ. 4Akũ Musa yã kũ Dikiri òo pìnɔ kɛ̃̀ takada gũn pínki.
À fùtɛ kɔnkɔkɔnkɔ à gbagbaki bò kpigɛrɛɛi, akũ à gbɛ̀ɛ pɛ̀tɛpɛtɛ mɛ̀n kuri awɛɛpla Isaraila buri mɛ̀n kuri awɛɛplanɔ pɔ́ ũ. 5À Isaraila kɛfɛnnanɔ zĩ̀ kũ zùsanɛnɔ, akũ ò sa'opɔ kũ òdi ká tɛ́n à tɛ́ kũ òo Dikiria kũ sáabukpana sa'opɔnɔ. 6Akũ Musa zùu pìnɔ aru sì à kpàatɛ lɛu pla. À a lɛu do dìtɛ kũ tao à a lɛu do àtɛ̃ gbagbakia. 7Akũ à Dikiri bàka kunna kũńwo takada sɛ̀ à a kyó kɛ̀ńnɛ. Akũ ò pì: Yã kũ Dikiri ò pínki óni kɛ óni mì natɛnɛ. 8Akũ à aru pìi sɛ̀ à fã̀ḿma à pì: Dikiri bàka kunna kãáo arun gwe lákũ a mà nà pínki.
9Musa kũ Harunao kũ Nadabuo kũ Abiuo kũ Isaraila gbɛ̃ zɔ̃kɔ̃ gbɛ̃nɔn baaakɔ̃ akurinɔ dìdi kpia. 10Ò Isarailanɔ Luda è. Safia gbɛ̀ gusara katɛna a gbá gɛ̃i, a í de búgu swáswa lán ludambɛ búgu bà. 11Luda dí yãke kɛ Isaraila gbãnade pìnɔnɛro. Ò wɛ́ sìalɛ, akũ ò pɔ́ blè ò í mì.
Musa kunna Sinai kpi musu
12Dikiri pì Musanɛ: Ǹ didi kpia ǹ mɔ́ ma kĩnaa ǹgɔ̃ kú gwe. Mani gbɛ̀ anlo kũ ma a dokayãnɔ kɛ̃̀anɔ kpámma, de ǹ le ǹ dańnɛ. 13Akũ à fùtɛ kũ a kpàasi Yɔsuao, òtɛn gɛ́ didi Luda kpia. 14Akũ Musa pì gbɛ̃ zɔ̃kɔ̃nɔnɛ: Àgɔ̃ ó dã la, óni ɛra ò su á kĩnaa. Haruna kũ Uruo nigɔ̃ kú kãáo. Tó gbɛ̃ke yãke vĩ, à gɛ́o ń kĩnaa. 15Akũ Musa dìdi kpi pìia. Túsukpɛ dà a mìsɔ̃ntɛla, 16akũ Dikiri gakuri kìpa Sinai kpi pìia. Túsukpɛ pì daala lɛ ari gɔrɔ suddo, a gɔrɔ suppladen Dikiri lɛ́ zù Musai zaa túsukpɛ pìi gũn. 17Isarailanɔ Dikiri gakuri è lán tɛ́ kũ àdi ń ble bà kpi pìi mìsɔ̃ntɛa. 18Akũ Musa gɛ̃̀ tɛ́luku pìi gũn à ɛ̀ra à dìdi kpi pìia. À kú gwe ari gɔrɔ bupla fãnantɛ̃ kũ gwãanio.
Currently Selected:
BONAA 24: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
