BONAA 17
17
Í bona gbɛ̀n
(Nar 20:2-13)
1Isarailanɔ fùtɛ Sini gbárannan ń pínki, òtɛn bùra kátɛkatɛ lákũ Dikiri òńnɛ nà, akũ ò gɛ̀ɛ ò bùraa kàtɛ Rɛfidimu. Odi í le ò mì gwero, 2akũ ò zuka kà Musai ò pì: Ǹ ó gba í ò mi. À pìńnɛ: Bɔ́yãi átɛn lɛ́kpakɔ̃ana kɛ kũmaoo? A kɛ̀ dera átɛn Dikiri lɛ́ à gwaa? 3Kũ ími tɛni ń dɛ, akũ ò zuka kà Musai ò pì: Bɔ́yãi n bo kũoo Misilai? Ń ye ími ó dɛ kũ ó nɛ́nɔ kũ ó pɔ́kãdenɔon yá? 4Akũ Musa wiki lɛ̀ Dikiria à pì: Deran mani kɛ kũ gbɛ̃ pìnɔ nàa? À gɔ̃̀ fíti kũ oni ma pápa kũ gbɛ̀ɛo ò ma dɛ. 5Dikiri pìnɛ: Ǹ Isaraila gbɛ̃ zɔ̃kɔ̃nɔ sɛ́tɛ à do gbɛ̃ pìnɔnɛ arɛ. Ǹ n gò kũ n Nili lɛ̀o sɛ́ dɔ. 6Mani zɛ n arɛ Orɛbu gbɛ̀si sarɛ gwe. Ǹ gbɛ̀si pì lɛ́, í ni bo de ò mi. Akũ Musa kɛ̀ lɛ Isaraila gbɛ̃ zɔ̃kɔ̃nɔ wára. 7Akũ ò tɔ́ kpà gu pìinɛ Masa, zaakũ gwen ò Dikiri lɛ̀n ò gwà ò pì: Dikiri kú kũoomɛ gwe yá? Ò tɔ́ kpànɛ Mɛriba dɔ, kũ Isarailanɔ zuka kà gwe yãi.
Zĩ̀kana kũ Amalɛkinɔ
8Amalɛkinɔ sù zĩ̀ ká kũ Isarailanɔ Rɛfidimu. 9Akũ Musa pì Yɔsuanɛ: Ǹ gbɛ̃nɔ sɛ́ ó tɛ́ à gɛ́ zĩ̀ ká kũ Amalɛkinɔ. Zia manigɔ̃ zɛna sĩ̀sĩ dí mìsɔ̃ntɛa kũ Luda gòoo kũna. 10Yɔsua kɛ̀ lákũ Musa ònɛ nà, à gɛ̀ɛ zĩ̀ ká kũ Amalɛkinɔ. Akũ Musa kũ Harunao kũ Uruo dìdi sĩ̀sĩi pìi mìsɔ̃ntɛa. 11Tó Musa a ɔnɔ sɛ̀, Isarailanɔ dìgɔ̃ zĩ̀ ble Amalɛkinɔamɛ, ama tó à a ɔnɔ dìtɛ sɔ̃, Amalɛkinɔ dìgɔ̃ zĩ̀ ble Isarailanɔa. 12Kũ Musa ɔnɔ wã̀, ò gbɛ̀ɛ sɛ̀ ò dìtɛ a gbáru à vùtɛa, akũ Haruna kũ Uruo a ɔnɔ kũkũna, gbɛ̃ do ɔplai, gbɛ̃ do ɔzɛi, akũ a ɔnɔ gɔ̃̀ zɛna ari ifãntɛ̃ gɛ̀ɛ à gɛ̃̀o kpɛ́n. 13Akũ Yɔsua zĩ̀i blè Amalɛkinɔa à ń dɛdɛ kũ fɛ̃nɛdao.
14Dikiri pì Musanɛ: Ǹ adikĩna kɛ̃ takada gũn de àgɔ̃ de dɔngu pɔ́ ũ ǹ o Yɔsuanɛ, zaakũ mani Amalɛkinɔ buri bo andunia gũn ń pínki. 15Musa gbagbaki bò, akũ à tɔ́ kpànɛ Dikirimɛ ma tuta ũ 16à pì: Ma ɔ sɛ̀ Dikiri kpata kpa. Dikiri nigɔ̃ zĩ̀ ká kũ Amalɛkinɔ gɔrɔ sĩnda pínki.
Currently Selected:
BONAA 17: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
