DOKAGBƐSISINAA 34
34
Musa ganaa
1Musa bò Mɔabunɔ bùsu sɛ̃̀ntɛ à dìdi Nɛbo kpia ari Pisiga kpi mìsɔ̃ntɛ kũ à arɛ dɔ Yɛrikoa, akũ Dikiri bùsuu pìi mɔ̀nɛ pínki zaa Giliada bùsun ari Daninɔ bùsun 2kũ Nafatalinɔ bùsuuo pínki kũ Ɛflaimunɔ bùsuuo kũ Manasenɔ bùsuuo kũ Yudanɔ bùsuuo pínki ari ísira kũ à kú ifãlɛtɛ kpa 3kũ Nɛgɛvio kũ Yɛriko wɛ̃tɛ dominalide guvutɛo ari Zoa. 4Akũ Dikiri pìnɛ: Bùsu kũ ma la dà Ibrahĩnɛ kũ Isaakuo kũ Yakubuo ma pì mani kpá ń burinɔaa pìin gwe. Ma tò n wɛ́ sìalɛ, ama ĩni bikũ Yodaa ǹ gɛ̃nlo.
5Akũ Dikiri zɔ̀bleri Musa gà Mɔabunɔ bùsun gwe lákũ Dikiri ò nà. 6Akũ Dikiri a vĩ̀ guvutɛn gwe Bɛtɛpeo kpa. Gbɛ̃ke a mira ki dɔ̃ro ari kũ a gbãrao. 7Musa gà a wɛ̃̀ basuddode gũmmɛ. A wɛ́ nna akũsɔ̃ a gbãna dí lagoro. 8Isarailanɔ a gɛ̀ɛ kɛ̀ gɔrɔ baraakuri Mɔabunɔ bùsu sɛ̃̀ntɛ, akũ a gɛ̀kɛna kũ ɔ́ɔdɔo làka.
9Ɔ̃ndɔ̃ pàpa Nuni nɛ́ Yɔsuaa kũ Musa ɔ nàa yãi. Isarailanɔ a yã mà, ò kɛ̀ lákũ Dikiri dà Musanɛ nà. 10Annabi ke dí bo Isarailanɔ gũn lán Musa bà doro. Àdi yã o kũ Dikirio tɛ̃tɛ̃ntɛ̃ 11akũsɔ̃ à sèedanɔ kũ daboyã kũ Dikiri à zĩ̀onɔ kɛ̀ Misila, Firi'auna kũ a ìbanɔ kũ a gbɛ̃nɔ arɛ ń pínki. 12Gbɛ̃ke dí yã naasi zɔ̃kɔ̃ kɛ kũ iko gbãnao lán Musa bà Isarailanɔ wɛ́ sìalɛ doro.
Currently Selected:
DOKAGBƐSISINAA 34: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
